San Mateo 11:20 - Biblia Guarani Tumpa Iñee

²⁰ Jayave Jesús omboɨpɨ omboeta jókuae tëta guasu jeta mɨakañɨ oyapo pɨpe vae reta pe. Echa jókuae tëta guasu pegua reta mbaetɨ oyembopɨa ambuae jeko ikavimbae güi. Jare jei:

Nuevo Testamento Guaraní Pe

²⁰ Jayave Jesús omboɨpɨ oñeengata jocuae tenta jeta yae mɨacañɨ oyapo pɨpe vae reta pe. Echa jocuae tenta pegua reta mbaeti oeya iñemongueta icavi mbae vae ipɨa pe oi vae. Jae jei:

San Mateo 11:20 ပူးပေါင်းရင်းမြစ်များ

JEREMÍAS 8:6

Ayeapɨsaka avei aiko, ërei mbaetɨ kia ave aendu oyembopɨambuae jeko kavimbae güi jare jei: ¿Mbae pa ko ayapo? Opaete vae ojo jape rupi ae ae, kavayu osɨi ñeraroa kotɨ rami.

San Mateo 12:41

Tumpa oporojäa yave, Nínive pegua reta opüata omboeko vaerä añave yogüɨreko vae reta. Echa jae reta oeya iyemongeta ikavimbae vae ipɨa pe güɨnoi vae, Jonás omoërakua Tumpa iñee chupe reta yave. Ërei, ko oï tuichagüe yae Jonás güi vae.

San Marcos 16:14

Kuae jaɨkue rupi Jesús oyekuaa jókuae once reve jemimboe reta pe etei, jae reta okaru ñogüɨnoi ramboeve, jare omboeta chupe reta, mbaetɨ oporogüɨrovia jare ipɨatäta ramo. Echa mbaetɨ güɨrovia reta Jesús oikove ye vae oecha vae reta re.

San Marcos 9:19

Jayave Jesús jei chupe reta: —Oporogüɨroviambae reta. ¿Kërai regua pa aikota pe reta ndive? ¿Kërai regua pa pogüɨropɨata? Peru cheve kuae pe.

Hechos 17:20

Echa kuae remoërakua oreve vae roikuaambae ko. Jáeramo roipota roikuaa mbae ra oipota jei vae.

2 Corintios 12:21

Güɨramoi Tumpa chemomaraita peré, güɨramoi chemboyaeoukata jeta jókuae mbaeyoa oyapo vae reta re, mbaetɨ oyerova teko pɨ̈chɨi vae güi, aguasa jare kuña pota güi ani mbɨa pota güi.

Santiago 1:5

Oime yave pegüi reta pe oata arakuaa vae, toiporu Tumpa pe. Jae omeeta opaete pe jeta rupi jare iñeengetambae reve.

Apocalipsis 16:11

Jare jei reta ñee ikavimbae vae Tumpa ara pe oï vae kotɨ, oiporara yae güi jare ipere jemɨi jasɨ yae güi, jare mbaetɨ oeya reta jembiapo ikavimbae vae.

Apocalipsis 16:9

Jare ɨvɨ pegua reta ókai kuaraɨ jakugüe pe. Ërei mbaetɨ oyerova reta Tumpa kotɨ omboete vaerä. Jókuae güɨnoi mbaepuere opaete kuae susere reta re vae kotɨ.

Apocalipsis 2:21

Jare amee ma jókuae kuña pe oeya vaerä iyemongeta ikavi mbae vae ipɨa pe oï vae, ërei mbaetɨ oipota oeya jeko ikavimbae.