San Mateo 10:15 - Biblia Guarani Tumpa Iñee

¹⁵ Añete che jae peve, Tumpa ojäa yave ɨvɨ pegua reta, jókuae tëta guasu pegua reta oiporara yaeta Sodoma jare Gomorra pegua reta oiporara vae güi.

Nuevo Testamento Guaraní Pe

¹⁵ Añete che jae peve, Tumpa ojaa yave ɨvɨ pegua reta, jocuae tenta pegua reta oiporara yaeta Sodoma jare Gomorra pegua reta güi —jei—.

San Mateo 10:15 ပူးပေါင်းရင်းမြစ်များ

San Mateo 12:36

Ërei che jae peve, opaete kia jei jeiiño vae re ave oñejäaukata ko Tumpa iporojäa iara pe.

San Mateo 5:18

Añete che jae peve, ara jare ɨvɨ oiko ramboeve ngaraa oyemboai metei kuatía michi yae vae ani yeai ave yepe Moisés iporookuai güi ndei opaete oyembopo mbove.

San Mateo 7:22

Jeta vae jeita cheve jókuae ara: ‘¡CheYa! ¡CheYa! Ore romoërakua Tumpa iñee nderee re. Nderee re vi rombosɨrɨ aña reta oya jese vae reta güi. Jaeramiño vi nderee re royapo jeta mɨakañɨ reta.’

San Marcos 6:11

Jare oime yave kia pe mbaetɨ oipota pemboresive ani oipotaä oyeapɨsaka peré yave, peë joko güi, jare pemotumo pepɨ ɨvɨkúi güi, oikuaa vaerä jae reta ko teko güɨnoi. Añete che jae peve, Tumpa ojäa yave ɨvɨ pegua reta, jókuae tëta guasu pegua reta oiporara yaeta Sodoma jare Gomorra pegua reta oiporara vae güi.

San Juan 12:48

Jókuae chereröɨro jare mbaetɨ oyapo che jae chupe vae, oñejäata ko. Echa ara taɨkuegua pe kuae ñee jae vae ojäata ko.

San Juan 6:39

Jare cheRu chembou vae jemimbota ko jae, mbaetɨ vaerä amokañɨ metei ave jae omee cheve vae reta, jare amoingove ye vaerä omanogüe vae ara taɨkuegua pe.

San Juan 6:40

Jare kuae ko jae chembou vae jemimbota: Opaete omae cheré jare güɨrovia cheré vae, güɨnoi vaerä tekove opambae vae; jare che amoingove yeta ara taɨkuegua pe.

Hechos 17:31

Echa jae oiparavo ma metei ara ojäauka vaerä jupi rupi ɨvɨ pegua reta, jókuae kuimbae jae oiparavo vae rupi. Jare jókuae oechauka opaete ɨvɨ pegua reta pe, jae omoingove ye yave omanogüe reta ipɨte güi.”

1 Corintios 3:13

metei ñavo vae iparavɨkɨ oyekuaata ko tata rupi morojäa iara pe, echa tata oechaukata mbae nunga mbaravɨkɨ oyapo metei ñavo vae.

1 Tesalonicenses 5:4

Ërei pe cherɨvɨ reta mbaetɨ ko peï pɨtumimbi pe, jókuae ara peresapɨa vaerä imonda vae rami.

Hebreos 10:25

Agüɨye yaata yemboatɨa pe, amogüe vae reta oyepokuaa rami, jaeño yayomboarakuaa; jeiete ñañemoäta ngatu, yaikuaa jókuae ara köi yae ramo.

2 Pedro 2:6

Jaeramiño vi Tumpa ombou tata tëta guasu reta Sodoma jare Gomorra re opa vaerä omboai. Jaeño opɨta itanimbugüe. Jökorai opɨta opaete jeko kavimbae vae reta oikuaa vaerä.

2 Pedro 2:9

Jaeramiño vi yandeYa oikuaa kërai oepɨ vaerä mbaemboavai güi jae jeia re yogüɨreko vae reta, jare oñovatu jupimbae reta oiporara vaerä Tumpa iporojäa iara pe.

2 Pedro 3:7

Ërei ara jare ɨvɨ oime añave vae oñeñovatu ko oï Tumpa iñee rupi tata peguarä iporojäa iara peguarä jare iyoa vae reta okañɨtei yave peguarä.

1 Juan 4:17

Jare kuae re okuakuaa mboroaɨu yanderé, yandepuere vaerä ñaï Tumpa jóvai yakɨɨyembae reve jókuae iporojäa iara pe. Echa kuae ɨvɨ pe yaiko ramboeve, jae rami ko yaiko.

Judas 1:6

Jare araɨgua reta mbaetɨ opɨta Tumpa oñonoa pe vae, jaeño oeya reta oikoa, jáeramo Tumpa oyokenda oñono reta pɨtumimbi pe, tembipɨɨrɨru opambae pe, Tumpa iporojäa iara peguarä.

Judas 1:7

Jaeramiño vi Tumpa oiporarauka Sodoma jare Gomorra jare iyɨvɨrigua tëta guasu reta pe. Echa joko pegua reta oyapo aguasa jare kuimbae reta oyogüɨreko oyoupii. Jáeramo oiporara reta tata opambae oikuaauka vaerä ïru vae reta pe agüɨye vaerä oyapo jae reta oyapo rami.