San Mateo 10:25 - Biblia Guarani Tumpa Iñee

²⁵ Jaekaviño ko oyemboe, imboea ramiño. Jare jaekaviño vi ko tembiokuai, iya ramiño. Metei o pe tenondegua vae pe ‘Beelzebú’ jei vae yave, vɨtei pa taɨ reta pe.

Nuevo Testamento Guaraní Pe

²⁵ Icavi co metei oñemboe oi vae oñemboe cavi vaera oporomboe vae oicuaa vae re. Jae ramiño vi icavi co metei oyeócuai vae oiporu cavi vaera mbaepuere iya omee chupe vae. Che co jae peYa, jare iru vae reta chembojee Beelzebú. Jae rambue pembojeeta Beelzebú taɨ reta. Echa pe reta peyeócuai cheve —jei—.

San Mateo 10:25 ပူးပေါင်းရင်းမြစ်များ

2 REYES 1:2

Ocozías mburuvicha guasu Israel pegua, oa jo iventana güi Samaria pe. Jayave omondo ñee jerajaa reta, jei chupe reta: Pekua peparandu Baal-zebub tumpa Ecrón pegua pe, akuerata ra ko kuae chembaerasɨ güi vae.

San Mateo 12:24

Ërei fariseo reta kuae oendu yave, jei reta: “Aña guasu Beelzebú imbaepuere rupi ko ombosɨrɨ aña reta oya jese vae reta güi.”

San Mateo 12:27

Ërei che ambosɨrɨ yave aña reta oya jese vae reta güi Beelzebú imbaepuere rupi, jayave perëtara reta ¿kia imbaepuere rupi ra ombosɨrɨ aña reta oya jese vae reta güi? Pepuere peparandu chupe reta jese.

San Mateo 9:34

Ërei fariseo reta jei: —Aña guasu imbaepuere rupi ko ombosɨrɨ aña reta oya jese vae reta güi.

San Marcos 10:39

—Orepuereta ko —jei reta. Jare Jesús jei chupe reta: —Añete pe reta peiporarata che aiporarata rami, jare pe reta peyembobautisaukata che ayembobautisaukata rami;

San Marcos 3:22

Jare mborookuai re oporomboe vae yogüeru Jerusalén güi vae reta jei: “Aña guasu Beelzebú jee vae oya ma jese, jae aña guasu imbaepuere rupi ko ombosɨrɨ aña reta oya jese vae reta güi.”

San Lucas 11:15

Ërei amogüe vae jei: “Añaguasu Beelzebú imbaepuere rupi ko ombosɨrɨ aña reta oya jese vae reta güi.”

San Lucas 11:18

Jaeramiño vi Satanás oyemboyao iyeugüi aeño yave, opata ko iporookuaía. Echa pe reta pere che ambosɨrɨ aña reta oya jese vae reta güi aña guasu Beelzebú imbaepuere rupi.

San Lucas 11:19

Ërei che ambosɨrɨ yave aña reta oya jese vae reta güi Beelzebú imbaepuere rupi, jayave perëtara reta ¿kia imbaepuere rupi ra ombosɨrɨ aña reta oya jese vae reta güi? Pepuere peparandu chupe reta jese.

San Juan 10:20

Jeta chugüi reta jei: —Aña oya jese. Imbokere ma. ¿Maera pa peyeapɨsaka jese?

San Juan 7:20

Jayave jeta vae reta jei: —¡Aña oya ma nderé! ¿Kia pa oipota ndeyuka?

San Juan 8:48

Jayave judío reta jei: —Roe ma, nde ko jae metei Samariaɨgua, jare aña oya nderé vae ko. Añetete yepe roe.

San Juan 8:52

Jayave judío reta jei Jesús pe: —Añave roikuaa kavi ma aña ko oya nderé vae. Abraham jare ñeemombeúa reta opa omano. Ërei nde rere: “Che jae vae oyapo vae ngaraa omano.”