San Mateo 12:25 - Biblia Guarani Tumpa Iñee

²⁵ Jesús oikuaa fariseo reta iyemongeta jare jei chupe reta: “Metei mborookuaía pegua reta oyovaicho oyoupii yave, oyomboaita ko; jaeramiño vi metei tëta pegua reta ani metei o pegua reta oyovaicho oyoupii yave, opata ko oyomboai.

Nuevo Testamento Guaraní Pe

²⁵ Jesús oicuaa fariseo reta iñemongueta jare jei chupe reta: —Metei tenta pegua reta oyovaicho oyoupi yave, opata co jocuae tenta. Jae ramiño vi metei o pegua reta oyovaicho oyoupi yave, opata co jocuae o —jei—.

San Mateo 12:25 ပူးပေါင်းရင်းမြစ်များ

1 REYES 16:21

Jayave Israel pegua reta oyemboyao mókoi pe. Metei yemboyao oyemboya Tibni, Ginat taɨ re, omboguapɨ vaerä mburuvicha guasurä, jare ïru yemboyao oyemboya Omri re.

SALMOS 139:2

nde reikuaa kavi opaete ayapogüe, mombɨrɨ güi nde reikuaa cheyemongeta.

ISAÍAS 9:21

Manasés opüata Efraín re, Efraín opüata Manasés re; kuae reta mókoi reve oñemopüata ɨvɨ Judá re. Ërei yandeYa mbaetɨ iyarasɨ poi; jekuaeñoi iyarasɨ oï.

JEREMÍAS 17:10

Che, ndeYa, aikuaa kërai ko pepɨa vae, aikuaa opaete yemongeta reta, amboekovia vaerä metei ñavo vae pe jeko oï rupi, jare jembiapo reta oï rupi.”

AMÓS 4:13

Echa, ko oï ɨvɨtɨ reta iyapoa, kuimbae reta pe omombeu iyemongeta vae, pɨtumimbi oyapo tembiperä vae, ɨvɨtɨ guasu rupi oguata vae, jae ko jee yandeYa Tumpa Imbaepuere yae ete vae.

San Mateo 9:4

Ërei Jesús oikuaa jae reta iyemongeta ramo jei chupe reta: —¿Maera pa penoi pepɨa pe yemongeta reta ikavimbae?

San Marcos 2:8

Jare Jesús oikuaa voi ipɨa pe jae reta iyemongeta ramo, jei chupe reta: —¿Maera pa pepɨa pe peyemongeta jökorai?

San Juan 21:17

Jesús jei ye chupe mboapɨa ma: —Simón, Jonás taɨ, ¿cheraɨu pa? Pedro ipɨatɨtɨ. Echa mboapɨa ma Jesús jei chupe: “¿Cheraɨu pa?” Jayave jei ye: —CheYa, nde reikuaa opaete. Nde reikuaa ko che roaɨu ko vae. Jesús jei chupe: —Emongaru chevecha reta.

1 Corintios 2:11

Kia mbaetɨ ipuere oikuaa ïru vae ipɨa pe. Jae eteiño oikuaa. Jökoraiño vi mbaetɨ kia ave oikuaa Tumpa ipɨa. Jaeño Tumpa iEspíritu.

Gálatas 5:15

Ërei peñeraro reteiño oyoupii yave, opata ko peñomokañɨtei.

Hebreos 4:13

Oyapo mbaembae Tumpa oyapo vae mbaetɨ ipuere oñemi chugüi. Echa opaetei ko mbaembae oyekuaa oï jókuae ñanejäata vae jóvai.

Apocalipsis 16:19

Jare tëta guasu oyemboyao mboapɨ pe, jare tëta guasu reta ïru ɨvɨ pegua opa oa. Jare Tumpa imaendúa jókuae tëta guasu Babilonia jee vae re, jouuka vaerä chupe vinoecha, iyarasɨ yae ikotɨ vae.

Apocalipsis 2:23

Jare ayukata jókuae kuña imembɨ reta, jare opaete oporogüɨrovia vae reta oikuaata kërai che aikuaa opaete vae iyemongeta jare ipɨa. Jare ameeta metei ñavo vae pe jembiapo oï rupi.