San Mateo 12:28 - Biblia Guarani Tumpa Iñee

²⁸ Ërei che ambosɨrɨ aña reta oya jese vae reta güi Tumpa iEspíritu imbaepuere rupi. Jökorai pepuere peikuaa ou ma ko oväe peve Tumpa iporookuaía.

Nuevo Testamento Guaraní Pe

²⁸ Erei che amondo aña reta oya jese vae reta güi Tumpa iEspíritu imbaepuere pe. Jae rambue pepuere peicuaa ou ma co peve Tumpa iporoocuaia —jei—.

San Mateo 12:28 ပူးပေါင်းရင်းမြစ်များ

DANIEL 2:44

Jare kuae mburuvicha guasu reta iara rupi, Tumpa ara pe oï vae omopüata metei mborookuaía mbaetɨ eteita oyemboai vae, jare mbaetɨta kuae mborookuaía oyeeya ïru tëta ipo pe; omonguruvita jare omokañɨteita opaete kuae mborookuaía reta, ërei jae oikota jekuae avei,

DANIEL 7:14

Jare oñemee chupe mbaepuere, yemboetea jare mborookuaía, jare opaete ketɨgua tëtaguasu reta jare ïru ñee pe imiari vae reta oyeokuai chupe. Imbaepuere jekuae avei ko, jare iporookuaía ngaraai oyemboai.

San Mateo 12:18

“Mase, ko oï cherembiokuai, cherembiparavo. Cherembiaɨu. Chemboyerovia yae vae. Ameeta chupe cheEspíritu, jare jae omoërakuata jupigüe vae judiombae vae reta pe.

San Mateo 12:29

Metei kuimbae ¿ipuere pa oike ipɨ̈rata vae jo pe, opɨ̈ro vaerä imbaembae chugüi oipokuambae reve? Oipokuata räri ko, jayave ramo ipuere opɨ̈ro imbaembae jo pegua.

San Mateo 21:31

¿Kia nunga pa kuae mókoi vae güi oyapo tu jei vae? Jayave jae reta jei chupe: —Jókuae tenonde tu oyókuai vae. Jayave Jesús jei chupe reta: —Añete che jae peve, mburuvicha peguarä okovara vae reta jare kuña iyaguasa pota vae reta jae reta räri oiketa pegüi Tumpa iporookuaía pe.

San Mateo 21:43

Jáeramo che jae peve, oñepɨ̈rota pegüi Tumpa iporookuaía. Jare oñemeeta ïru reta pe, omoñemuñata vae reta pe.

San Mateo 4:24

Jare opaete ɨvɨ Siria pegua reta pe jërakua Jesús oyapo vae regua. Jare güeru reta chupe oipotagüe mbae jasɨ chupe vae reta, oiporara oipotagüe mbaerasɨ vae, jare aña oya jese vae reta, omano mano vae reta jare jete jëogüe vae. Jare Jesús ombogüera reta.

San Mateo 6:33

Jáeramo pembotenonde Tumpa iporookuaía jare imbaejupi. Jökorai yave, Tumpa omeeta peve opaete kuae mbaembae.

San Marcos 1:15

Jei reve: “Ara oväe ma, outa ma oväe Tumpa iporookuaía. Peeya peyemongeta ikavimbae vae pepɨa penoi vae, jare perovia ñee ikavigüe vae.”

San Marcos 11:10

Toyemboeteuka ñaneñemuñagüe David iporookuaía ou oväe vae. ¡Hosanna! ¡Toyemboete ara pe!

San Marcos 16:17

Jare güɨrovia vae reta cheree re ombosɨrɨta aña reta oya jese vae reta güi. Jare imiari retata ïru ñee pe.

San Lucas 10:11

‘Romotumo ɨvɨkúi perëta guasu pegua oya orepɨ re vae, peikuaa vaerä penoi ko teko vae. Ërei romombeu peve, Tumpa iporookuaía ou ma oväe peve.’

San Lucas 11:20

Ërei che ambosɨrɨ aña reta oya jese vae reta güi Tumpa imbaepuere rupi. Jökorai pepuere peikuaa ou ma ko oväe peve Tumpa iporookuaía.

San Lucas 16:16

Ndei Juan ou mbove, oñemoërakua yandeve yayapo vaerä mborookuai jare ñeemombeúa reta jei vae rupi. Ërei Juan omboɨpɨ omoërakua ñee ikavi vae Tumpa iporookuaía regua, jare opaete vae oipota yae oike Tumpa iporookuaía pe.

San Lucas 9:2

Jayave omondo reta omombeu vaerä Tumpa iporookuaía jare ombogüera vaerä imbaerasɨ vae reta.

Hechos 10:38

kërai Tumpa oiparavo Espíritu Santo rupi jare mbaepuere rupi Jesús Nazaret pegua, jare kërai jae ojo opaete kerupi oyapo ikavi vae, jare kërai ombogüera opaete aña guasu oiporarauka chupe vae reta. Echa Tumpa oiko jae ndive.

Romanos 14:17

Echa Tumpa iporookuaía mbaetɨ ko mbae jau vae, jae ko jupi vae, mbɨakatu jare yerovia katu Espíritu Santo rupi.

Colosenses 1:13

YandeRu yandereepɨ ma mbaepuere pɨtumimbi pegua güi, jare yandereroyakavo ma Taɨ oaɨu vae iporookuaía pe;

Hebreos 12:28

Jare Tumpa omee yandeve iporookuaía mbaetɨ ipuere oñemomɨi vae, jáeramo ñamee yasoropai Tumpa pe ipɨakavi re, yambopɨakatu reve yayeokuai chupe yamboete jare yaipoɨu reve;

1 Juan 3:8

Jekuaeño mbaeyoa oyapo vae aña guasu imbae ko. Echa aña guasu iyoa avei iyɨpɨ güive. Tumpa Taɨ oyeapo kuimbaerä omboai vaerä aña guasu iparavɨkɨ.