San Marcos 3:7 - Biblia Guarani Tumpa Iñee

⁷ Jayave Jesús jare jemimboe reta yogüɨraja ɨguasu kotɨ,

Nuevo Testamento Guaraní Pe

^7-8 Jayave Jesús jare jemimboe reta yogüɨraja ɨ guasu pe, jare yogüɨraja vi jaɨcue jeta yae vae Galilea güi. Jare yogüeru vi jae oia pe jeta yae Judea pegua reta, Jerusalén pegua reta, ɨvɨ Idumea pegua reta, Jordán jovaicho pegua reta, jare tenta reta Tiro jare Sidón iyɨvɨrigua reta, oendu yave opaete Jesús oyapogüe vae regua.

San Marcos 3:7 ပူးပေါင်းရင်းမြစ်များ

San Mateo 10:23

Ërei metei tëta guasu pe oiporarauka peve yave, petekuarai ïru tëta guasu kotɨ. Añete che jae peve, ndei opa pemboapɨ Israel pegua jëta guasu reta mbove che Kuimbaerä ayeapo vae ayu yeta.

San Mateo 12:15

Jesús kuae oikuaa yave, ojo joko güi. Jare jeta vae reta yogüɨraja jaɨkue, jare jae ombogüera opaete imbaerasɨ vae reta.

San Mateo 12:16

Jare Jesús oyókuai reta agüɨye etei vaerä omoërakua kia ko jae vae;

San Mateo 4:25

Yogüɨraja Jesús jaɨkue jeta vae Galilea güi, ɨvɨ Decápolis güi, tëta Jerusalén güi, ɨvɨ Judea güi jare ɨ̈aka Jordán jovaicho güi.

San Marcos 1:39

Jare ojo opaete ɨvɨ Galilea rupi, jare omombeu Tumpa iñee judío reta itupao ñavo rupi, jare ombosɨrɨ aña reta oya jese vae reta güi.

San Marcos 1:45

Ërei jókuae kuimbae ojo, jare omboɨpɨ omoërakua jeta vae reta pe, jókuae oyeapo chupe vae. Jáeramo Jesús mbaetɨ ma ipuere oike tëta guasu pe yavaimbae reve. Opɨta tëtambaea rupi, jare yogüeru jae oïa pe opaete ketɨ ketɨ rupi güi.

San Marcos 3:20

Jare oyemboatɨ ye jeta vae jese ramo, Jesús jare jemimboe reta mbaetɨ ipuere okaru.

San Marcos 4:1

Jesús omboɨpɨ ye oporomboe ɨguasu jembeɨ pe. Jare jeta yogüeru oyemboatɨ jae oïa pe. Jáeramo oyeupi metei barco raɨ pe jare oguapɨ pɨpe. Jare yatɨ vae reta ñogüɨnoi ɨguasu jembeɨ rupi.

San Lucas 23:5

Jayave jae reta jeiete jei: —Omboemboe tëta guasu pegua reta. Oporomboe opaete Judea rupi. Omboɨpɨ Galilea pe jare añave ou oväe kuae pe.

San Lucas 6:12

Jókuae ara rupi Jesús ojo ɨvɨtɨ guasu re oyerure, jare iköe joko pe oyerure Tumpa pe.

San Lucas 6:17

Jayave Jesús ogüeyɨ ye ɨvɨtɨ guasu güi ipe kavía pe jae reta ndive. Jare joko pe jeta ñogüɨnoi jupiegua reta, jare jeta Judea pegua reta jare Jerusalén pegua reta jare tëta guasu Tiro jare Sidón ɨguasu jembeɨ rupigua reta. Opaete vae yogüeru oyeapɨsaka vaerä Jesús re, jare ombogüera reta vaerä imbaerasɨ reta güi.

San Juan 7:41

Ïru vae reta jei: —Kuae kuimbae jae ko Cristo. Ërei amogüe vae jei: —¿Galilea güi ra oëta Cristo?

San Juan 7:52

Ïru reta jei chupe: —¿Nde jae vi pa Galileaɨgua? Emongeta kavi Tembikuatía, jare eecha mbaetɨi ko metei ave ñeemombeúa oë Galilea güi vae.

Hechos 17:10

Jare jupiveiño oporogüɨrovia vae reta omondo pɨ̈tu yave Pablo jare Silas tëta guasu Berea kotɨ. Jae reta yogüɨraja oväe joko pe yave, yogüɨraja oike reta judío reta itupao pe.

Hechos 17:14

Ërei jupivei oporogüɨrovia vae reta omondouka Pablo ɨguasu kotɨ. Ërei Silas jare Timoteo opɨtaño joko pe.

JOSUÉ 20:7

Jayave oiparavo reta tëta guasu Cedes, Galilea pe, Neftalí iñemuña reta iɨvɨtɨ guasu re, tëta guasu Siquem, Efraín iñemuña reta iɨvɨtɨ guasu re jare tëta guasu Quiriat-arba (jae ko Hebrón) Judá iñemuña reta iɨvɨtɨ re.

JOSUÉ 21:32

Neftalí iñemuña reta iɨvɨ pe oñemee chupe reta mboapɨ tëta guasu mɨmba ikaruarä ndive ndive: Tëta guasu Cedes, Galilea pe oï vae, ñepɨ̈rokarä oporoyuka vae reta pe; omee reta vi Hamot-dor jare Cartán.