San Mateo 10:28 - Biblia Guarani Tumpa Iñee

²⁸ Agüɨye pekɨɨye pereteño ipuere oyuka vae reta güi, echa perekove ngaraa ipuere oyuka. Pekɨɨye Tumpa güi, echa jae ipuere omokañɨtei perete jare perekove tata guasu pe.

Nuevo Testamento Guaraní Pe

²⁸ Agüɨye pequɨye oporoyuca vae reta güi. Echa pereteño ipuere oyuca. Mbaeti ipuere oyuca perecove. Pequɨye Tumpa güi. Echa jae ipuere omondo quia jete jare jecove tata guasu pe —jei—.

San Mateo 10:28 ပူးပေါင်းရင်းမြစ်များ

2 REYES 17:39

Jaeño chemboete che peYa Tumpa, jare pogüɨroasayepeta opaete perovaicho reta güi.”

JOB 37:24

Jáeramo kuimbae reta oipoɨu chugüi, chupegua mbaeä etei yarakuaa katu oyeapo vae reta.

SALMOS 119:120

Arɨrɨi, aipoɨu ndegüi jeko pegua, ¡aipoɨu ndeporookuai reta güi!

ECLESIASTÉS 5:7

Echa jeta yemongeta reyapo vae rupi jeta ñee reta mbaeä etei vae rere. Ërei jeseve nde, eipoɨu Tumpa güiño.

ISAÍAS 51:12

“Che ko jae pombopɨakatu vae. ¿Maera pa pekɨɨye kuimbae güi?, jae ko omano vae. ¿Maera pa pekɨɨye kuimbae kapii ramiño vae güi?

ISAÍAS 51:7

Peyeapɨsaka, pe reta peikuaa jupi vae re vae, cheporookuai rupi peiko vae reta. Agüɨye pekɨɨye kuimbae reta iñeeasɨ katu güi, agüɨye peyembopɨtu iporoangao jeko pegua,

ISAÍAS 66:2

¡Che ko ayapo opaete kuae mbaembae, jáeramo ko oime opaete kuaekuae reta! Che, peYa ko jae. Che ayangarekota jókuae kuimbae oyemombaravete jare oñemomichi ipɨa pe vae re, cheñee omboete vae re.

JEREMÍAS 5:22

Che, peYa jae: ¿Mbaetɨ pa peipoɨu chegüi? ¿Mbaetɨ pa pekɨɨye chegüi? Che añono ɨvɨkuitï ɨguasu jembeɨrä, ɨguasu ngaraai oasa vae. Yepe tëi tuicha ɨaparúa opüa, ërei ngaraai ipuere oasa.

San Mateo 10:26

Jáeramo, agüɨye pekɨɨye chugüi reta. Echa, oyekuaa ñotai ko oñeomi vae. Jare yaikuaa ñotai ko oyekuaambae.

San Mateo 25:46

Jare kuae reta yogüɨrajata tembiporara opambae pe. Ërei jupi vae reta yogüɨrajata tekove opambae pe.”

San Mateo 5:22

Ërei che jae peve, oime yave kia pochɨ japicha pe vae, oñejäaukata ko. Jare oime yave kia jei japicha pe ‘osirivembae’, oñejäaukata judío reta iporojäa renda pe. Jare oime yave kia jei japicha pe ‘yaɨmba’, tata guasu pe oiporarata.

San Juan 5:29

Ikavi vae oyapo vae reta oikove yeta tekove opambae vae peguarä, ërei ikavimbae vae oyapo vae reta oikove yeta kañɨtei peguarä

Hechos 21:13

Ërei Pablo jei: —¿Maera pa peyaeo jare chembopɨatɨtɨ? Echa mbaetɨ ko añeñono ayepokua vaeräño Jerusalén pe. Aï ko amano vaerä etei yandeYa Jesús jee re.

Hebreos 10:31

¡Yavaete yae ko yaa yave Tumpa oiko tee vae ipo pe!

Hebreos 11:35

Amogüe kuña reta omboresive ye omano chugüigüe oikove ye vae. Ërei ïru vae reta omano oiporara yae reve, oñemaeño reve oikove ye vaerä kuri ikavi yae vae peguarä.

Santiago 4:12

Meteiño ko mborookuai omee vae, jae ipuere oporomboasa jare oporomokañɨtei. ¿Ërei kia pa nde rejäa vaerä ïru vae?

1 Pedro 3:14

Ërei peiporara yave jupigüe peyapo vae re, peyerovia. Jáeramo agüɨye pekɨɨye chugüi reta ani peyembojopa.

Apocalipsis 2:10

Agüɨye etei ekɨɨye reiporarata vae güi. Mase, aña guasu peñoñaukata amogüe pe reta tembipɨɨrɨru pe, oyekuaa vaerä peporogüɨrovia añetete ra; jare peiporarata payandepo ara pegua. Nepɨ̈rata ndeporogüɨrovia pe remano regua, jare ameeta ndeve tekove opambae vae.