San Marcos 9:21 - Biblia Guarani Tumpa Iñee

²¹ Jayave Jesús oparandu tu pe: —¿Kërai yave ma pa oyeapo chupe kuae? Tu jei chupe: —Michi güive.

Nuevo Testamento Guaraní Pe

²¹ Jayave Jesús oparandu tu pe: —¿Yerae ma pa oyeapo chupe cuae? —Michi güive oyeapo chupe —jei tu—.

San Marcos 9:21 ပူးပေါင်းရင်းမြစ်များ

JOB 14:1

Kuña imembɨ, mbaetɨ ɨma oiko, jare oiporara yae.

JOB 5:7

Kuimbae jeko pegua ko oime tembiporara, tatapiriri oyeapo tata güi rami.

SALMOS 51:5

Mase, ikavimbae pe akuakuaa, iyoa vae ko che chesɨ jɨe peve.

San Marcos 5:25

Jare jae reta ipɨte pe ojo metei kuña doce año ma oiporara tugüɨ guasu vae.

San Marcos 9:20

Jayave güeru chupe, jare aña oecha yave Jesús, jupiveiño omborɨrɨi täta jókuae kunumi jare oa ɨvɨ re. Oyapayere, jare iyuru tɨrɨyɨi.

San Marcos 9:22

Jare jeta vese ma oitɨ tata pe jare ɨ pe, oyuka vaerä tëi. Ërei nde ndepuere yave mbae reyapo chupe, oreparareko jare oremborɨ.

San Lucas 13:16

Mase, kuae kuña Abraham iñemuña pegua ko. Ërei Satanás dieciocho año ma omombaerasɨ. ¿Mbaetɨta pa jaekavi oyembogüera vaerä kuae mbaerasɨ güi ara mbutuu pe?

San Lucas 8:43

Jare jae reta ipɨte pe ojo metei kuña doce año ma oiporara tugüɨ guasu vae, jare opa ma ikorepoti oiporu iyeugüi oporopoano vae reta re. Ërei metei ave mbaetɨ ipuere ombogüera.

San Juan 9:1

Jare Jesús oasa ojo yave, oecha metei kuimbae jesambae voi oa vae.

Hechos 14:8

Jare Listra pe oguapɨ oï metei kuimbae oguatambae vae. Ichɨ jɨe güi oa güive ipuereä etei oguata.

Hechos 3:2

Jare ïru vae reta güeru ara ñavo metei kuimbae oguatambae oa ramo güive vae oñono tupao jöke pe, Öke Pöra jee vae pe, oyerure vaerä mbae re tupao pe oike vae reta pe.

Hechos 4:22

Echa jókuae kuimbae mɨakañɨ rupi okuera vae, cuarenta año oasa ma güɨnoi.

Hechos 9:33

Joko pe oväe metei kuimbae Eneas jee vae juri año ma oiko jupa rupi vae. Echa jete jëogüe vae ko.