San Marcos 2:24 - Biblia Guarani Tumpa Iñee

²⁴ Jayave fariseo reta jei Jesús pe: —Mase, ¿maera pa oyapo reta mbaetɨta tëi oyeapo ara mbutuu pe vae?

Nuevo Testamento Guaraní Pe

²⁴ Jayave fariseo reta jei Jesús pe: —Mase, ¿maera pa oyapo reta agüɨyeta tei oyapo mbutuu iara pe vae?

San Marcos 2:24 ပူးပေါင်းရင်းမြစ်များ

ÉXODO 20:10

ërei chiúa ara, mbutuu pegua ko, che peYa Tumpa peguarä; jókuae ara agüɨye peyapo mbae nunga mbaravɨkɨ, jaeramiño vi peraɨ, perayɨ, perembiokuai kuimbae, perembiokuai kuña, ani perɨmba yepe, ani ketɨgua pero pe pereko vae yepe.

ÉXODO 31:15

Ova ara toyeparavɨkɨ, ërei chiúa ara pe, ara mbutuu pegua ko oñeñono tee che peYa pe. Oipotagüe oparavɨkɨ kuae ara mbutuu pegua pe yave, tomano.’

ISAÍAS 56:2

Oyeroviata kuimbae oiko kuae mborookuai reta jeigüe rupi vae, omboete ara mbutuu jare mbaetɨ güɨröɨro vae, oyeandu mbae ikavimbae oyapo vaerä güi vae.”

ISAÍAS 56:4

Echa yandeYa jei: “Eunuco reta omboete yave cheara mbutuu, yogüɨreko yave jaegüe rupi jare cheporogüɨrökuavee päve rupi,

ISAÍAS 56:6

Jare ketɨgua reta taɨ, cheremimbota rupi yogüɨreko, oyeokuai reta vaerä cheve vae, jare oaɨu reta cheree yogüɨreko vaerä cherembiokuairä; jare opaete omboete ara mbutuu vae reta, agüɨye vaerä güɨröɨro, yogüɨreko cheporogüɨrökuavee päve rupi vae reta,

ISAÍAS 58:13

Emboete ara mbutuu pegua, agüɨye eyapo ndeparavɨkɨ cheara oñeñono tee vae pe. Kuae ara ereko, ara yerovia katu pegua, che ndeYa peguarä oñeñono tee jare imboetea yae vae. Emboete, agüɨye eeka nderemimbotaño ani mbae ndeyeupeguaräño.

San Mateo 12:2

Ërei fariseo reta oecha yave, jei reta chupe: —Mase, nderemimboe reta oyapo agüɨyeta tëi oyapo ara mbutuu pe vae.

San Marcos 2:16

Jayave mborookuai re oporomboe vae reta jare fariseo reta oecha Jesús okaru oï okovara vae reta jare jeko ikavimbae vae reta ndive yave, jei jemimboe reta pe: —¿Maera pa pemboe vae okaru okovara vae reta jare jeko ikavimbae vae reta ndive?

San Marcos 2:25

Jesús jei chupe reta: —¿Mbaetɨi pa pemongeta David oyapogüe regua, kërai jae jare jae ndive ñogüɨnoi vae reta iyɨmbɨaɨ yave vae?

San Marcos 2:7

“¿Maera pa jei körai kuae kuimbae? Jei ko ikavimbae yae vae Tumpa kotɨ. Tumpaño ko ipuere iñɨ̈ro mbaeyoa reta re.”

Hebreos 12:3

Peyemongeta Jesús re, kërai iyoa vae reta ikavimbae vae jei yave ikotɨ, oiporara yae, agüɨye vaerä pepɨtu pegüɨapi regua.