San Marcos 4:28 - Biblia Guarani Tumpa Iñee

²⁸ Echa temitɨ oë jaeiño ɨvɨ güi, tenonde iɨ, javoi avatikɨ, joko güi avati.

Nuevo Testamento Guaraní Pe

²⁸ Echa temitɨ ocuacuaa ñamborɨ mbae reve, tenonde iɨ, jayave avatiquɨ, jayave avati —jei—.

San Marcos 4:28 ပူးပေါင်းရင်းမြစ်များ

GÉNESIS 2:9

Jare yandeYa Tumpa ombokuakuaauka ɨvɨ güi opaete ɨvɨra ia ikavi yae oyekuaa jare ikavi yae oyeu vaerä vae. Jaeramiño vi oñono kó mbɨte pe ɨvɨra tekove pegua. Jare ɨvɨra, ikavi vae jare ikavimbae oikuaauka vae.

SALMOS 1:3

Jókuae nunga kuimbae ko metei ɨvɨra ɨ̈aka jembeɨ pe oï vae rami, ia iara oväe yave ia, jokɨ katu avei, mbaetɨ jo osururu. ¡Opaete mbaembae oyapogüe oë kavi chupe!

PROVERBIOS 4:18

Ërei jupi vae reta jape köembipe rami ko: Köe jembipe ojo oiko köe kavi regua rami.

ECLESIASTÉS 3:1

Kuae ɨvɨ pe oime opaete mbaembae oyeapo vae iara; opaete mbaembae oyeapo vae oime iora:

ECLESIASTÉS 3:11

Jae ipöra oyapo opaete iara pe kavi; oñono vi kuimbae reta ipɨa pe oiko avei ko vae, yepe tëi mbaetɨ opaete oikuaa reta Tumpa oyapo iyɨpɨ güive vae, jare oyapota vae.

ISAÍAS 61:11

Echa ɨvɨ pe jokɨ ɨvɨra, jare kó raɨ pe jokɨ pɨau temitɨ vae rami ko, jökorai yandeYa Tumpa oyapota jupi vae, jare opaete tëtaguasu reta otairarita ombaemboete.

OSEAS 6:3

¡Ñañemoäta ngatu yaeka yaikuaa vaerä yandeYa! Köembipe ou ñotai vae rami outa yandekotɨ, jare ama ou ñotai vae rami outa yandekotɨ, ama taɨkue ete ani tenonde ete okɨ ɨvɨ re vae rami.

San Mateo 13:26

Trigo okuakuaa jare ia yave, oyekuaa vi trigoraanga trigo ipɨte rupi.

San Marcos 4:27

Yepe tëi kuimbae oke pɨ̈tu ñavo jare opüa ara ñavo. Jemitɨ oë jare okuakuaa, jare jae mbaetɨ oikuaa kërai ra okuakuaa vae.

San Marcos 4:29

Jare yagüɨye ma yave, iya oarɨvo. Echa oväe ma ara oyearɨvo vaerä.”

Filipenses 1:6

Aikuaa katu, Tumpa omboɨpɨ ma oyapo metei mbaravɨkɨ ikavi vae pepɨa pe vae, jae etei ko jekuaeñota oyapo Jesucristo ou ye regua.

Colosenses 1:10

Peguata kavi vaerä, Tumpa oenɨigüe reta oguata rami kavi, pemboyerovia opaete mbaembae pe. Peyapo avei opaete mbaembae ikavi vae. Peikuaa kavi ete avei Tumpa.