San Mateo 10:41 - Biblia Guarani Tumpa Iñee

⁴¹ Kia omboresive kavi yave metei ñeemombeúa, ñeemombeúa jeko pegua, ñeemombeúa pe oñemee mbota vae, omboresiveta. Jare kia omboresive kavi yave jupi vae, jupi jeko pegua, jupi vae pe oñemee mbota vae omboresiveta.

Nuevo Testamento Guaraní Pe

⁴¹ Oime yave quia metei Tumpa iñee omombeu vae Tumpa iñee omombeu rambue omboresive vae, Tumpa omeeta chupe iñee omombeu vae pe omeeta vae. Jae ramiño vi oime yave quia metei jupi vae oyapo vae jupi vae oyapo rambue omboresive vae, Tumpa omeeta chupe jupi vae oyapo vae pe omeeta vae —jei—.

San Mateo 10:41 ပူးပေါင်းရင်းမြစ်များ

GÉNESIS 20:7

Jayave, emee ye kuña ime pe, echa jae ko ñeemombeúa, oyerureta nderé jare reikoveta. Ërei ngatu mbaetɨ yave remee ye, añetete remanota jare opaete neñemuña.”

ISAÍAS 3:10

Ere jupi vae pe, ojo kavita ko, echa oyekouta jembiapo re.

San Mateo 16:27

Echa che Kuimbaerä ayeapo vae ayu yeta cheRu iyemboetea reve jare iaraɨgua reta ndive. Jayave amboekoviata metei ñavo vae pe jembiapo oï rupi.

San Mateo 25:44

Jayave jae reta vi jeita cheve: ‘OreYa, ¿kërai yave pa roecha ndeyɨmbɨaɨ, ndeɨuve, reguata reiko, nenandi, ndembaerasɨ, ani tembipɨɨrɨru pe reï yave, mbaetɨ romborɨ?’

San Mateo 25:45

Jayave che jaeta chupe reta: ‘Añete che jae peve, pemborɨä cherɨvɨ reta michi vae yave, cheve ko peyapoä.’

San Mateo 6:1

Peipota peyapo ikavi vae Tumpa pemboete vaerä yave, agüɨye peyapo opaete vae jovake jae reta oecha vaeräño. Echa peyapo yave opaete vae jovakeño, peRu ara pe oï vae, ngaraa mbae omee peve jókuae jupi vae peyapogüe re.

San Mateo 6:18

agüɨye vaerä ïru vae reta oikuaa reyekuaku ko reï tembíu güi. Jaeño ndeRu oyekuaambae vae oikuaata reyekuaku ko reï tembíu güi vae. Ërei ndeRu oecha nde reyapo vɨari vae, jae omboepɨta ndeve, opaete vae jovake.

San Mateo 6:4

agüɨye vaerä jërakua jókuae reyapogüe. Ërei ndeRu oecha nde reyapo vɨari vae, jae omboepɨta ndeve, opaete vae jovake.

San Mateo 6:6

Ërei nde reyerure Tumpa pe yave, eike ndero pe jare eyokenda öke. Javoi eyerure ndeRu pe kia reta oikuaambae reve. Jae oikuaata nde reyapo vɨari vae jare omboepɨta ndeve, opaete vae jovake.

San Mateo 7:8

Echa opaete oiporu vae pe, oñemee. Jare oeka vae, oväe. Jare ombopu öke vae pe, oyepea.

Hechos 16:15

Jare oyembobautisauka opaete jo pegua reta ndive güire, jei oreve: —Perovia ko che arovia ete kavi yandeYa re yave, peyu pepɨta chero pe. Jare oremoñera ropɨta vaerä joko pe.

Romanos 16:23

Gayo omondo vi peve tamaraeme, aiko jo pe vae jare opaete oporogüɨrovia vae reta oyomboatɨ jo pe vae. Omondo vi peve tamaraeme Erasto, tëta guasu pegua korepoti iñovatúa. Jare yanderɨvɨ Cuarto vi.

1 Corintios 9:17

Echa che ayapo yave chekɨ̈reɨ ngatu reve, jekoviata cheve; ërei ayapo yave cheäteɨ reve, ayapo tai yandeYa cheokuai ramoño.

Hebreos 6:10

Echa Tumpa jupi vae ko, ngaraa iñakañɨ peyapo vae güi, jare peporoaɨu peechauka ikotɨ vae güi, echa peyeokuai oporogüɨrovia vae reta pe añave regua.

2 Juan 1:8

Peyeandu, agüɨye vaerä pemokañɨ peparavɨkɨ reta jekovia, jaeño pemboresive vaerä opaete pembaerä vae.