San Marcos 6:52 - Biblia Guarani Tumpa Iñee

⁵² Echa jókuae mɨakañɨ mbɨyape regua oyapo yave, ndeiño oikuaa kavi, echa jekuaeño ipɨatäta reta.

Nuevo Testamento Guaraní Pe

⁵² Echa jocuae mɨacañɨ mbɨyape regua oyapo yave, Jesús oipota tei jae reta oicuaa cavi vaera. Erei ndeiño oicuaa. Echa ipɨatanta vɨteri.

San Marcos 6:52 ပူးပေါင်းရင်းမြစ်များ

ISAÍAS 63:17

OreYa Tumpa, ¿maera pa, reyavɨuka oreve nderemimbota, jare orembopɨa täta agüɨye vaerä romboete? Eyerova ye nderembiokuai reta reaɨu jeko pegua, ñemuña reta ndembae ae vae kotɨ.

San Marcos 16:14

Kuae jaɨkue rupi Jesús oyekuaa jókuae once reve jemimboe reta pe etei, jae reta okaru ñogüɨnoi ramboeve, jare omboeta chupe reta, mbaetɨ oporogüɨrovia jare ipɨatäta ramo. Echa mbaetɨ güɨrovia reta Jesús oikove ye vae oecha vae reta re.

San Marcos 3:5

Jayave iyarasɨ reve Jesús omae iyɨpɨ rupi ñogüɨnoi vae reta re, jare ipɨatɨtɨ yae jae reta ipɨatäta ramo, jei kuimbae pe: —Emopüa ndepo. Jayave kuimbae omopüa ipo jare okuera voi.

San Marcos 7:18

Jayave Jesús jei chupe reta: —¿Pe reta ave pa mbaetɨ peikuaa kavi? ¿Mbaetɨ pa peikuaa oipotagüe mbae peu vae, mbaetɨ ko omongɨa pepɨa vae?

San Lucas 24:25

Jayave Jesús jei chupe reta: —¡Yarakuaambae reta! Mbegüe rupi yae perovia opaete ñeemombeúa reta jei vae.

San Juan 12:40

“Tumpa oesaöva reta jare ombopɨa täta, agüɨye vaerä oecha kavi reta jare agüɨye vaerä oikuaa kavi reta, jare agüɨye vaerä oyepoepɨ reta. Echa oyepoepɨ reta yave, Tumpa ombogüerata.”

Romanos 11:7

¿Kërai pa jayave? Echa Israel pegua reta mbaetɨ güɨnoi jókuae oeka reta tëi güɨnoi vaerä vae. Ërei Tumpa oiparavo vae reta oime güɨnoi. Jare ïru reta oyembopɨatätauka.