San Marcos 9:25 - Biblia Guarani Tumpa Iñee

²⁵ Jare Jesús oecha yave yatɨ jeta jese vae, oñeengata aña pe, jei: —Aña oporomboupa jare oporomboapɨsambae vae, esɨrɨ kuae kunumi güi, jare agüɨye etei mo eya ye jese.

Nuevo Testamento Guaraní Pe

²⁵ Jare Jesús oecha yave jeta vae oñemboatɨ joco pe, oñeengata aña pe. —Aña oporomboupa jare oporomboapɨsa mbae vae —jei chupe—, che roócuai reo vaera cuae cunumi güi, jare agüɨye eya ye jese —jei aña pe.

San Marcos 9:25 ပူးပေါင်းရင်းမြစ်များ

ZACARÍAS 3:2

Jare yandeYa jei Satanás pe: “¡YandeYa toñeengata ndeve Satanás! ¡YandeYa oaɨu Jerusalén vae toñeengata ndeve! Echa jae ko tatasɨgüe tata güi oñerenoegüe rami.”

San Mateo 12:22

Jayave güeru reta Jesús oïa pe metei kuimbae jesambae, iupa, aña oya jese vae. Jare Jesús ombogüera. Jökorai jókuae kuimbae omae jare imiari.

San Mateo 17:18

Jayave Jesús oñeengata aña pe, jare aña oë kunumi güi. Jare jupiveiño okuera.

San Marcos 9:15

Jayave opaete joko pe ñogüɨnoi vae reta oecha Jesús, jare ipɨakañɨ reta. Javoi osɨi yogüeru reta ikotɨ, jare oyapo reta chupe maraetei.

San Marcos 9:24

Jupivei kunumi tu iñeeäta reve jei: —Arovia, ërei chemborɨ aporogüɨrovia vaerä.

San Marcos 9:26

Jayave aña jäse, jare omborɨrɨi täta kunumi, osɨrɨ chugüi. Jare kunumi omanoecha opɨta. Jare jeta joko pe ñogüɨnoi vae reta jei: —¡Omano!

San Lucas 11:14

Metei ara Jesús ombosɨrɨ oï metei kuimbae güi aña oporomboupa vae. Jare aña osɨrɨ ma chugüi yave, jókuae kuimbae imiari. Jare jeta vae joko pe ñogüɨnoi vae ipɨakañɨ.

San Lucas 4:35

Jayave Jesús oñeengata chupe. —¡Nekïrii! ¡Eë chugüi! Jayave opaete vae jovake aña oitɨ ɨvɨ re kuimbae jare oë chugüi. Mbaetɨ maratu oyapo.

San Lucas 4:41

Jare aña reta osɨrɨ oya jese vae reta güi. Osapúkai reve jei: —Nde ko jae Tumpa Taɨ. Ërei Jesús oñeengata chupe reta. Mbaetɨ omaeño aña reta imiari. Echa jae reta oikuaa jae ko Cristo.

San Lucas 8:29

Echa Jesús jei aña osɨrɨ vaerä kuimbae güi, echa ɨma ma yepe oyemboiya jese. Oipokua reta tëi karena pe yave, opa omondoo karena reta, jare aña güɨraja ñuu kotɨ.

San Lucas 9:42

Jare kunumi ou ramboeve, aña oipɨaka jare omborɨrɨi yae. Ërei Jesús oñeengata aña pe; ombogüera kunumi jare omee ye tu pe.

Hechos 16:18

Jare mbovɨ ara rupi jökorai oyapo kuñatai. Kuae jae kaviä Pablo pe, jare jae oyerova jei aña pe: —Jesucristo jee re royókuai: ¡Esɨrɨ chugüi! Jare jupiveiño aña osɨrɨ chugüi.

Judas 1:9

Ërei araɨgua tenondegua Miguel etei oñoraro yave aña guasu ndive oyoaka reve Moisés jetegüe re, oipoɨu omboeko vaerä aña guasu. Jaeño jei chupe: “YandeYa toñeengata ndeve.”