San Marcos 16:6 - Biblia Guarani Tumpa Iñee

⁶ Ërei jae jei chupe reta: —Agüɨye pekɨɨye. Peeka ko peï Jesús Nazaret-ɨgua, kurusu re omano vae. Jae oikove ye ma ko. Mbaetɨ ma kuae pe oï. Mase, pemae jendagüe re.

Nuevo Testamento Guaraní Pe

⁶ Erei cunumi jei chupe reta: —Agüɨye pepɨacañɨ. Peeca co pei Jesús Nazaret pegua oyecutuca curusu re vae. Jae oicove ye ma ou omanogüe vae reta ipɨte güi. Mbaeti ma oi cuae pe. Pemae oñeñonoagüe re —jei—.

San Marcos 16:6 ပူးပေါင်းရင်းမြစ်များ

SALMOS 71:20

Nde reechauka cheve jeta mbɨatɨtɨ jare ikavimbae reve, remee yeta cheve tekove; chemopüa pɨau yeta ɨvɨkua guasu güi.

PROVERBIOS 8:17

Che aɨu cheraɨu vae reta, jare chereeka voi vae reta cheväe.

San Mateo 12:40

Echa Jonás opɨta mboapɨ ara jare mboapɨ pɨ̈tu jókuae jevae tuicha yae vae ɨ rupigua jɨe pe. Jökorai che Kuimbaerä ayeapo vae apɨtata mboapɨ ara jare mboapɨ pɨ̈tu ɨvɨgüɨ pe.

San Marcos 1:24

—¿Maera pa reyu oremoambeko Jesús Nazaret-ɨgua? ¿Reyu pa oremokañɨtei vaerä? Che rokuaa. Nde ko jae Iyoambae Tumpa güi ou vae.

San Marcos 1:27

Jare opaete oecha vae reta ipɨakañɨ, jare oparandu oyoupe: —¿Mbae pa ko kuae oyapo vae? ¡Mboromboe ipɨau mbaepuere reve vae! Echa mbaepuere reve jei aña reta osɨrɨ vaerä oya jese vae reta güi, jare jae reta oyapo jae jei vae.

San Marcos 10:34

jae reta cheyóyai yoyaita, chenupa retata chikote pe, jare ondɨvɨ retata cheré, cheyuka retata. Ërei mboapɨ araa pe aikove yeta.”

San Marcos 14:33

Jayave güɨraja jupíe Pedro, Jacobo jare Juan, jare omboɨpɨ ipɨatɨtɨ jare oiporara.

San Marcos 9:15

Jayave opaete joko pe ñogüɨnoi vae reta oecha Jesús, jare ipɨakañɨ reta. Javoi osɨi yogüeru reta ikotɨ, jare oyapo reta chupe maraetei.

San Lucas 24:46

Jare jei chupe reta: —Körai oyekuatía oï, kërai Cristo oiporara ñotai ko jare oikove yeta ko omanogüe reta ipɨte güi mboapɨ araa pe,

Hechos 2:24

Ërei Tumpa omoingove ye, oyora mano ipo güi, echa mano mbaetɨ ipuere jese.

Hechos 4:10

Peikuaa kavi kuae, jare opaete Israel pegua reta, Jesucristo Nazaret pegua jee re okuera ma kuae kuimbae peróvai oï vae, jókuae pe reta peikutuuka kurusu re vae jare Tumpa omoingove ye omanogüe reta ipɨte güi vae. Jae etei ko ombogüera kuae kuimbae.