San Mateo 11:25 - Biblia Guarani Tumpa Iñee

²⁵ Jayave Jesús jei: “Romboete cheRu, nde ko jae ara pegua reta jare ɨvɨ pegua reta iYa. Echa reñomi mbaembae iyarakuaa vae reta güi, ërei reechauka oñemomichi vae reta pe.

Nuevo Testamento Guaraní Pe

²⁵ Jayave Jesús jei: —CheRu, nde co jae ara pegua reta jare ɨvɨ pegua reta iYa. Amee yasoropai ndeve quirai nde mbaeti remaeño cuae ɨvɨ pegua iyaracuaa vae reta re oicuaa vaera cuae mbaembae, erei reicuauca michia rami vae reta pe.

San Mateo 11:25 ပူးပေါင်းရင်းမြစ်များ

GÉNESIS 14:19

Jare jei Abram pe körai: “Tumpa Tuichagüe yae ete vae ara jare ɨvɨ iyapoa tiporerekua nderé.

GÉNESIS 14:22

Ërei Abram jei chupe: —Körai jae cheYa, Tumpa Tuichagüe yae ete vae jesa róvai, ara jare ɨvɨ iyapoa,

2 REYES 19:15

Javoi oyerure yandeYa pe, jei körai: “CheYa, Israel iTumpa, araɨgua reta querubín iä ipäu pe reiko vae, ndeño ko jae opaete mborookuaía reta ɨvɨ pegua iTumpa, nde reyapo ara jare ɨvɨ.

1 CRÓNICAS 29:13

Jáeramo oreTumpa, añave romee ndeve mbaemboete, romboete nderee imboetea yae vae;

JOB 37:24

Jáeramo kuimbae reta oipoɨu chugüi, chupegua mbaeä etei yarakuaa katu oyeapo vae reta.

SALMOS 8:2

Michia reta rupi jare okambu vɨteri vae reta rupi remboyekuaa ndembaepuere nderovaicho reta jeko pegua. Remokïrii vaerä nderovaicho reta jare iyepɨse vae reta.

ISAÍAS 5:21

¡Peparavete!, pe reta peyererovia pearakuaa katu ko vae, peyeupe oime penoi arakuaa katu.

ISAÍAS 66:1

YandeYa jei körai: “Ara ko jae cheguapɨa jenda, jare ɨvɨ ko jae chepɨ jenda; jayave, ¿ketɨ pa pepuereta peyapo cherorä?, jare ¿ketɨ pa peñonota cheputuúa rendarä?

DANIEL 2:23

Ndeve, cheñemuñagüe reta iTumpa, amee yasoropai ndeve jare romboete, echa chemboarakuaa jare chemomɨ̈rata; añave reikuaauka cheve roeka ndeve vae, reikuaauka cheve mburuvicha guasu omoambeko yae güɨnoi vae.”

DANIEL 4:35

Opaete ɨvɨ pegua reta mbaeä etei ko. Jae oyapo jemimbota ara pe jare ɨvɨ pegua reta pe. Mbaetɨ kia ipuere oyopia imbaepuere jare jei chupe: ¿Mbae pa reyapo?’

San Mateo 16:17

Jayave Jesús jei Pedro pe: —Reyekou ko Simón, Jonás taɨ. Echa cheRu ara pe oï vae ko oikuaauka ndeve kuae. Mbaetɨ ko kia oikuaauka ndeve.

San Mateo 21:16

Jayave jei reta Jesús pe: —¿Reendu pa kuae reta jei vae? Jesús jei chupe reta: —Aendu. ¿Mbaetɨ pa pemongeta kuae regua Tumpa Iñee pe oyekuatía oï vae? Echa jei: “Michia reta rupi jare okambu vɨteri vae reta rupi remboyekuaa ndembaepuere.”

San Lucas 22:42

Jei reve: “CheRu, nde reipota yave, emboasa chegüi kuae aiporarata vae. Ërei toyeapo cheve nde rere vae. Agüɨye toyeapo che jae vae.”

San Lucas 23:34

Jayave Jesús jei: —¡CheRu, neɨ̈ro chupe reta. Echa mbaetɨ oikuaa reta oyapo ñogüɨnoi vae! Jayave sundaro reta omboyao oyoupe Jesús jemimondegüe, oyombosuerte reta jese.

San Juan 11:41

Jayave ombosɨrɨ reta ita tɨvɨa jöke güi. Jare Jesús omae ara kotɨ jare jei: —CheRu, amee yasoropai ndeve, nde reendu cheve vae re.

San Juan 12:27

“Chepɨatɨtɨ yae aï. Ërei chepuereä jae: ‘CheRu, cherepɨ kuae ora pe oyeapota cheve vae güi.’ Ërei kuae ra ko ayu aupitɨ kuae ora.

San Juan 12:28

CheRu, eyapo emboeteuka nderee.” Jayave oyeendu ñee ara güi jei: “Amboeteuka ma ko, jare amboeteuka yeta.”

Hechos 17:24

Jae ko Tumpa oyapo ɨvɨ jare opaete mbaembae oï pɨpe vae. Jae ko ara jare ɨvɨ iYa, ërei mbaetɨ oiko tupao reta yande yayapogüe reta pe.

1 Corintios 2:10

Ërei Tumpa oikuaauka yandeve Espíritu Santo rupi. Echa Espíritu Santo oikuaa opaete mbae. Oikuaa vi opaete Tumpa regua yavai yae yaikuaa vaerä vae.

2 Corintios 3:14

Ërei Israel iñemuña reta oikuaa kaviä. Echa jekuaeño iyarakuaa oyeasoi oï, Moisés jova oyasoi äka-soia pe rami omongeta reta yave morogüɨrökuavee päve indechi vae. Ërei Cristo rupiño ipuere oyepea.

1 SAMUEL 2:18

Ërei kunumi raɨ Samuel oyeokuai yandeYa pe, oyemonde temimonde iyɨvambae sacerdote pegua pe lino pegua.