San Mateo 12:15 - Biblia Guarani Tumpa Iñee

¹⁵ Jesús kuae oikuaa yave, ojo joko güi. Jare jeta vae reta yogüɨraja jaɨkue, jare jae ombogüera opaete imbaerasɨ vae reta.

Nuevo Testamento Guaraní Pe

¹⁵ Erei Jesús cuae oicuaa yave, ojo joco güi. Jare jeta yae vae yogüɨraja jaɨcue, jare Jesús ombogüera opaete imbaerasɨ vae reta.

San Mateo 12:15 ပူးပေါင်းရင်းမြစ်များ

San Mateo 10:23

Ërei metei tëta guasu pe oiporarauka peve yave, petekuarai ïru tëta guasu kotɨ. Añete che jae peve, ndei opa pemboapɨ Israel pegua jëta guasu reta mbove che Kuimbaerä ayeapo vae ayu yeta.

San Mateo 19:2

Jare jeta yae vae yogüɨraja jaɨkue. Jare Jesús ombogüera imbaerasɨ vae joko pe.

San Marcos 6:56

Jare Jesús ojoa rupi: Tëta raɨ reta rupi, tëta guasu reta rupi ani iyɨvɨrigua tëta reta rupi, joko pegua reta güeru oñono imbaerasɨ vae reta tape rupi, jare omoñera reta Jesús omaeño vaerä imbaerasɨ vae reta opoko jemimonde jembeɨ re yepe. Jare opaete opoko reta jese vae okuera opɨta.

San Lucas 5:22

Ërei Jesús oikuaa jae reta iyemongeta ramo, jei chupe reta: —¿Maera pa pepɨa pe peyemongeta jökorai?

San Lucas 6:12

Jókuae ara rupi Jesús ojo ɨvɨtɨ guasu re oyerure, jare iköe joko pe oyerure Tumpa pe.

San Lucas 9:11

Ërei jeta vae reta oikuaa yave, yogüɨraja jaɨkue. Jare Jesús omboresive kavi jare imiari chupe reta Tumpa iporookuaía re jare ombogüera imbaerasɨ vae reta.

San Juan 11:54

Jáeramo Jesús mbaetɨ ma opɨta Judea pe, agüɨye vaerä judío reta oecha. Ojo joko güi metei tëta guasu Efraín jee vae pe. Jókuae tëta guasu oï ñuu iyɨpɨ pe. Joko pe opɨta jemimboe reta ndive.

San Juan 7:1

Kuae jaɨkue rupi Jesús ojo ɨvɨ Galilea pe. Mbaetɨ ojo Judea pe. Echa judío reta oipota oyuka.

San Juan 9:4

Ikavi ko ayapo vaerä chembou vae iparavɨkɨ ndei pɨ̈tu mbove. Echa outa pɨ̈tu; echa pɨ̈tu yave mbaetɨ kia ipuere oparavɨkɨ.

Gálatas 6:9

Jare agüɨye yandekuérai yayapo ikavi vae; echa mbaetɨ yandepɨtu yave, yaarɨvota iara pe.

1 Pedro 2:21

Echa kuaerä Tumpa peparavo. Echa Cristo oiporara yanderé; oeya yandeve yayapo vaerä jae oyapo rami;