San Mateo 10:22 - Biblia Guarani Tumpa Iñee

²² Chereko pegua, peñemotareɨukata opaete vae pe, ërei ikueraimbae vae, oyemboasaukata ko.

Nuevo Testamento Guaraní Pe

²² Jare peñemotareɨucata opaete vae pe chereco pegua. Erei josa ojo ovae iyapɨ pe vae oñemboasaucata co —jei—.

San Mateo 10:22 ပူးပေါင်းရင်းမြစ်များ

PROVERBIOS 29:27

Jupi vae reta güɨröɨro kuimbae jeko kavimbae reta, jare jupimbae güɨröɨro kuimbae sɨmbi rupi oiko vae.

San Mateo 10:39

Jekoveño oaɨu vae, okañɨteita ko. Ërei omee jekove chereko pegua vae, oikoveta ko.

San Mateo 24:13

Ërei ikueraimbae vae, oyemboasaukata ko.

San Mateo 24:9

Jayave ïru vae reta pemeeta oiporaraukata peve vae reta ipo pe, peyeyukaukata jare peñemotareɨukata opaete vae reta pe chereko pegua.

San Mateo 5:11

Peyeroviaño, chereko pegua ïru vae reta jei ikavimbae peve yave, jare oiporarauka peve jare jei oipotagüe ikavimbae iyapu reve pekotɨ yave.

San Marcos 13:13

Chereko pegua, peñemotareɨukata opaete vae pe, ërei ikueraimbae vae, oyemboasaukata ko.

San Lucas 21:17

Jare opaete vae peñemotareɨta chereko pegua.

San Lucas 21:19

Jare pepɨaguasu rupi peyemboasaukata ko.

San Lucas 6:22

Peyerovia ïru vae reta pemotareɨ yave, pembosɨrɨ iyeugüi yave, jare jei ikavimbae peve ani peägüe pe, che Kuimbaerä ayeapo vae jeko pegua yave.

San Lucas 8:15

Ërei jókuae temitɨ oa ɨvɨ kavi pe vae oyembojaanga Tumpa iñee oendu vae re. Kuae reta oyeapɨsaka Tumpa iñee re ipɨa kavi jare sɨmbi rupi kavi, jare oyapo Tumpa iñee jei oyapo vaerä vae. Jáeramo jae reta temitɨ ia avei vae rami ko.

San Juan 17:14

Amombeu ma chupe reta neñee. Jare oporogüɨroviambae vae reta oñemotareɨ, echa jae reta ɨvɨ peguaä ramo, che rami.

San Juan 7:7

Ɨvɨ pegua reta mbaetɨ mbae re pemotareɨ vaerä, ërei che chemotareɨ reta. Echa che amombeu chupe reta ikavimbae vae ko jae reta oyapo vae.

Hechos 9:16

Che aikuaaukata chupe kërai oiporara yaeta chereko pegua.”

Romanos 2:7

Omeeta tekove opambae vae, jókuae ipɨaguasu reve oyapo ikavi vae, jare oeka mbaemboete jare manombae vae pe;

2 Corintios 4:11

Echa ore reta oimeño roikove vae, roñemoëgua avei mano pe Jesús roaɨu ramo, oyekuaa vaerä orerete mano pegua re Jesús jekove.

Gálatas 6:9

Jare agüɨye yandekuérai yayapo ikavi vae; echa mbaetɨ yandepɨtu yave, yaarɨvota iara pe.

Hebreos 3:14

Echa ñañemoïru ma Cristo ndive, ñanepɨ̈rata yave iyɨpɨ güive yarovia vae re,

Hebreos 6:11

Jare aipota metei ñavo pe reta peechauka peräta ngatu ko kuae re iyapɨ regua vae, peyerovia katu vaerä peäro peï vae re,

Santiago 1:12

Oyerovia ko jókuae kuimbae omoamɨri mbaemboavai ou chupe yave vae. Echa ipɨ̈rata reve omoamɨri vae pe oñemeeta tekove opambae vae, yandeYa güɨrökuavee omee vaerä opaete güɨnoi mboroaɨu ikotɨ vae reta pe.

1 Juan 3:13

Cherɨvɨ reta, agüɨye pepɨakañɨ ɨvɨ pegua reta pemotareɨ yave.

Apocalipsis 2:10

Agüɨye etei ekɨɨye reiporarata vae güi. Mase, aña guasu peñoñaukata amogüe pe reta tembipɨɨrɨru pe, oyekuaa vaerä peporogüɨrovia añetete ra; jare peiporarata payandepo ara pegua. Nepɨ̈rata ndeporogüɨrovia pe remano regua, jare ameeta ndeve tekove opambae vae.

Apocalipsis 2:17

Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re. Oporomoamɨri vae pe ameeta jou vaerä jókuae maná oñeomi oï vae, jare ameeta vi chupe metei ita raɨ tïi vae. Jókuae ita re oime metei tee ipɨau vae oyekuatía oï, jókuae tee mbaetɨ etei kia oikuaa, jaeño omboresive vae.’

Apocalipsis 2:26

Oporomoamɨri vae jare oyapo cheparavɨkɨ omboapɨ regua vae pe, che ameeta chupe güɨnoi vaerä mbaepuere tëtaguasu reta re.

Apocalipsis 2:3

reiporara, ndepɨaguasu, täta reparavɨkɨ cheraɨu ramo, jare mbaetɨ ndepɨtu.

Apocalipsis 2:7

Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re. Oporomoamɨri vae pe ameeta jou vaerä jókuae ɨvɨra tekove pegua, oime Tumpa jëta pe vae güi.’

Apocalipsis 3:21

Oporomoamɨri vae pe ameeta oguapɨ vaerä che ndive cheguapɨa pe, che aporomoamɨri jare aguapɨ cheRu ndive iguapɨa pe rami.