San Mateo 11:1 - Biblia Guarani Tumpa Iñee

¹ Jare Jesús opa ma omboe kavi jókuae doce jemimboe reta yave, jae ojo joko güi oporomboe vaerä jare omombeu vaerä Tumpa iñee jókuae ɨvɨ pegua tëta guasu reta rupi.

Nuevo Testamento Guaraní Pe

¹ Jare Jesús opa ma oyócuai yave jocuae doce jemimboe reta, jae etei ojo joco güi oporomboe vaera jare omombeu vaera Tumpa iñee Israel pegua tenta reta pe.

San Mateo 11:1 ပူးပေါင်းရင်းမြစ်များ

San Mateo 28:20

Pemboe reta opaete che poyókuai vae re. Jare che aïta pe ndive opaete ara kuae ɨvɨ iyapɨ regua. ¡Amén!

San Mateo 4:23

Jare Jesús ojo opaete Galilea rupi, oporomboe reve judío reta itupao ñavo rupi. Omombeu ñee ikavi vae araɨgua mborookuaía regua, jare ombogüera imbaerasɨ vae reta oipotagüe mbaerasɨ güi.

San Mateo 7:28

Jare Jesús opa imiari kuaekuae yave, opaete jókuae oyeapɨsaka jese vae reta ipɨakañɨ iporomboe re.

San Mateo 9:35

Jare Jesús ojo opaete tëta guasu reta rupi jare iyɨvɨrigua tëta raɨ reta ñavo rupi, oporomboe reve judío reta itupao ñavo rupi. Omombeu ñee ikavi vae araɨgua mborookuaía regua, jare ombogüera imbaerasɨ vae reta oipotagüe mbaerasɨ güi

San Marcos 6:12

Jayave jae reta yogüɨraja, jare imiari opaete vae reta pe, oeya reta vaerä iyemongeta ikavimbae ipɨa pe güɨnoi vae.

San Lucas 23:5

Jayave jae reta jeiete jei: —Omboemboe tëta guasu pegua reta. Oporomboe opaete Judea rupi. Omboɨpɨ Galilea pe jare añave ou oväe kuae pe.

San Lucas 8:1

Jare kuae jaɨkue rupi Jesús ojo opaete tëta guasu reta jare tëta raɨ reta rupi, jare omombeu ñee ikavi vae Tumpa iporookuaía regua. Jare jókuae doce vae yogüɨraja jupíe.

San Juan 15:10

Peyapo cheporookuai reta yave, peï aveita cheporoaɨu pe. Che ayapo cheRu iporookuai reta jare aï avei ipororaɨu pe rami.

San Juan 15:14

Pe reta ko jae chevɨa-ïru, che jae peve vae peyapo yave.

Hechos 1:2

ojo ye ara pe regua. Omee güire mborookuai reta Espíritu Santo rupi temimondo oiparavogüe reta pe.

Hechos 10:38

kërai Tumpa oiparavo Espíritu Santo rupi jare mbaepuere rupi Jesús Nazaret pegua, jare kërai jae ojo opaete kerupi oyapo ikavi vae, jare kërai ombogüera opaete aña guasu oiporarauka chupe vae reta. Echa Tumpa oiko jae ndive.

Hechos 10:42

Jare jae oreokuai romoërakua vaerä ïru vae reta pe, jare oremiari vaerä chupe reta kërai Tumpa oiparavo ojäa vaerä oikove vae reta jare omanogüe reta.

1 Tesalonicenses 4:2

Echa pe reta peikuaa mborookuai reta romombeu peve yandeYa Jesús oreokuai vae.

2 Tesalonicenses 3:10

Echa roiko pépɨri yave, poyókuai körai: Kia nunga vae ñäteɨ oparavɨkɨ yave, agüɨye vi tokaru.

2 Tesalonicenses 3:6

Cherɨvɨ reta, añave poyókuai yandeYa Jesucristo jee re, peyembosɨrɨ vaerä oipotagüe oporogüɨrovia vae oikoiño vae güi, jókuae mbaetɨ oipota oiko mboromboe roikuaauka peve vae re vae.

1 Timoteo 6:14

eyapo che royókuai jese vae reipoepɨmbae reve, agüɨye vaerä kia ipuere ndemboeko mbae re, yandeYa Jesucristo ou ye regua.