San Marcos 16:1 - Biblia Guarani Tumpa Iñee

¹ Ara mbutuu oasa ma yave, María Magdalaɨgua, Jacobo ichɨ María jare Salomé ogua reta mbae ikäti kavi vae, jare yogüɨraja oipichɨ vaerä Jesús jetegüe re.

Nuevo Testamento Guaraní Pe

¹ Mbutuu iara oasa ma yave, María Magdalena, Jacobo ichɨ María jee vae, jare Salomé ogua mbae ipiche cavi vae, jare yogüɨraja oipichɨ vaera Jesús jetegüe re.

San Marcos 16:1 ပူးပေါင်းရင်းမြစ်များ

GÉNESIS 50:2

Jaɨkue rupi José oyókuai jembiokuai oporopoano vae reta, oipoano vaerä tu Israel jetegüe, agüɨye vaerä oikomegua. Jare oporopoano vae reta oyapo jökorai.

2 CRÓNICAS 16:14

jare oñotɨ reta tɨvɨa jae oyapouka iyeupe David Jëta guasu pe vae pe. Oñono reta tëogüe-rɨru pe, oñono reta vi chupe jeta mbae ikäti kavi yae vae ipoki oyapo vae reta jembiapo. Javoi tuicha oyatapɨ reta oapɨ vaerä ikäti kavi vae omboete ramo.

San Marcos 14:3

Jare Jesús okaru oï ramboeve Betania pe Simón ipire mbaerasɨ okuise vae jo pe, ou metei kuña güeru reve ɨru raɨ ita alabastro pegua pe, mbae ikäti kavi yae vae nardo pegua jepɨ yae vae. Jókuae kuña oyoka ɨru raɨ, jare opɨyere Jesús iñäka re.

San Marcos 14:8

Kuae kuña oyapo ko ipueregüe. Chemokäti kavi voi ma ko tɨvɨa peguarä.

San Marcos 15:40

Jare amogüe kuña reta omae ñogüɨnoi mombɨrɨ güi. Kuae reta ipɨte pe ñogüɨnoi María Magdalaɨgua, María, Jacobo taɨrusu vae jare José ichɨ. Jare Salomé.

San Marcos 15:42

Jókuae ara opaete judío reta oyeapokatu ñogüɨnoi pɨareve peguarä. Echa pɨareve pe ko ara mbutuu. Jáeramo kuaraɨ oike ma yave,

San Marcos 15:47

Jare María Magdalaɨgua jare José ichɨ María oecha kia pe oñono Jesús jetegüe.

San Marcos 16:2

Jare ndeimboveasɨ tenondegua ara semana iyɨpɨ pe kuae kuña reta yogüɨraja tɨvɨa pe, kuaraɨ oë ma yave.

San Marcos 16:8

Jayave kuña reta osɨi yogüɨraja tɨvɨa güi, echa okɨɨye yae reta jare orɨrɨi. Jare mbaetɨ etei mbae jei kia pe ave.

San Lucas 23:54

Jókuae ara opaete judío reta oyeapokatu ñogüɨnoi pɨareve peguarä. Echa pɨareve pe ko ara mbutuu.

San Lucas 23:56

Jare yogüɨraja reta tëta pe, oyapokavi reta ikäti kavi vae. Jayave oputuu reta ara mbutuu pe, mborookuai jei rami.

San Lucas 24:1

Jare ndeimboveasɨ tenondegua ara semana iyɨpɨ pe, kuña reta yogüɨraja ye tɨvɨa kotɨ. Güɨraja reta mbae ikäti kavi vae oyapokavigüe, yogüɨraja vi jupíe amogüe kuña reta.

San Juan 19:25

Jare oyemboɨ ñogüɨnoi Jesús ikurusu iyɨpɨ pe Jesús ichɨ, jare ichɨ ipɨkɨɨ, jare María jae ko Cleofas jembireko jare María Magdalaɨgua.

San Juan 19:31

Jókuae ara judío reta oyeapokatu ñogüɨnoi Pascua peguarä. Jáeramo oyerure reta Pilato pe omopëuka vaerä kurusu re ñogüɨnoi vae reta itɨmaka jare güɨrajauka vaerä joko güi. Echa oipotaä jetegüe reta opɨta vaerä kurusu reta re jókuae ara mbutuu pe. Echa jókuae ara ko arete mbaemboete pegua.