San Marcos 6:14 - Biblia Guarani Tumpa Iñee

¹⁴ Mburuvicha guasu Herodes oendu ma Jesús regua, echa jërakua yae opaete rupi, jare jei: —Juan oporombobautisase vae oikove ye omanogüe vae reta ipɨte güi. Jáeramo ko güɨnoi mbaepuere oyapo vaerä kuae mɨakañɨ reta.

Nuevo Testamento Guaraní Pe

¹⁴ Opaete vae oendu ma Jesús regua. Mburuvicha guasu Herodes jee vae oendu vi. Jae jei: —Juan oporombobautizase vae oicove ye ma ou omanogüe vae reta ipɨte güi. Jae rambue oyapo cuae mɨacañɨ reta —jei.

San Marcos 6:14 ပူးပေါင်းရင်းမြစ်များ

2 CRÓNICAS 26:15

Oyapouka vi ipoki yae vae reta pe Jerusalén pe tembiporu reta ñeraro peguarä, oñono vaerä sundaro reta imaeka ɨvate vae pe, jare tëta ikësea ɨvate vae pe, joko güi oporoapi reta vaerä uvɨ pe jare ita tuichagüe pe. Jare mombɨrɨ yae rupi jërakua, echa Tumpa omborɨ imbaepuere yae vaerä.

2 CRÓNICAS 26:8

Amón iñemuña reta ombaemboepɨ Uzías pe; jare Uzías jërakua yae vae oupitɨ ɨvɨ Egipto jembeɨ, echa imbaepuere yae oyeapo.

San Mateo 9:31

Ërei jae reta yogüɨraja ma yave, omoërakua reta jókuae ɨvɨ pegua reta pe Jesús oyapo chupe reta vae re.

San Marcos 1:28

Jarembae voi jërakua jesegua opaete ɨvɨ Galilea rupi.

San Marcos 1:45

Ërei jókuae kuimbae ojo, jare omboɨpɨ omoërakua jeta vae reta pe, jókuae oyeapo chupe vae. Jáeramo Jesús mbaetɨ ma ipuere oike tëta guasu pe yavaimbae reve. Opɨta tëtambaea rupi, jare yogüeru jae oïa pe opaete ketɨ ketɨ rupi güi.

San Marcos 8:28

Jae reta jei chupe: —Amogüe vae jei nde ko jae Juan oporombobautisa vae, jare ïru vae reta jei nde ko jae Elías, jare ïru vae reta jei nde ko jae amogüe ñeemombeúa.

San Lucas 13:31

Jókuae ara yogüeru Jesús oïa pe amogüe fariseo reta, jare jei reta chupe: —Ekua kuae güi, echa Herodes oipota ndeyukauka.

San Lucas 3:1

Tiberio César quince año ma oiko mburuvicha guasurä yave, Tumpa omomiari Juan. Juan jae ko Zacarías taɨ, jare oiko ñuu pe. Jókuae ara reta pe Poncio Pilato oiko Judea pegua reta juvicha guasurä, jare Herodes oiko Galilea pegua reta juvicha guasurä, jare Herodes tɨvɨ Felipe oiko ɨvɨ Iturea pegua reta jare ɨvɨ Traconite pegua reta juvicha guasurä, jare Lisanias oiko ɨvɨ Abilinia pegua reta juvicha guasurä. Jare sacerdote tenondegua eterä yogüɨreko Anás jare Caifás.

San Lucas 7:17

Jare Jesús oyapogüe jërakua opaete Judea rupi jare opaete Judea iyɨ́vɨri rupi.

San Lucas 9:19

Jae reta jei chupe: —Amogüe vae jei nde ko jae Juan oporombobautisa vae, jare ïru vae reta jei nde ko jae Elías, jare ïru vae reta jei nde ko jae metei ñeemombeúa arakae vae, oikove ye vae.

1 Tesalonicenses 1:8

Echa pegüi reta jërakua yandeYa iñee, mbaetɨ Macedonia jare Acaya peño, jërakua vi opaete kerupi peporogüɨrovia Tumpa re vae. Jáeramo ore mbaetɨ ma oata romoërakua vaerä.

Hebreos 2:4

Tumpa etei omoañete jae reta omombeu yandeve vae, mɨakañɨ reta, jare Espíritu Santo rupi mbaepuere reta oñemee vae rupi.