San Marcos 15:43 - Biblia Guarani Tumpa Iñee

⁴³ metei kuimbae tëta guasu Arimatea pegua José jee vae oipoɨumbae reve ojo Pilato oïa pe, oyerure chupe Jesús jetegüe re. José jae ko mburuvicha imboetea vae. Jae oäro vi oiko Tumpa iporookuaía.

Nuevo Testamento Guaraní Pe

⁴³ metei cuimbae tenta Arimatea pegua José jee vae oñemoatangatu ojo Pilato pɨri, jare oyerure chupe Jesús jetegüe re. José co jae metei mburuvicha. Opaete tenta pegua reta omboete cuae José. Jae oaro oico Tumpa iporoocuaia.

San Marcos 15:43 ပူးပေါင်းရင်းမြစ်များ

San Mateo 19:30

Ërei Tumpa omomichita oyembotuicha vae reta, jare ombotuichata oñemomichi vae reta.

San Mateo 20:16

Jökorai Tumpa ombotaɨkueta oyembotuicha vae reta, jare ombotenondeta oñemomichi vae reta. Echa jeta ko oñeenɨi vae, ërei mbovɨño oyeparavo vae.”

San Mateo 27:57

Jare kuaraɨ oike ma yave, ou metei kuimbae oikokatu vae José jee vae tëta Arimatea pegua, jae vi ko metei Jesús jemimboe.

San Marcos 14:54

Jare Pedro ojo vi Jesús jaɨkue. Ërei mombɨrɨño oiko chugüi oike regua sacerdote tenondegua ete joka pe, jare oguapɨ sacerdote tenondegua ete jembiokuai reta ndive oyepee.

San Marcos 15:44

Jare Pilato ipɨakañɨ Jesús omano ma vae re. Jayave oenɨi sundaro reta juvicha, jare oparandu chupe omano ra Jesús vae.

San Lucas 2:25

Jare jókuae ara oiko Jerusalén pe metei kuimbae Simeón jee vae; jókuae kuimbae jupi vae oäro oiko Israel pegua reta iyeyora. Jare Espíritu Santo oï jese.

San Lucas 2:38

Jae ou José jare María jare Jesús ñogüɨnoia pe. Jayave jae vi omee yasoropai Tumpa pe, jare imiari Jesús re opaete yeyora oäro ñogüɨnoi Jerusalén pe vae reta pe.

San Lucas 23:50

Jare joko pe oï vi metei kuimbae José jee vae, tëta guasu Arimatea, ɨvɨ Judea pegua. Jae ko metei mburuvicha. Ipɨakavi jare jupi vae.

San Lucas 23:51

(Jae oipotaä tëi ïru mburuvicha reta oyapo vaerä ikavimbae vae Jesús pe.) Jae oäro vi oiko Tumpa iporookuaía.

San Juan 19:38

Kuae jaɨkue rupi José Arimatea pegua oyerure Pilato pe güɨraja vaerä Jesús jetegüe. Kuae José ko jae metei Jesús jemimboe, ërei mbaetɨ omboyekuaa, okɨɨye judío reta güi ramo. Jayave Pilato omee güɨraja Jesús jetegüe.

Hechos 13:50

Ërei judío reta omboemboe kuña jupi jare imboetea vae reta jare tëta guasu pegua tenondegua reta, oñemopüa Pablo jare Bernabé re, jare omombo reta iɨvɨ güi.

Hechos 17:12

Jare jeta joko pegua reta güɨrovia. Güɨrovia vi jeta griego imboetea vae kuña reta jare kuimbae reta.

Filipenses 1:14

Jare jeta yanderɨvɨ reta oñemoäta ngatu yandeYa kotɨ, oikuaa reta tembipɨɨrɨru pe oyeapo cheve vae ramo. Jare jae reta jei ete omombeu Tumpa iñee okɨɨyembae reve.