San Marcos 14:61 - Biblia Guarani Tumpa Iñee

⁶¹ Ërei Jesús kïriiño. Mbaetɨ etei mbae jei. Jayave sacerdote tenondegua oparandu ye chupe jei: —¿Nde pa ko jae Cristo? ¿Nde pa ko jae Imboetea vae Taɨ?

Nuevo Testamento Guaraní Pe

⁶¹ Erei Jesús quiriiño. Mbaeti mbae jei. Jayave sacerdote tenondegua oparandu ye chupe: —¿Nde pa co jae Cristo? ¿Nde pa co jae Tumpa Taɨ? —jei.

San Marcos 14:61 ပူးပေါင်းရင်းမြစ်များ

SALMOS 119:12

¡CheYa Tumpa, mbaemboete toñemee avei ndeve! ¡Chemboe ndeporookuai reta re!

SALMOS 2:7

Che amoërakuata yandeYa jei vae; yandeYa jei cheve: “Cheraɨ ko nde; che ko romoñemuña añave.

SALMOS 39:9

Chekïrii, mbaetɨ cheñee amoë, echa nde ko opaete mbae reyapo.

ISAÍAS 53:7

Oiporara jare ipɨatɨtɨ jae, mbaetɨ etei iñee omoë; vecha kuimbae oyereraja mbaeyukaa pe rami; jare vecha mbaetɨ jäse iñapía reta ipo pe rami, kïrii ngatu, mbaetɨ etei iñee omoë.

San Mateo 16:16

Jayave Simón Pedro jei chupe: —Nde ko jae Cristo, Tumpa oikove vae Taɨ.

San Mateo 3:17

Jare oyeendu ñee ara güi jei: “Kuae ko jae cheRaɨ aaɨu yae vae. Chemboyerovia yae vae.”

San Mateo 8:29

Jare jae reta iñeeäta reve jei: —¿Maera pa reyu oreve Jesús, Tumpa Taɨ? ¿Reyu pa reiporarauka oreve, ndei ara oväe mbove?

San Marcos 14:60

Jayave sacerdote tenondegua opüa oyemboɨ mbɨte pe, jare oparandu Jesús pe: —¿Maera pa mbaetɨ neñee remoë? ¿Mbae pa rere kuae reta oñeapo nderé vae re?

San Marcos 15:2

Jayave Pilato oparandu Jesús pe: —¿Nde pa ko jae judío reta juvicha guasu? Jesús jei chupe: —Jae ko che.

San Juan 1:34

Jókuae aecha jare amombeu peve, jae ko jókuae Tumpa Taɨ.”

San Juan 10:24

Jayave judío reta yatɨ Jesús re jare jei reta chupe: —¿Kërai yave pa nemiari kavita oreve, agüɨye vaerä ma orembojopa? Nde ko jae Cristo yave, emombeu kavi voi mo oreve.

San Juan 10:36

Jayave, ¿maera pa pere cheve: “Nde rere ikavimbae vae Tumpa kotɨ”? Echa jae: “Che ko jae Tumpa Taɨ.” Echa jae ko cheñono tee jare chembou ɨvɨ pe.

San Juan 18:37

Jayave Pilato jei chupe: —¿Jayave, nde pa ko jae mburuvicha guasu? Jesús jei chupe: —Rere ma ko nde etei che mburuvicha guasu vae. Kuaerä aa. Kuaerä ayu ɨvɨ pe. Ayu amombeu vaerä añete vae. Opaete añete vae güɨrovia vae reta oyeapɨsaka cheñee re.

San Juan 19:7

Judío reta jei Pilato pe: —Ore rogüɨnoi metei mborookuai, jare jókuae mborookuai rupi omanota ko. Echa jei iyeupe jae ko Tumpa Taɨ.

San Juan 19:9

Jayave oike ye morojäa renda pe jare oparandu Jesús pe: —¿Kia pegua pa nde? Ërei Jesús kïriiño chugüi.

Hechos 8:32

Jare jókuae Tumpa Iñee omongeta vae jae kuae: “Vecha rami oyererajauka oyeyuka vaerä. Jare vecha kuimbae taɨrusu mbaetɨ jäse iñapía reta ipo rami, mbaetɨ etei iñee omoë.

1 Timoteo 1:11

Kuae mboromboe ñee ikavi vae Tumpa iyemboetea yae vae regua, cheve oñemee vae ko.

1 Timoteo 6:15

Echa jókuae ara oväe yave, Tumpa oechaukata ko yandeYa Jesucristo. Jaeño ko mbaepuere iYa, mburuvicha guasu reta Juvicha guasu, Imbaepuere yae ete mbaepuere güɨnoi vae reta güi vae,

1 Pedro 2:23

Yepe tëi ïru vae reta jei ikavimbae vae ikotɨ, ërei jae mbaetɨ omboyevɨ ñee ikavimbae vae ikotɨ reta. Oiporara oï yave, mbaetɨ jei oiporaraukata ko chupe reta vae. Jaeño oñono Tumpa oporojäa jupi rupi vae ipo pe.