San Mateo 10:7 - Biblia Guarani Tumpa Iñee

⁷ Jare peo peiko ramboeve, pemombeu ïru vae reta pe körai: ‘Araɨgua mborookuaía ou ma oväe.’

Nuevo Testamento Guaraní Pe

⁷ Jare peguata rambueve, pemombeu iru vae reta pe corai: Mboroocuaia ara pegua outa ma ovae —jei—.

San Mateo 10:7 ပူးပေါင်းရင်းမြစ်များ

ISAÍAS 61:1

YandeYa Tumpa iEspíritu oï cheré, echa yandeYa ko cheparavo; chembou amoërakua vaerä ñee ikavi vae oiporara vae reta pe, ambogüera vaerä ipɨatɨtɨ vae reta, amoërakua vaerä yeyora tembipɨɨ reta pe, jare tembipɨɨrɨru oyepea vaerä tembipɨɨ reta pe;

San Mateo 10:8

Pembogüera imbaerasɨ vae reta. Pembogüera ipire mbaerasɨ ókui vae reta. Pemoingove ye omanogüe vae reta. Pembosɨrɨ aña reta oya jese vae reta güi. Che amee ma peve kuae mbaepuere jepɨmbae. Jáeramo agüɨye vi pekovara mbae peyapota vae re.

San Mateo 11:1

Jare Jesús opa ma omboe kavi jókuae doce jemimboe reta yave, jae ojo joko güi oporomboe vaerä jare omombeu vaerä Tumpa iñee jókuae ɨvɨ pegua tëta guasu reta rupi.

San Mateo 21:31

¿Kia nunga pa kuae mókoi vae güi oyapo tu jei vae? Jayave jae reta jei chupe: —Jókuae tenonde tu oyókuai vae. Jayave Jesús jei chupe reta: —Añete che jae peve, mburuvicha peguarä okovara vae reta jare kuña iyaguasa pota vae reta jae reta räri oiketa pegüi Tumpa iporookuaía pe.

San Mateo 21:43

Jáeramo che jae peve, oñepɨ̈rota pegüi Tumpa iporookuaía. Jare oñemeeta ïru reta pe, omoñemuñata vae reta pe.

San Mateo 23:13

¡Paravete pe jova mókoi vae reta! Mborookuai re oporomboe vae reta jare fariseo reta. Echa pe reta peyopia ïru vae reta güi araɨgua mborookuaía. Pe reta ave peikeä. Jare ïru vae reta ikɨ̈reɨ tëi oike vae pemaeñoä oike.

San Mateo 3:2

Jei reve: “Peeya peyemongeta ikavimbae vae pepɨa pe penoi vae. Echa outa ma oväe araɨgua mborookuaía.”

San Mateo 4:17

Jayave güive Jesús omboɨpɨ omombeu Tumpa iñee, jei: “Peeya peyemongeta ikavimbae vae pepɨa pe penoi vae. Echa ou ma oväe araɨgua mborookuaía.”

San Marcos 6:12

Jayave jae reta yogüɨraja, jare imiari opaete vae reta pe, oeya reta vaerä iyemongeta ikavimbae ipɨa pe güɨnoi vae.

San Lucas 16:16

Ndei Juan ou mbove, oñemoërakua yandeve yayapo vaerä mborookuai jare ñeemombeúa reta jei vae rupi. Ërei Juan omboɨpɨ omoërakua ñee ikavi vae Tumpa iporookuaía regua, jare opaete vae oipota yae oike Tumpa iporookuaía pe.

San Lucas 9:2

Jayave omondo reta omombeu vaerä Tumpa iporookuaía jare ombogüera vaerä imbaerasɨ vae reta.

San Lucas 9:6

Jayave jae reta yogüɨraja imiari opaete tëta raɨ reta rupi, omoërakua reve ñee ikavi vae jare oporombogüera reta yogüɨrajaa rupi.

San Lucas 9:60

Jayave Jesús jei chupe: —Emaeño toñotɨ kuri tekove opambae vae mbaetɨ güɨnoi vae reta. Ërei nde ekua emombeu Tumpa iporookuaía.

San Juan 3:2

Kuae kuimbae ou Jesús oïa pe pɨ̈tu yave jare jei chupe: —Oporomboe vae, roikuaa ko Tumpa ndembou reporomboe vaerä. Echa mbaetɨ kia ipuere oyapo kuae mɨakañɨ reta reyapo vae Tumpa mbaetɨ oï yave jae ndive.

Hechos 10:25

Jare Pedro oike yave tëta pe, Cornelio oë oövaiti jare oyetavatɨka Pedro jóvai omboete vaerä.

Hechos 28:31

Jare omombeu reve Tumpa iporookuaía regua, jare oporomboe yandeYa Jesucristo re okɨɨyembae reve, jare mbaetɨ kia omboavai.

Hechos 4:2

Iyarasɨ yae reta. Echa oporomboe reta jare omoërakua reta Jesús rupi oikove yeta omanogüe reta.