San Marcos 4:32 - Biblia Guarani Tumpa Iñee

³² Ërei oñeotɨ yave, okuakuaa, jare tuicha yae opaete ïru temitɨ metei año peguaño okuakuaa vae reta güi, jare tuicha jäka oyeapo. Jare güɨra reta oiko jese.”

Nuevo Testamento Guaraní Pe

³² Erei oñeotɨ güire, ocuacuaa, jare tuicha yae opaete iru temitɨ metei año peguaño ocuacuaa vae reta güi, jare tuicha jaca oyeapo. Jae rambue güɨra reta ipuere oyapo jaitɨra jese cuaraɨa pe —jei chupe reta.

San Marcos 4:32 ပူးပေါင်းရင်းမြစ်များ

SALMOS 104:12

Jembeɨ rupi oyemboaitɨ güɨra reta; ¡jokoropi oñee reta ɨvɨra-räka rupi!

SALMOS 91:1

Nde, reiko Tumpa Tuichagüe yae ete vae iporoangareko igüɨ pe vae. Reiko Imbaepuere yae ete vae ipo pe.

PROVERBIOS 4:18

Ërei jupi vae reta jape köembipe rami ko: Köe jembipe ojo oiko köe kavi regua rami.

CANTARES 2:3

Ɨvɨra pɨte pe temitɨ manzana oï rami ko, aaɨu vae, kunumi reta ipɨte pe. ¡Iküaraɨa kavi pe aguapɨ! ¡Iagüe jëe ngatu yae cheve!

ISAÍAS 11:9

Ngaraa oyapo reta ikavimbae opaete cheɨvɨtɨ oï tee vae pe; echa opaete ɨvɨ pegua reta oikuaata yandeYa, ɨ tɨnɨe ɨguasu oï rami.

ISAÍAS 32:2

Jókuae mburuvicha guasu oïta ɨvɨtuai güi ñañemi jese vae rami, ani okɨrai vae güi ñañemi pɨpe vae rami, ani ɨvɨ otinía pe oime ɨ̈aka raɨ rupi ɨ vae rami, ani ɨ̈vavira iküaraɨa araku yaea pe oï vae rami.

LAMENTACIONES 4:20

Oa tembipɨɨrä yandeYa jembiparavo, ñanemoäta ngatuse vae, jókuae mburuvicha guasu re yande yaese körai: “Jae iporoangareko rupi yaikota tëtaguasu reta ipɨte rupi.”

EZEQUIEL 17:23

Ɨvɨtɨ ɨvate yae vae Israel pegua re añotɨta. Jokɨta jare iata jare oyeapota metei ɨ̈vɨrare ikavi yae vae. Oipotagüe mɨmba oikota igüɨ pe, jare oipotagüe güɨra reta oyapota jaitɨrä jäka re.

San Mateo 13:32

Kuae jäɨgüe jae ko michi yae opaete ïru temitɨ reta jäɨgüe güi vae. Ërei okuakuaa ma yave, tuicha yae opaete ïru temitɨ metei año peguaño okuakuaa vae reta güi. Oyeapo metei ɨvɨra, jare güɨra reta yogüeru oyapo jaitɨrä jäka re.”

San Marcos 4:31

Yandepuere yambojaanga metei mostaza jäɨgüe re. Yepe tëi jäɨgüe michi yae opaete ïru temitɨ reta jäɨgüe ɨvɨ pe oï vae güi.

San Marcos 4:33

Jeta körai Jesús omombeu ñee ikavi vae opaete vae reta pe ombojaanga reve, jae reta ipuereta oikuaa vae rupi.