San Mateo 1:16 - Biblia Guarani Tumpa Iñee

¹⁶ Jare Jacob taɨ jae José; María ime. Jare María imembɨ jae Jesús; jae ko jee Cristo.

Nuevo Testamento Guaraní Pe

¹⁶ Jare Jacob iñemoña José - jae co María ime. Jare María imembɨ Jesús - jae co Cristo jee vae.

San Mateo 1:16 ပူးပေါင်းရင်းမြစ်များ

San Mateo 1:15

Jare Eliud taɨ jae Eleazar; Eleazar taɨ jae Matán; Matán taɨ jae Jacob.

San Mateo 16:16

Jayave Simón Pedro jei chupe: —Nde ko jae Cristo, Tumpa oikove vae Taɨ.

San Mateo 16:20

Jayave Jesús oyókuai jemimboe reta agüɨye vaerä omombeu kia pe ave, jae ko Cristo vae.

San Mateo 2:13

Jare jókuae kuimbae reta yasɨtata re oyemboe vae reta yogüɨraja ma yave, metei araɨgua yandeYa pe oyeokuai vae oyekuaa José pe ipaɨu pe jare jei chupe: “Epüa, jare eraja michia jare ichɨ Egipto kotɨ. Pepɨta joko pe amombeu ye ndeve regua. Echa Herodes oekata michia Oyuka vaerä.”

San Mateo 27:17

Jayave Pilato oparandu yatɨ vae reta pe: —¿Peipota pa ayorauka vaerä peve Barrabás ani Jesús, Cristo jee vae?

San Mateo 27:22

Jayave Pilato oparandu chupe reta: —Jökorai yave, ¿mbae pa peipota ayapo Jesús, Cristo jee vae pe? Jayave opaete vae reta jei: —¡Eikutuuka kurusu re!

San Marcos 6:3

Kuae ko jae ɨvɨra pegua mbaravɨkɨ pe oparavɨkɨ vae. Jae ko María imembɨraɨe. Jae ko Jacobo, José, Judas jare Simón tɨkeɨ. Jare jeindɨ reta yogüɨreko vi yandepɨte pe. Jáeramo jae reta güɨroviaä etei Jesús.

San Lucas 1:27

María pɨri. Jae ko kuñatai ndei etei oasa kuimbae ndive vae. Ërei jae omenda vaerä oï José ndive. José ko jae metei David iñemuña pegua.

San Lucas 2:48

José jare Jesús ichɨ oecha yave, omopɨakañɨ yae reta, jare jei chupe: —Chemembɨ, ¿maera pa körai oreapo? Mase, che jare nderu roeka tëi opaete kerupi orepɨatɨtɨ yae reve.

San Lucas 2:7

Jare María imembɨrɨpɨ kuimbae oa. María oñoma metei ñomaa pe jare omboyapakua metei mbaemɨmba ikaruarɨru pe. Echa mbaetɨ chupegua retarä o.

San Lucas 3:23

Jesús güɨnoi treinta año omboɨpɨ iparavɨkɨ yave. Ïru vae reta ipɨa pe oyemongeta jae ko José taɨ ete. José ko jae Elí taɨ.

San Lucas 4:22

Jare opaete joko pe ñogüɨnoi vae reta imiari kavi jese. Echa ipɨakañɨ reta ñee ikavigüe jei vae re, jei reta: —¿Jaeä yera kuae José taɨ?

San Juan 4:25

Jayave kuña jei Jesús pe: —Aikuaa Mesías outa ko, jókuae Cristo jee vae; jae ou yave omombeuta oreve opaete mbaembae regua.