San Marcos 7:9 - Biblia Guarani Tumpa Iñee

⁹ Jare Jesús jei vi chupe reta: —Peeya ko Tumpa iporookuai, peyapo vaerä peñemuñagüe reta jeko.

Nuevo Testamento Guaraní Pe

⁹ Jare Jesús jei ye chupe reta: —Tumpa iporoócuai pemombo co, peyapo vaera ñanetenondegua reta iporoócuai.

San Marcos 7:9 ပူးပေါင်းရင်းမြစ်များ

SALMOS 119:126

CheYa Tumpa, eñemopüa mo, echa mbaetɨ oyapo reta ndeporookuai reta.

ISAÍAS 24:5

Ɨvɨ opa oikomegua pɨpe yogüɨreko vae reta jeko pegua, echa mbaetɨ oyapo reta Tumpa iporookuai, mbaetɨ oendu reta mborookuai reta jei vae, oyavɨ reta morogüɨrökuavee päve opambae vae kotɨ.

ISAÍAS 29:13

Jayave yandeYa jei: “Echa kuae tëta chemboete iñee rupi jare jembe pe, ërei ngatu ipɨa mombɨrɨ ko oï chegüi; oipoɨu reta chegüi vae, kuimbae reta iporookuai re oyemboe vae ramiño ko;

DANIEL 11:36

Mburuvicha guasu ɨvɨtuguasu kotɨ oyapota opaete jae jeigüe. Oyererovia katuta imbaepuere yae ete ko opaete tumpa reta güi vae, jare jeita ikavimbae yae vae Tumpa kotɨ; opaete oë kavita chupe, Tumpa oiporarauka chupe regua, echa Tumpa jei oyapota vae, oyapota ko.

DANIEL 7:25

Jeita mbae ikavimbae Tumpa Tuichagüe yae ete vae kotɨ, jare Tumpa pe oñeñono tee vae reta pe oiporaraukata; oekata kërai oipoepɨ vaerä Tumpa iporookuai jare arete reta oyeapo Tumpa pe vae, jare Tumpa pe oñeñono tee vae reta ñogüɨnoita ipo pe mboapɨ año y medio rupi.

San Marcos 7:13

Jare jeta kuae nunga peyapo, jökorai pe reta peeya Tumpa iporookuai peyapo vaerä peñemuñagüe reta jeko, peyomboe jese vae.

San Marcos 7:3

Echa fariseo reta jare opaete judío reta mbaetɨ oyepoe yave mbaetɨ okaru, oyapo vaerä iñemuñagüe reta jeko rami.

San Marcos 7:5

Jáeramo fariseo reta jare mborookuai re oporomboe vae reta oparandu Jesús pe, jei: —¿Maera pa nderemimboe reta mbaetɨ oyapo ñaneñemuñagüe reta jeko rami? ¿Maera pa okaru reta oyepoembae reve?

Romanos 3:31

Jayave, ¿mborogüɨrovia rupi yamboai ra mborookuai? ¡Mbaetɨ ko! Jeieteño ko ñamomɨ̈rata mborookuai.

2 Corintios 11:4

Echa pemboresive yave ambuae Jesús re omoërakua vae, ore romoërakua vae güi; jaeramiño vi pemboresive ambuae espíritu, tenonde yave pemboresive ma vae güi; jökoraiño vi pemboresive ambuae ñee ikavi vae, tenonde ma pemboresive vae güi.

Gálatas 1:14

Jare judío reta iporomboe re oasa ete ye cherëtaɨgua cheaveigua reta jeta vae güi. Echa cherägüɨro yae cheñemuñagüe reta jeko re.

Gálatas 2:21

Mbaetɨ aröɨro Tumpa ipɨakavi; echa mborookuai jei vae rupi yandepuere yayembojupi yave, Cristo omanoiñota ma ko.

2 Tesalonicenses 2:4

Jae oñemopüata Tumpa kotɨ jare opaete mbaemboete oñemee chupe vae reta kotɨ, jare jae etei oguapɨta tupao pe jare jeita iyeupe: “Che Tumpa ko.”