San Marcos 6:2 - Biblia Guarani Tumpa Iñee

² Jayave ara mbutuu pe Jesús omboɨpɨ oporomboe judío reta itupao pe. Jare jeta vae oyeapɨsaka jese, jare ipɨakañɨ reve jei reta oyoupe: —¿Kia pe ra oyemboe kuae kuimbae opaete kuae re? ¿Mbae nunga arakuaa ra oñemee chupe? ¿Mbae nunga mɨakañɨ ra kuae oyapo vae?

Nuevo Testamento Guaraní Pe

² Jayave mbutuu iara pe Jesús omboɨpɨ oporomboe judío reta itupao pe. Jare jeta vae oyeapɨsaca jese, jare ipɨacañɨ. Jei reta oyoupe: —¿Quiape pa oñemboe cuae cuimbae opaete cuae re? ¿Mbae nunga aracuaa pa oñemee chupe? ¿Mbae nunga mɨacañɨ pa cuae oyapo ipo pe vae? —jei reta—.

San Marcos 6:2 ပူးပေါင်းရင်းမြစ်များ

San Mateo 4:23

Jare Jesús ojo opaete Galilea rupi, oporomboe reve judío reta itupao ñavo rupi. Omombeu ñee ikavi vae araɨgua mborookuaía regua, jare ombogüera imbaerasɨ vae reta oipotagüe mbaerasɨ güi.

San Mateo 7:28

Jare Jesús opa imiari kuaekuae yave, opaete jókuae oyeapɨsaka jese vae reta ipɨakañɨ iporomboe re.

San Marcos 1:39

Jare ojo opaete ɨvɨ Galilea rupi, jare omombeu Tumpa iñee judío reta itupao ñavo rupi, jare ombosɨrɨ aña reta oya jese vae reta güi.

San Marcos 10:1

Jayave Jesús ojo Capernaum güi Judea pe ɨ̈aka Jordán jovaicho pe. Joko pe jeta oyemboatɨ ye jae oïa pe. Jayave Jesús omboe reta, oporomboeñoi rami.

San Lucas 2:47

Jare opaete oyeapɨsaka jese vae reta, ipɨakañɨ iyarakuaa katu re jare mbarandu omombeu vae re.

San Lucas 4:15

Jare jae oporomboe judío reta itupao ñavo rupi jare opaete vae omboete.

San Juan 6:42

Jei reta: —¿Jaeä pa kuae Jesús, José taɨ? Yaikuaa katu ko tu jare ichɨ. ¿Kërai pa ipuere jei: “Ara güi ko ayu”?

San Juan 7:15

Jare judío reta ipɨakañɨ, jare jei reta: —¿Kërai pa kuae kuimbae oikuaa jeta mbaembae oyemboembae reve?