San Marcos 16:14 - Biblia Guarani Tumpa Iñee

¹⁴ Kuae jaɨkue rupi Jesús oyekuaa jókuae once reve jemimboe reta pe etei, jae reta okaru ñogüɨnoi ramboeve, jare omboeta chupe reta, mbaetɨ oporogüɨrovia jare ipɨatäta ramo. Echa mbaetɨ güɨrovia reta Jesús oikove ye vae oecha vae reta re.

Nuevo Testamento Guaraní Pe

¹⁴ Cuae jaɨcue rupi Jesús oyeechauca jocuae once jemimboe reta pe etei, jae reta ocaru ñogüɨnoi rambueve, jare oñeengata chupe reta, mbaeti oporogüɨrovia jare ipɨatanta rambue. Echa iru vae reta oecha Jesús, oicove ye güire ou omanogüe vae reta ipɨte güi, jare omombeu tei jemimboe reta pe. Erei jae reta mbaeti güɨrovia.

San Marcos 16:14 ပူးပေါင်းရင်းမြစ်များ

NÚMEROS 14:11

jare yandeYa jei Moisés pe: —¿Kërai yave regua pa kuae reta jekuaeñota chereröɨro? ¿Opaete mɨakañɨ reta ayapo ipɨte pe vae reve jekuaeñota pa mbaetɨ chererovia?

San Mateo 11:20

Jayave Jesús omboɨpɨ omboeta jókuae tëta guasu jeta mɨakañɨ oyapo pɨpe vae reta pe. Echa jókuae tëta guasu pegua reta mbaetɨ oyembopɨa ambuae jeko ikavimbae güi. Jare jei:

San Mateo 17:20

Jare Jesús chupe reta: —Michi yae peporogüɨrovia ramo. Añete che jae peve, peporogüɨrovia mostaza jäɨ rami mona yave. Pepuereta pere kuae ɨvɨtɨ guasu pe: “Esɨrɨ kuae güi pea pe”, jare ojota ko. Jare ngaraa mbae yavai peve.

San Mateo 28:17

Jare jemimboe reta oecha yave Jesús, omboete. Ërei amogüe vae mbaetɨ güɨrovia jae ko Jesús vae.

San Marcos 7:18

Jayave Jesús jei chupe reta: —¿Pe reta ave pa mbaetɨ peikuaa kavi? ¿Mbaetɨ pa peikuaa oipotagüe mbae peu vae, mbaetɨ ko omongɨa pepɨa vae?

San Lucas 24:11

Ërei Jesús jemimondo reta pe añeteäecha. Mbaetɨ güɨrovia reta.

San Lucas 24:25

Jayave Jesús jei chupe reta: —¡Yarakuaambae reta! Mbegüe rupi yae perovia opaete ñeemombeúa reta jei vae.

San Juan 20:25

Jare ïru Jesús jemimboe reta jei Tomás pe: —Roecha yandeYa. Ërei Tomás jei: —Aecha yave oyekutu rendagüe ipo re jare amoingeä yave chepoäka clavo jendagüe pe jare amoingeä yave chepo iyɨke pe, ngaraa arovia.

San Juan 20:26

Juri ara ma oasa yave, temimboe reta ñogüɨnoi ye jókuae o pe. Tomás joko pe oï vi. Yepe tëi öke reta oyeokenda ñogüɨnoi, ërei Jesús ou oyemboɨ ipɨte pe jare jei chupe reta: —Mbɨakatu toï pe ndive.

San Juan 20:27

Jayave jei Tomás pe: —Emae chepo re. Eñono kuae pe nepoäka. Embou ndepo, emoinge cheɨke pe. Agüɨye eiko ndeporogüɨroviambae. ¡Eporogüɨrovia!

San Juan 21:1

Kuae jaɨkue rupi Jesús oyekuaa ye jemimboe reta pe Ɨguasu Tiberias jee vae jembeɨ pe. Oyekuaa chupe reta körai:

San Juan 21:14

Jare mboapɨa ma kuae re Jesús oyekuaa jemimboe reta pe, oikove ye güire omanogüe vae reta ipɨte güi.

Hechos 1:3

Jesús omano güire, oyekuaa chupe reta jae etei, oechauka reve añetete ko oikove vae. Oyekuaa chupe reta cuarenta ara rupi, jare imiari chupe reta Tumpa iporookuaía re.

1 Corintios 15:5

jare oyekuaa Cefas pe, jare jaɨkue rupi doce vae reta pe.

Apocalipsis 3:19

Che amboete jare aiporarauka aaɨu vae pe; jáeramo, eñemoäta ngatu jare eeya ndeyemongeta ikavimbae vae ndepɨa pe oï vae.