San Mateo 10:42 - Biblia Guarani Tumpa Iñee

⁴² Kia nunga vae omee yave metei vaso yepe ɨ iröɨsagüe metei cherembiparavo jou vaerä vae, cheremimboe jeko pegua, añete che jae peve, amboekoviata ko chupe.”

Nuevo Testamento Guaraní Pe

⁴² Añete che jae peve, oime yave quia omee metei taza ɨ iroɨsagüe yepe metei michia jou vaera vae, oyapo yave jocorai jae co cheremimboe rambue, amboecoviata co chupe —jei.

San Mateo 10:42 ပူးပေါင်းရင်းမြစ်များ

1 REYES 17:11

Jare ojo güeru vaerä chupe yave, jae oenɨi ye, jare jei chupe: —Romoñera reru vaerä vi mbɨyape oñepɨ̈saagüe yepe cheve.

2 REYES 4:10

Che romoñera yayapo vaerä metei cuarto jare ñañono joko pe tupa, guapɨka jare mechero. Jökorai ou yave opou yandépɨri, topɨta pɨpe.

PROVERBIOS 19:17

YandeYa pe ko oiporuka, paravete vae ombopota yave; ikavi vae oyapo vae oyemboekoviata ko chupe.

PROVERBIOS 24:14

Jökoraita ko ndeve, reikuaa yave arakuaa; jókuae reväe yave, reiko kavi yaeta, jare mbaembae reäro vae ngaraai oyemboai ndegüi.

ECLESIASTÉS 11:1

Ndepɨa kavi ïru vae pe, jare metei ara jekovia yeta ndeve.

ZACARÍAS 13:7

YandeYa Imbaepuere yae ete vae jei: “¡Kɨsepuku, epüa vecha iyangarekoa kotɨ, jókuae kuimbae cheïru kotɨ! ¡Eyuka vecha iyangarekoa jare toñemoai vecha reta, jare chepo añonota vecha raɨ reta kotɨ!

San Mateo 18:10

Agüɨye peröɨro kërai ave yepe oporogüɨrovia ramo vae. Echa che jae peve, araɨgua oyangareko kuae nunga reta re vae, ñogüɨnoi avei ko cheRu ara pe oï vae jóvai.

San Mateo 18:14

Jökorai ko peRu ara pe oï vae, mbaetɨ oipota kuae oporogüɨrovia ramo vae reta güi, okañɨ metei ave yepe.

San Mateo 25:40

Jayave che Mburuvicha guasu jaeta chupe reta: ‘Opaete peyapo kuae cherɨvɨ reta michi vae pe vae, peyapo ko cheve etei.’

San Lucas 17:2

Ikavi ko oñapɨti iyayu re metei ita tuicha vae oyembaeso pɨpe vae, jare oyemombo ɨguasu pe, agüɨye vaerä mbaemboavai oñono metei michia güɨrovia cheré vae pe.

San Lucas 6:35

Ërei peaɨu perovaicho reta, jare peyapo ikavi vae chupe reta. Peiporuka mbae ïru vae pe jare agüɨye peäro omboekovia ye peve vaerä. Jökorai peyapo yave, Tuichagüe yae vae, omeeta peve mbae ikavi yae vae jare peapota taɨ retarä. Echa Tumpa ipɨakavi ko yasoropai mbaetɨ omee chupe vae reta pe jare jeko kavimbae vae reta pe.

2 Corintios 8:12

Echa ñanekɨ̈reɨ ngatu reve ñamee yave, Tumpa omboyerovia jókuae ñanoi rupi ñamee vae. Tumpa mbaetɨ oeka yandeve mbaetɨ ñanoi vae.

Hebreos 6:10

Echa Tumpa jupi vae ko, ngaraa iñakañɨ peyapo vae güi, jare peporoaɨu peechauka ikotɨ vae güi, echa peyeokuai oporogüɨrovia vae reta pe añave regua.