San Marcos 8:34 - Biblia Guarani Tumpa Iñee

³⁴ Jare Jesús oenɨi jemimboe reta jare ïru joko pe ñogüɨnoi vae reta. Jayave jei chupe reta: —Kia nunga vae ikɨ̈reɨ ojo cherupíe vae, tiñakañɨ iyeugüi, tovoɨ ikurusu, jare tojo cherupíe.

Nuevo Testamento Guaraní Pe

³⁴ Jare Jesús oeni jemimboe reta jare iru joco pe ñogüɨnoi vae reta. —Oime yave quia oipota ojo cherupíe vae —jei chupe reta—, tiñacañɨ iyeugüi, tovoɨ togüɨraja icurusu, jare tojo cherupíe —jei—.

San Marcos 8:34 ပူးပေါင်းရင်းမြစ်များ

1 REYES 14:8

Apɨ̈ro mborookuaía David iñemuña güi, jare amee ndeve; jare nde mbaetɨ cherembiokuai David rami, cheporookuai oñovatu vae jare oguata cheróvai opaete ipɨa reve kavi, oyapo reve sɨmbi vae cheresa róvai.

NÚMEROS 14:24

Ërei ngatu cherembiokuai Caleb, aroiketa jókuae ɨvɨ re ojo omaea pe, echa jae ipɨa ambuaeyee ko, jare oiparavo oiko vaerä che jaegüe rupi; iñemuña reta güɨnoita imbaerä jókuae ɨvɨ.

San Mateo 10:38

jare kia nunga vae mbaetɨ ovoɨ ikurusu ojo vaerä cherupíe vae, ngaraa ipuere oiko cheremimboerä.

San Mateo 16:24

Jayave Jesús jei jemimboe reta pe: —Kia nunga vae ikɨ̈reɨ ojo cherupíe vae, tiñakañɨ iyeugüi, tovoɨ ikurusu, jare tou cherupíe.

San Mateo 27:32

Jare güɨnoe güɨraja reta ramboeve, oecha reta metei kuimbae Simón jee vae Cirene pegua. Güɨrajauka chupe kurusu.

San Marcos 10:21

Jesús omae jese oiparareko oaɨu yae reve, jare jei chupe: —Metei mbae oata ndeve: Ekua emee opaete mbaembae renoi vae, jare jepɨgüe emee iparavete vae reta pe, jayave renoita mbaembae ara pe. Javoi eyu cherupíe, evoɨ ndekurusu.

San Marcos 7:14

Jesús oenɨi ikotɨ jeta vae reta, jare jei chupe: —Peyeapɨsaka cheré opaete vae reta, peikuaa kavi vaerä.

San Lucas 13:24

—Peñemomɨ̈rata peike vaerä öke ipɨmii vae rupi. Echa che jae peve, jeta vae oipota tëita oike, ërei ngaraa ipuere.

San Lucas 14:33

Jökorai vi, oime yave kia pepɨte pe opaete imbaembae mbaetɨ oeya vae, ngaraa ipuere oiko cheremimboerä.

San Lucas 18:22

Jesús kuae oendu yave, jei chupe: —Oimeño mbae oata ndeve. Emee opaete mbaembae renoi vae, jare jepɨgüe emee paravete vae reta pe, jayave renoita mbaembae ara pe. Javoi eyu cherupíe.

San Lucas 20:45

Jayave Jesús jei jemimboe reta pe opaete vae reta jovake:

San Lucas 9:23

Jayave Jesús jei opaete vae pe: —Kia nunga vae ikɨ̈reɨ ojo cherupíe vae, tiñakañɨ iyeugüi, tovoɨ ikurusu ara ñavo, jare tojo cherupíe.

San Juan 10:27

Chevecha reta oendu cheñee. Aikuaa chevecha reta, jare jae reta yogüɨraja cheraɨkue.

San Juan 19:17

Jae oë jare ovoɨ güɨraja ikurusu. Güɨraja reta Jesús Äkagüe-renda jee vae pe. Kuae ko jee Gólgota hebreo iñee pe.

Hechos 14:22

Jare kuae tëta guasu reta rupi jae reta omoäta ngatu oporogüɨrovia vae reta, jare omboarakuaa jekuaeño vaerä güɨnoi reta mborogüɨrovia Tumpa kotɨ. Jare jei vi chupe reta: “Yaiporara ñotai ko jeta yaike vaerä Tumpa iporookuaía pe.”

Romanos 6:6

yaikuaa kërai yandereko indechigüe oyekutu kurusu re Cristo ndive, oyemboai vaerä mbaeyoa yanderete re oï vae, agüɨye vaerä mo jekuaeño yaiko mbaeyoa jeia re.

Romanos 8:17

Jare yande Tumpa taɨ reta ramo, ñanoita vi yandembaerä jae omeeta yandeve vae. Ñanoita ko yandembaerä Cristo ndive, yaiporara yave jae oiporara rami; jare Tumpa yandemboeteukata Cristo ndive.

1 Corintios 15:31

Cherɨvɨ reta, ara ñavo amano vaerä aiko. Kuae añete ko, yerovia anoi peré yandeYa Jesucristo re vae rami.

1 Corintios 8:13

Jayave, mbae jau vae rupi oporogüɨrovia vae ambogüɨapiuka yave, soo ave ngaraa etei jau, agüɨye vaerä ambogüɨapi ïru oporogüɨrovia vae.

1 Corintios 9:19

Jáeramo mbaetɨ kia pe ave chepía cheokuai vaerä. Ërei ayeapo opaete vae jembiokuairä, jeta vae güɨrovia vaerä Cristo re.

Gálatas 2:20

Cristo ndive ko che ayekutu kurusu re, jáeramo mbaetɨ ma aikove, jaeño Cristo oikove chepɨa pe. Jare añave aikove aiko ramboeve, aiko mborogüɨrovia Tumpa Taɨ re anoi vae re. Echa jae cheraɨu, jare jae aeño oñemee omano vaerä cheré.

Gálatas 5:24

Ërei Cristo imbae ma vae reta oikutu ma kurusu re opaete soo jemimbota reve.

Gálatas 6:14

Ërei yandeYa Jesucristo ikurusu reño ayemboeteta. Jesucristo re arovia ramo, chevegua ɨvɨ pegua teko omano, jare chupegua che amano vi.

Filipenses 3:10

Aipota ko aikuaa kavi Cristo. Aipota anoi jókuae mbaepuere Cristo oikove ye vae pegua. Aiporara yave, aipota aikuaa aiporara ko Cristo jeko pegua, chekɨ̈reɨ amano Cristo omano rami.

Filipenses 3:7

Opaete kuaekuae tuichagüe yae yepi cheve, ërei añave mbaetɨ etei mbae cheve Cristo aaɨu jeko pegua.

Colosenses 1:24

Añave ayerovia aiporara aï peré vae re. Echa aiporara aï cherete pe jókuae oataño Cristo jete re oiporara vaerä vae, jae ko oporogüɨrovia vae reta.

Colosenses 3:5

Jáeramo, peyuka opaete teko ikavimbae oï peré vae, jae ko: Aguasa, ikɨa vae, soo jemimbota reta, mbae ikavimbae, mbaepota rai (jae ko tumpa-raanga rami).

2 Tesalonicenses 3:11

Echa jërakua oreve kërai oime pepɨte pe amogüe oikoiño vae, mbaetɨ etei mbae pe ave oparavɨkɨ vae, oyemoinge opaño mbae pe.

Tito 2:12

Tumpa ipɨakavi yandemboe yaeya vaerä mbaeyoa reta jare soo jemimbota ɨvɨ pegua, jare yaiko yaikuaa kavi reve, jupi rupi, yamboete reve Tumpa,

Hebreos 13:13

Jáeramo yaja ikotɨ tëta guasu güi ikatu pe, yaiporara vi ñereröɨro Jesús rami,

1 Pedro 4:1

Echa Cristo oiporara kuae ɨvɨ pe yanderé. Jáeramo pe reta peïndaivi vi peiporara vaerä. Echa oiporara vae, oyembosɨrɨ ko mbaeyoa güi,

1 Pedro 4:13

Ërei peiporara peï yave peyerovia, echa peikuaa peiporara ko peï Cristo oiporara rami, peyerovia yae vaerä jae iyemboetea oyekuaa yave.

2 Pedro 1:14

Echa aikuaa jarembaeño amanota ma, yandeYa Jesucristo oikuaauka cheve rami.

1 Juan 3:16

Kuae re yaikuaa kërai ko mboroaɨu vae, echa Jesucristo omano yanderé. Jaeramiño vi ikavi ko yande ñamee yanderekove ïru oporogüɨrovia vae reta re.

Apocalipsis 2:10

Agüɨye etei ekɨɨye reiporarata vae güi. Mase, aña guasu peñoñaukata amogüe pe reta tembipɨɨrɨru pe, oyekuaa vaerä peporogüɨrovia añetete ra; jare peiporarata payandepo ara pegua. Nepɨ̈rata ndeporogüɨrovia pe remano regua, jare ameeta ndeve tekove opambae vae.