San Marcos 2:17 - Biblia Guarani Tumpa Iñee

¹⁷ Jesús kuae oendu yave, jei chupe reta: —Oikove katu vae reta mbaetɨ oeka oporopoano vae. Imbaerasɨ vae retaño oeka. Che ayu aeka vaerä iyoa vae reta. Mbaetɨ ayu aeka jupi vae reta.

Nuevo Testamento Guaraní Pe

¹⁷ Jesús cuae oendu yave, jei chupe reta: —Mbaeti mbae jasɨ chupe vae reta mbaeti oeca oporopoano vae. Imbaerasɨ vae retaño oeca. Che ayu aeni vaera iyoa vae reta, mbaeti jupi vae reta —jei.

San Marcos 2:17 ပူးပေါင်းရင်းမြစ်များ

ISAÍAS 1:18

YandeYa jei: “Peyu yayoaka. Yepe tëi peyoa reta pɨ̈taasɨ yae, ërei amotïasɨta iroɨ rami; ani temimonderä vae pɨ̈taasɨ vae rami yave, vecharaa tïi vae rami amotïasɨta;

ISAÍAS 55:7

Iyoa vae toyepoepɨ, jare kuimbae ipɨapochɨ yae vae toeya iyemongeta, jare toyerova ye yandeYa kotɨ, jare jae iporopararekota jese, jare ñaneTumpa kotɨ, echa jae ipɨakavi avei iñɨ̈ro vaerä.

JEREMÍAS 17:9

Oporombotavɨ katu yae vae ko yandepɨa opaete ïru mbaembae reta güi, jare jeko kavimbae yae ko, ¿kia ra ipuere oikuaa?

San Mateo 18:10

Agüɨye peröɨro kërai ave yepe oporogüɨrovia ramo vae. Echa che jae peve, araɨgua oyangareko kuae nunga reta re vae, ñogüɨnoi avei ko cheRu ara pe oï vae jóvai.

San Lucas 15:10

Che jae peve, jökoraiño vi ara pe oimeta yerovia tuichagüe Tumpa iaraɨgua reta pe metei iyoa vae oeya yave iyemongeta ikavimbae vae ipɨa pe oï vae.”

San Lucas 15:29

Jayave jei tu pe: ‘Mase, jeta año ma ayeokuai ndeve. Jekuaeño ayapo ndeporookuai. Ërei mbaetɨi remee cheve kavara raɨ yepe, avɨa vaerä chevɨa-ïru reta ndive.

San Lucas 15:7

Che jae peve, jökoraiño vi ara pe oimeta yerovia tuichagüe metei iyoa vae oeya yave iyemongeta ikavimbae vae ipɨa pe oï vae. Jókuae noventa y nueve jupi vae reta güi. Jókuae mbaetɨ mbae jeko pegua oyepoepɨ vaerä vae reta.

San Lucas 16:15

Jayave Jesús jei chupe reta: —Pe retaiño peyembojupi ïru vae reta jóvai vae ko pe. Ërei Tumpa oikuaa pepɨa pe oï vae. Echa kuimbae reta ombotuicha yae vae, Tumpa peguarä ikavimbae yae ko.

San Lucas 19:10

Echa che Kuimbaerä ayeapo vae ayu aeka vaerä jare amboasa vaerä okañɨ Tumpa güi vae reta.

San Juan 9:34

Jayave judío reta jei chupe: —Nde rea mbaeyoa pe voi vae, ¿oremboeta ra? Jayave omombo reta joko güi.

San Juan 9:40

Amogüe fariseo reta joko pe ñogüɨnoi jae ndive vae oendu kuae yave, oparandu reta chupe: —¿Ore vi pa ko jae jesambae vae reta?

Hechos 20:21

Amombeu reve judío reta jare judiombae vae reta pe oyerova vaerä Tumpa kotɨ jare güɨrovia yandeYa Jesucristo re.

Hechos 26:20

jaeño amboɨpɨ amoërakua Damasco pegua reta pe, jare Jerusalén pegua reta pe, opaete Judea pegua reta pe jare judiombae vae reta pe. Amombeu chupe reta oeya vaerä jeko ikavimbae vae jare oyepoepɨ vaerä Tumpa kotɨ, oechauka reve jeko rupi oyepoepɨ reta ko vae.

Tito 2:14

Echa jae oñemee omano vaerä yanderé, jae yandereepɨ vaerä opaete ikavimbae güi, jare oyoe vaerä yandepɨa yandeyoa reta güi, yandeapo vaerä imbae retarä, yaipota yae vaerä yayapo mbaravɨkɨ ikavi vae.