San Marcos 5:18 - Biblia Guarani Tumpa Iñee

¹⁸ Jare Jesús oyeupi ye ma oï barco raɨ pe yave, jókuae kuimbae aña reta oya jesegüe vae omoñera omaeño vaerä ojo jupíe.

Nuevo Testamento Guaraní Pe

¹⁸ Jare Jesús oyeupi ye yave chalana pe, cuimbae aña oya jesegüe vae oyerure chupe: —Emaeño cheré aja vaera nderupíe —jei.

San Marcos 5:18 ပူးပေါင်းရင်းမြစ်များ

SALMOS 116:12

¿Mbae pe pa amboepɨta cheYa pe, opaete jókuae ikavi vae oyapo cheve vae jekovia pe?

San Mateo 4:24

Jare opaete ɨvɨ Siria pegua reta pe jërakua Jesús oyapo vae regua. Jare güeru reta chupe oipotagüe mbae jasɨ chupe vae reta, oiporara oipotagüe mbaerasɨ vae, jare aña oya jese vae reta, omano mano vae reta jare jete jëogüe vae. Jare Jesús ombogüera reta.

San Marcos 5:15

Jare yogüeru oväe yave Jesús oïa pe, oecha kuimbae aña oyase jese vae oguapɨ oï joko pe. Oecha oyemonde kavi ma jare yarakuaa kavi ma. Jae ko tenonde yave jeta aña reta oya jese vae. Jare opaete yogüeru vae reta okɨɨye.

San Marcos 5:16

Jare kuchi iyangarekoa reta tenonde yave oecha vae reta omombeu ïru reta pe kërai oasa kuimbae aña oya jese vae jare kuchi reta.

San Marcos 5:17

Jayave opaete vae reta omoñera Jesús ojo ye vaerä jae reta iɨvɨ güi.

San Marcos 5:7

Jare iñeeäta reve jei: —¿Maera pa reyu cheve Jesús, Tumpa Tuichagüe yae vae Taɨ? Romoñera Tumpa jee re, agüɨye eiporarauka cheve.