San Marcos 9:9 - Biblia Guarani Tumpa Iñee

⁹ Jare ɨvɨtɨ guasu güi ogüeyɨ yogüeru ramboeve, Jesús oyókuai reta agüɨye vaerä omombeu reta kia pe ave jókuae oechagüe vae, ndei jae Kuimbaerä oyeapo vae oikove ye omanogüe reta ipɨte güi mbove.

Nuevo Testamento Guaraní Pe

⁹ Jare ɨvɨtɨ güi ogüeyɨ yogüeru rambueve, Jesús oyócuai reta: —Agüɨye pemombeu quia pe cuae peecha vae, ndei che cuimbaera ayeapo vae aicove ye ayu omanogüe vae reta ipɨte güi mbove.

San Marcos 9:9 ပူးပေါင်းရင်းမြစ်များ

San Mateo 12:19

Ngaraa oyoaka kia ndive ani iñeeäta. Ngaraa vi kia oendu iñee kaye rupi.

San Mateo 12:40

Echa Jonás opɨta mboapɨ ara jare mboapɨ pɨ̈tu jókuae jevae tuicha yae vae ɨ rupigua jɨe pe. Jökorai che Kuimbaerä ayeapo vae apɨtata mboapɨ ara jare mboapɨ pɨ̈tu ɨvɨgüɨ pe.

San Mateo 16:21

Jókuae ara güive Jesús omombeu jemimboe reta pe kërai jae ojota ko Jerusalén pe, jare oiporarauka yaeta chupe tenondegua reta, sacerdote reta itenondegua reta, jare mborookuai re oporomboe vae reta vae; jare oyuka retata ërei mboapɨ araa pe oikove yeta vae.

San Mateo 27:63

Jare jei reta chupe: —Oreruvicha, oremaendúa kërai jókuae kuimbae oporombotavɨse vae ndei omano mbove jei: “Mboapɨ ara pe aikove yeta.”

San Mateo 8:4

Jare Jesús jei chupe: —Agüɨye etei emombeu kia pe. Ekua eyeechauka sacerdote pe, jare emee mbota Moisés peokuai rami, jae reta oikuaa vaerä rekuera ma ko vae.

San Marcos 5:43

Jayave Jesús oyókuai yeyé reta agüɨye vaerä omombeu kia pe ave, jare oyókuai reta vi omongaru vaerä kuñatai.

San Marcos 7:36

Jayave Jesús oyókuai reta agüɨye vaerä omombeu kia pe ave. Yepe tëi oyókuai yeyé, ërei jeseve jae reta jeieteño omoërakua.

San Marcos 9:10

Jáeramo mbaetɨ jei reta mbae kia pe ave, ërei oparandu reta oyoupe: “¿Mbae pa oipota jei oikove yeta omanogüe reta ipɨte güi vae?”

San Marcos 9:8

Jare omae reta ye yave, mbaetɨ ma oecha kia jae reta ndive, jaeño Jesús.

San Lucas 24:46

Jare jei chupe reta: —Körai oyekuatía oï, kërai Cristo oiporara ñotai ko jare oikove yeta ko omanogüe reta ipɨte güi mboapɨ araa pe,

San Lucas 9:36

Jare jókuae ñee kïrii ma yave, jae reta oecha Jesúsño ma. Jare jókuae ara reta rupi jae reta mbaetɨ omombeu kia pe ave mbaembae oecha vae. Kïriiño opɨta reta.