San Marcos 14:72 - Biblia Guarani Tumpa Iñee

⁷² Jayave takareo oñee mokoía ma yave, Pedro imaendúa Jesús jei chupe vae re: “Ndei takareo oñee mókoi mbove, mboapɨ ye ma chekuakuta.” Jare kuae re oyemongeta yave, omboɨpɨ oyaeo.

Nuevo Testamento Guaraní Pe

⁷² Jayave tacareo oñee pɨipɨi. Jare Pedro imaendúa Jesús jei chupegüe re: Ndei tacareo oñee pɨipɨi mbove, mboapɨ vese checuacuta. Jare cuae re oñemongueta ipɨa pe yave, omboɨpɨ oyaeo.

San Marcos 14:72 ပူးပေါင်းရင်းမြစ်များ

2 SAMUEL 24:10

Ërei David opa güire oyapo kuae yepapa, ou jasɨ ipɨa pe kuae oyapogüe, jare oyemombeu Tumpa pe körai: —CheYa, cheyoa ko tuicha ayapo ramboeve kuae. Ërei romoñera añave neɨ̈ro vaerä cheve cheyoa re, echa ayapo ko iyarakuaambae rami.

EZEQUIEL 16:63

Nemaenduata jare nemarata, jare ngaraa ye ma neñee remoë, nemara jeko pegua, cheɨ̈ro ma yave ndeve opaete reyapogüe re. Che ndeYa jae.”

EZEQUIEL 36:31

Jare pemaendúa pereko ikavimbae re jare perembiapo ikavimbae re yave, pemarata peyeugüi aeño, peyoa jare ikavimbae peyapo jeko pegua.’

EZEQUIEL 7:16

Amogüe oasayepe vae reta otekuaraita ɨvɨtɨ kotɨ, pɨkasu ɨvɨtɨ päu ipe kavi vae rupigua okɨɨye güi otekuarai rami, opaete vae omanota, güɨroäse retata iyoa.

San Mateo 26:34

Jesús jei chupe: —Añete che jae ndeve kuae pɨ̈tu ndei takareo oñee mbove, mboapɨ ye ma chekuakuta.

San Marcos 14:30

Jesús jei chupe: —Añete che jae ndeve, kuae pɨ̈tu voi, ndei mókoi ye takareo oñee mbove, mboapɨ ye ma chekuakuta.

San Marcos 14:68

Ërei Pedro oikuaku, jei reve: —Mbaetɨ aikuaa jókuae kuimbae, mbaetɨ aikuaa mbae rere vae. Jayave Pedro ojo öke tuicha vae kotɨ. Jare takareo oñee.

San Marcos 14:71

Jayave Pedro jei Tumpa jee re: —Tumpa toiporarauka cheve kuae jae vae añeteä yave. Mbaetɨ aikuaa jókuae kuimbae pemiari jese vae.

San Lucas 22:60

Jare Pedro jei: —Mbaetɨ aikuaa mbae rere reï vae. Jare imiari vɨteri oï ramboeve, takareo oñee.

San Lucas 22:62

Jayave Pedro oë joko güi, jare ipɨatɨtɨ yae reve oyaeo.

2 Corintios 7:10

Echa mbɨatɨtɨ Tumpa jemimbota rupi vae, güeru yepoepɨ yemboasa peguarä, mbaetɨ yandembopɨatɨtɨ; ërei yandepɨatɨtɨ yave oporogüɨroviambae vae reta ipɨatɨtɨ rami, jókuae güeru mano.