San Mateo 12:30 - Biblia Guarani Tumpa Iñee

³⁰ Kia mbaetɨ oñemoïru che ndive vae, oyovaicho ko che ndive. Jökoraiño vi, mbaetɨ chemborɨ vae, oyapo ko ikavimbae chekotɨ.

Nuevo Testamento Guaraní Pe

³⁰ Oime yave quia mbaeti oipota oico cheirura vae, oyovaicho co che ndive. Jae ramiño vi oime yave quia mbaeti chemborɨ vae, oyapo co icavi mbae vae checotɨ —jei—.

San Mateo 12:30 ပူးပေါင်းရင်းမြစ်များ

GÉNESIS 49:10

Judá güi ngaraa kia ipuere opɨ̈ro mbaepuere, ngaraa vi ipo pegua oro pegua vae ave, ou regua Siloh, jókuae ipo pegua oro pegua iya, chupe opaete vae omeeta mbaemboete.

SALMOS 94:16

¿Kia pa chereepɨta jeko kavimbae reta güi? ¿Kia pa chereepɨta ikavimbae iyapoa reta güi?

PROVERBIOS 11:24

Mbae omee ngatu vae pe, oñemoïru ye chupe, ërei jupimbae reve oasa ete mbae omombɨta iyeupe vae reta yogüɨrekota mbaravete rupi.

OSEAS 1:11

Jayave oyomboatɨta Judá jare Israel pegua reta, jare oiparavo retata meteiño mburuvicha, jare ketɨ ketɨ güi oyerova reta yeta iɨvɨ pe. ¡Echa Jezreel iara ikavi yaeta ko!

San Mateo 12:29

Metei kuimbae ¿ipuere pa oike ipɨ̈rata vae jo pe, opɨ̈ro vaerä imbaembae chugüi oipokuambae reve? Oipokuata räri ko, jayave ramo ipuere opɨ̈ro imbaembae jo pegua.

San Mateo 6:24

Ngaraa kia ipuere oyeokuai kavi mókoi iya güɨnoi yave; echa omotareɨta metei iya jare oaɨuta ïru, ani oyeokuai kavita metei pe jare güɨröɨrota ïru. Ngaraa pepuere peyeokuai päve Tumpa pe ani mbaeyekou pe.

San Marcos 9:40

Echa mbaetɨ oyovaicho yande ndive vae yandemborɨ ko.

San Lucas 11:23

Kia mbaetɨ oñemoïru che ndive vae, oyovaicho ko che ndive. Jökoraiño vi, mbaetɨ chemborɨ vae, oyapo ko ikavimbae chekotɨ.

San Lucas 9:50

Jesús jei chupe: —Agüɨye peyopia. Echa mbaetɨ oyovaicho yande ndive vae yandemborɨ ko.

San Juan 11:52

Ërei mbaetɨta omano judío reta reño. Omanota omboatɨ vaerä opaete Tumpa taɨ oñemoai ñogüɨnoi vae.

JOSUÉ 24:15

Ërei mbaetɨ peipota peyeokuai yandeYa pe yave, peiparavo peyeupe kia pe peyeokuai vaerä; tumpa reta, peñemuñagüe reta oyeokuai ɨ̈aka Éufrates jembeɨ pe yogüɨreko yave vae pe, ani amorreo reta kuae ɨvɨ pe yogüɨreko vae reta itumpa pe. Ërei che jare chero pegua reta ndive royeokuaita yandeYa peño.

JOSUÉ 5:13

Metei ara Josué köiño oiko Jericó güi yave, oecha metei kuimbae ói jenonde kɨsepuku güɨnoi ipo pe vae. Jare Josué ojo ikotɨ, jare jei chupe: —¿Oreïru pa nde, ani orerovaicho pa nde?

1 Juan 2:19

Jae reta oë yandegüi, mbaetɨ añetete oñemoïru yande ndive ramo. Echa añetete oñemoïru yande ndive yave oimeñota tëi yogüɨreko yande ndive. Ërei oë reta yandegüi, oyekuaa vaerä opa reveä ko ñaneïru vae.