San Mateo 10:5 - Biblia Guarani Tumpa Iñee

⁵ Ërei ndei omondo mbove kuae doce jemimboe reta, Jesús oyókuai jei reve: “Agüɨye pekua judiombae vae reta ñogüɨnoia pe. Samariaɨgua reta jëta guasu pe ave agüɨye peike.

Nuevo Testamento Guaraní Pe

⁵ Jare ndei omondo reta mbove, Jesús oyócuai cuae doce reve. —Agüɨye pecua judío mbae vae reta ñogüɨnoia pe. Agüɨye pecua samaritano jenta reta pe —jei—.

San Mateo 10:5 ပူးပေါင်းရင်းမြစ်များ

San Mateo 22:3

Jayave omondo jembiokuai reta ombou vaerä oparea ma chupe vae reta. Ërei jae reta ñäteɨ yogüeru.

San Mateo 4:15

“Zabulón iɨvɨ jare Neftalí iɨvɨ, ɨguasu jembeɨ pe, Jordán jovaicho pe, Galilea judiombae vae reta jëta.

San Marcos 6:7

Metei ara Jesús omboatɨ jókuae doce jemimboe reta, jare omondo mókoi mókoi rupi, jare omee chupe reta mbaepuere ombosɨrɨ vaerä aña reta oya jese vae reta güi.

San Lucas 10:1

Kuae jaɨkue rupi yandeYa oiparavo ïru setenta kuimbae reta jare omondo jenonde mókoi mókoi rupi opaete tëta guasu reta jae ojotaa rupi.

San Lucas 10:33

Ërei metei Samariaɨgua ou jókuae tape rupi, jare ou oväe jókuae kuimbae ipere vae oïa pe yave oecha jare oiparareko omae jese.

San Lucas 17:16

Jare oyetavatɨka itindɨasɨ reve Jesús jóvai jare omee yasoropai chupe. Jare jókuae jae ko Samariaɨgua.

San Lucas 9:1

Jesús opa omboatɨ jókuae doce jemimboe reta, jare omee chupe reta mbaepuere ombosɨrɨ vaerä aña reta oya jese vae reta güi jare ombogüera vaerä imbaerasɨ vae reta.

San Lucas 9:2

Jayave omondo reta omombeu vaerä Tumpa iporookuaía jare ombogüera vaerä imbaerasɨ vae reta.

San Juan 17:18

Nde chembou ɨvɨ pe. Jökorai vi che amondo kuae reta opaete ɨvɨ rupi.

San Juan 20:21

Jayave Jesús jei ye chupe reta: —Mbɨakatu toï pe ndive. CheRu chembou rami, che pomondo vi.

San Juan 4:20

Oreñemuñagüe reta omboete Tumpa kuae ɨvɨtu guasu re. Ërei pe reta pere Jerusalén pe ko oyemboeteta Tumpa.

San Juan 4:5

Jayave ojo oväe tëta guasu Sicar jee vae Samaria pegua pe; jókuae ɨvɨ Jacob arakae omee taɨ José pe vae iyɨpɨ pe.

San Juan 4:9

Jayave jókuae kuña Samariaɨgua jei Jesús pe: —Nde ko jae judío jare che ko Samariaɨgua. ¿Maera pa reiporu cheve ɨ reu vaerä? (Echa judío reta mbaetɨi ko oñomomiari Samariaɨgua reta ndive).

San Juan 7:35

Jayave judío reta jei oyoupe: —¿Ketɨ ra ojota kuae kuimbae mbaetɨ vaerä ñaväe chupe? ¿Ojota ra judío reta tëta ambuae rupi ñogüɨnoia pe? ¿Ojota ra omboe judiombae vae reta?

San Juan 8:48

Jayave judío reta jei: —Roe ma, nde ko jae metei Samariaɨgua, jare aña oya nderé vae ko. Añetete yepe roe.

Hechos 1:8

Ërei pe reta penoita mbaepuere ou yave Espíritu Santo peré, jare pemombeuta cheregua Jerusalén pe, opaete Judea rupi, Samaria rupi jare opaete ɨvɨ rupi.

Hechos 10:45

Jare judío oporogüɨrovia vae Pedro jupíe yogüeru vae reta ipɨakañɨ, kërai judiombae vae reta pe vi oñemee Espíritu Santo vae re.

Hechos 8:1

Jare Esteban imano jaekavi Saulo pe. Jare jókuae ara voi oporogüɨrovia vae Jerusalén pe ñogüɨnoi vae reta re oñemopüa tätagüe vae. Jare opaete oporogüɨrovia vae reta opa oñemoai ɨvɨ Judea jare Samaria rupi. Ërei temimondo reta opɨtaño Jerusalén pe.

1 Tesalonicenses 2:16

oremboavai oremiari vaerä judiombae vae reta pe, jae reta vi oyemboasauka vaerä. Jökorai jeieteño iyoa reta, jáeramo Tumpa iyarasɨ tuichagüe ou jese reta.