San Marcos 8:12 - Biblia Guarani Tumpa Iñee

¹² Jayave Jesús ipɨayekɨi reve jei: —¿Maera pa pe reta peipota aechauka vaerä mɨakañɨ? Añete che jae peve, ngaraa oyekuaa mɨakañɨ kuae reta pe.

Nuevo Testamento Guaraní Pe

¹² Jayave Jesús iayeequi. —¿Maera pa añave yogüɨreco vae reta oipota aechauca vaera chupe reta mɨacañɨ? —jei—. Añete che jae peve, ngaraa oyeechauca mɨacañɨ cuae reta pe —jei chupe reta.

San Marcos 8:12 ပူးပေါင်းရင်းမြစ်များ

ISAÍAS 53:3

Oñereröɨro jare oyemombo kuimbae reta ipɨte güi, kuimbae oiporara vae, tembiporara oikuaa; jare yanderova ñañomi chugüi rami, ñaröɨro jare mbaetɨ yaaɨu.

San Mateo 12:38

Jayave amogüe mborookuai re oporomboe vae reta jare fariseo reta güi jei Jesús pe: —Oporomboe vae, roipota reechauka oreve metei mɨakañɨ.

San Mateo 16:4

Ikavimbae iyapoa reta oiporu mɨakañɨ. Ërei mbaetɨta oyeapo chupe reta, jaeño ñeemombeúa Jonás ndive oasa vae.” Jayave Jesús ojo ye chugüi reta.

San Marcos 3:5

Jayave iyarasɨ reve Jesús omae iyɨpɨ rupi ñogüɨnoi vae reta re, jare ipɨatɨtɨ yae jae reta ipɨatäta ramo, jei kuimbae pe: —Emopüa ndepo. Jayave kuimbae omopüa ipo jare okuera voi.

San Marcos 6:6

Jare Jesús ipɨakañɨ jese reta, mbaetɨ güɨrovia jese ramo. Jayave Jesús ojo oporomboe ïru tëta reta jokoropi ñogüɨnoi vae reta rupi.

San Marcos 7:34

Jayave omae ara kotɨ, jare ipɨayekɨi reve jei: —¡Efata! (Kuae oipota jei: “¡Eyepea!”)

San Marcos 8:13

Jayave Jesús oeya reta, jare oyeupi ye barco raɨ pe ojo ɨguasu jovaicho kotɨ.

San Marcos 9:19

Jayave Jesús jei chupe reta: —Oporogüɨroviambae reta. ¿Kërai regua pa aikota pe reta ndive? ¿Kërai regua pa pogüɨropɨata? Peru cheve kuae pe.

San Lucas 19:41

Jare Jesús köiño ma ou Jerusalén güi yave, oecha jare oäpiro,