San Marcos 4:38 - Biblia Guarani Tumpa Iñee

³⁸ Jare Jesús oñemoäkandɨta oke oï barco raɨ juguai kotɨ. Jayave jae reta omomba jare jei chupe: —¡Oporomboe vae! ¿Mbaetɨ pa reyandu opata ma ñamano vae?

Nuevo Testamento Guaraní Pe

³⁸ Jare Jesús oñemoacanguɨta chalana iyapɨ pe, jare oque oi. Jayave jae reta omomba jare jei chupe: —¡Oporomboe vae! ¿mbaeti pa mbae reipota reyapo, agüɨye vaera ñamano?

San Marcos 4:38 ပူးပေါင်းရင်းမြစ်များ

ISAÍAS 63:15

Emae ara güi, jókuae ikɨambaea jare iyemboetea yaea pe reikoa güi. ¿Ketɨ pa oime nerägüɨro, ndembaepuere, ndepɨaä jare ndeporoaɨu orekotɨ vae? ¿Opa ma pa rembosɨrɨ oregüi?

ISAÍAS 64:12

OreYa Tumpa, opaete kuae mbaembae oasa reve ¿mbaetɨta ra mbae reyapo? ¿Nekïriiñota ra, jekuaeñota ra orembopɨatɨtɨ yae?

LAMENTACIONES 3:8

yepe tëi asapúkai aeka iporomborɨ, ërei mbaetɨ oyeapɨsaka cheyerure re;

San Mateo 22:16

Jayave jae reta omondo jemimboe reta herodiano reta ndive Jesús oïa pe. Jae reta jei Jesús pe: —Oporomboe vae, roikuaa nde rere vae añete ko. Jare nde reporomboe kavi Tumpa jemimbota re. Nde mbaetɨ reipoɨu kia güi ave, echa nde mbaetɨ remae kuimbae jova reño.

San Mateo 8:25

Jayave Jesús jemimboe reta omomba. Jei reta chupe: —¡OreYa, orereroasayepe! ¡Ñamanota ma!

San Marcos 4:37

Ërei ou ɨvɨtuai tätagüe, jare ɨaparúa oñeñoña barco raɨ pe, jare ombosakambu pota ma.

San Marcos 4:39

Jayave Jesús opüa, jare oñeengata ɨvɨtu pe, jei reve: —¡Epɨta! ¡Eñemokïrii! Javoi ɨvɨtu opɨta, kïrii ngatu opɨta.

San Lucas 8:24

Jayave omomba reta Jesús, jare jei chupe: —¡Oporomboe vae, oporomboe vae! Ñamanota ma. Jayave Jesús opüa, jare oñeengata ɨvɨtu jare ɨguasu pe. Jare jupiveiño opɨta ɨvɨtu, jare opaete kïrii ngatu.

San Juan 4:6

Joko pe oï metei ɨkua. Jókuae ɨkua jee Jacob iɨkua. Jayave Jesús oguapɨ ɨkua iyɨpɨ pe. Echa mombɨrɨ ma oguata, jare ikangɨ. Jare kuaraɨ ara mbɨteta ma.

Hebreos 2:17

Jáeramo Jesús ikavi ko oyeapo vaerä ɨvɨ pegua reta rami, ipuere vaerä Tumpa jóvai sacerdote tenondegua ete oporoparareko jare jupi vae, jökorai Tumpa iñɨ̈ro vaerä opaete vae reta pe iyoa reta re.

Hebreos 4:15

Echa yandesacerdote tenondegua ete yandeparareko ko ñanepɨ̈ratambae re, echa jae oiporara opaete morojäa reta yande rami, ërei jae mbaetɨ etei iyoa.

1 Pedro 5:7

Peeya Tumpa pe opaete peyemoambeko jese vae, echa jae oyangareko oï peré.