San Marcos 7:37 - Biblia Guarani Tumpa Iñee

³⁷ Jae reta ipɨakañɨ yae reve jei: “Opaete mbaembae oyapo vae ikavi yae ko. Ombogüera iyapɨsambae, jare ombogüera vi iñeembae reta.”

Nuevo Testamento Guaraní Pe

³⁷ Jae reta ipɨacañɨ yae, jare jei: —Opaete oyapo vae icavi yae. Ombogüera iyapɨsa mbae vae reta oendu cavi vaera, jare ombogüera vi upa reta iñee cavi vaera.

San Marcos 7:37 ပူးပေါင်းရင်းမြစ်များ

GÉNESIS 1:31

Tumpa omae opaete oyapogüe re, oecha ikavi yae ete jembiapo reta. Jökorai ou pɨ̈tu jare ara, jae ko ovaa ara pe.

SALMOS 139:14

Romboeteta, echa tuichagüe nderembiapo reta jare oporomopɨakañɨ yae. Chepɨakañɨ yae. ¡Opaete jókuae re aikuaa kavi yae!

ISAÍAS 29:18

Jókuae ara, oendumbaese vae reta oenduta, tembikuatía oyemongeta chupe reta yave, jare jesambae vae reta oechata.

San Mateo 9:32

Jare jesambae okuera vae reta yogüɨraja ma yave, ïru vae reta güeru Jesús oïa pe metei kuimbae iupa vae, aña oya jese vae.

San Marcos 1:27

Jare opaete oecha vae reta ipɨakañɨ, jare oparandu oyoupe: —¿Mbae pa ko kuae oyapo vae? ¡Mboromboe ipɨau mbaepuere reve vae! Echa mbaepuere reve jei aña reta osɨrɨ vaerä oya jese vae reta güi, jare jae reta oyapo jae jei vae.

San Marcos 2:12

Jayave kuimbae opüa jupivei, ovoɨ jupa jare oë ojo opaete joko pe ñogüɨnoi vae reta jovake. Jare opaete vae ipɨakañɨ jare omboete reta Tumpa jei reve: —Mbaetɨi yaecha kuae nunga.

San Marcos 4:41

Jare ipɨakañɨ yae reta reve, jei oyoupe: —¿Mbae nunga kuimbae pa kuae? Ɨvɨtu jare ɨguasu ave oyapo jae jei vae.

San Marcos 5:42

Jayave kuñatai opüa jare omboɨpɨ oguata. Kuae kuñatai doce año ma güɨnoi. Jare Jesús ndive ñogüɨnoi vae reta ipɨakañɨ yae.

San Marcos 6:51

Jayave Jesús ou oyeupi barco raɨ pe jae reta pɨri, jare opɨta ɨvɨtu. Jare jae reta ipɨakañɨ yae opɨta.

San Marcos 7:36

Jayave Jesús oyókuai reta agüɨye vaerä omombeu kia pe ave. Yepe tëi oyókuai yeyé, ërei jeseve jae reta jeieteño omoërakua.

San Marcos 8:1

Jókuae ara reta rupi jeta yae oyemboatɨ vae, jare mbaetɨ ma mbae güɨnoi reta jou vaerä yave, Jesús oenɨi jemimboe reta, jare jei chupe reta:

San Lucas 23:41

Jupi ko yande ñamano vaerä. Echa yande ñamanota ñaï ikavimbae vae yayapo jeko pegua. Ërei kuae kuimbae mbaetɨ etei oyapo mbae ikavimbae.

Hechos 14:11

Jayave yatɨ vae reta oecha yave Pablo oyapo vae, jei reta Licaonia pegua ñee pe iñeeäta reve: —¡Tumpa reta ogüeyɨ yandepɨte pe kuimbae rami!