San Marcos 2:12 - Biblia Guarani Tumpa Iñee

¹² Jayave kuimbae opüa jupivei, ovoɨ jupa jare oë ojo opaete joko pe ñogüɨnoi vae reta jovake. Jare opaete vae ipɨakañɨ jare omboete reta Tumpa jei reve: —Mbaetɨi yaecha kuae nunga.

Nuevo Testamento Guaraní Pe

¹² Jayave cuimbae opúa, jare ovoɨ jupa, jare oe ojo opaete joco pe ñogüɨnoi vae reta jovaque. Opareve ipɨacañɨ yae, jare omboete Tumpa. —Mbaeti ete yaecha yepi cuae nunga —jei reta.

San Marcos 2:12 ပူးပေါင်းရင်းမြစ်များ

San Mateo 12:23

Jare opaete joko pe ñogüɨnoi vae ipɨakañɨ jare jei reta: “¿Kuae jaeä ra ko David Taɨ?”

San Mateo 15:31

Jáeramo joko pe jeta vae reta ipɨakañɨ. Echa oendu iupa vae reta imiari, jare oecha ipo jovaichombae reta okuera, jare iköcho vae reta oguata kavi, jare jesambae vae reta omae. Jare opaete vae omboete Israel iTumpa.

San Mateo 9:33

Jare Jesús ombosɨrɨ aña chugüi rupive, iupa vae omboɨpɨ imiari. Jare jeta vae reta ipɨakañɨ reve jei: —Mbaetɨi oyeecha kuae nunga Israel pe.

San Mateo 9:8

Ërei jeta joko pe ñogüɨnoi vae reta oecha yave ipɨakañɨ, jare omboete reta Tumpa, mbaepuere tuicha vae omee kuimbae reta peguarä Jesús rupi.

San Marcos 1:27

Jare opaete oecha vae reta ipɨakañɨ, jare oparandu oyoupe: —¿Mbae pa ko kuae oyapo vae? ¡Mboromboe ipɨau mbaepuere reve vae! Echa mbaepuere reve jei aña reta osɨrɨ vaerä oya jese vae reta güi, jare jae reta oyapo jae jei vae.

San Marcos 2:11

—Che jae ndeve: Epüa, evoɨ nderupa jare ekua nerëta pe.

San Lucas 13:13

Jayave Jesús oñono ipo jese. Jare jupivei jókuae kuña ipuere oyembosɨmbi kavi jare omboɨpɨ omboete Tumpa.

San Lucas 17:15

Jayave metei chugüi reta oecha ma okuera yave, osapúkai reve omboete Tumpa ou ye oiko,

San Lucas 5:26

Jaeramiño vi opaete joko pe ñogüɨnoi vae reta omboete Tumpa. Echa opareve ipɨakañɨ yae jare okɨɨye reta reve jei: —Mɨakañɨ ko yaecha kuae ara.

San Lucas 7:16

Jayave opaete vae okɨɨye. Omboete reta Tumpa, jei reve: —Ñeemombeúa tuichagüe oyekuaa yandepɨte pe. Tumpa ou yandemborɨ, yande tëta imbae vae reta.

San Juan 7:31

Jare joko pe ñogüɨnoi vae güi jeta güɨrovia jese vae, echa jei reta: —Cristo ou yave, ¿oyapota ra jeta yae ete mɨakañɨ kuae kuimbae oyapo vae güi?

San Juan 9:32

Iyɨpɨ güive mbaetɨi oyeendu kia ipuere ombogüera jesambae oa ichɨ güi vae.

Hechos 4:21

Jayave jókuae mburuvicha reta oyókuai yeyé omongɨɨye reve oyora omondo Pedro jare Juan. Ipuereä oinupauka reta, opaete vae reta güi okɨɨye ramo. Echa opaete vae reta omboete Tumpa jókuae oyeapo vae jeko pegua.