San Marcos 14:36 - Biblia Guarani Tumpa Iñee

³⁶ Jare jei: “CheRu, cheRu, opaete mbae yavaiä ko ndeve. Embosɨrɨ chegüi kuae aiporarata vae. Ërei toyeapo cheve nde rere vae. Agüɨye toyeapo che jae vae.”

Nuevo Testamento Guaraní Pe

³⁶ Jei Tumpa pe: —CheRu, cheRu, opaete mbae ndepuere reyapo. Emboasa chegüi cuae aiporarata vae. Erei toyeapo cheve neremimbota. Agüɨye toyeapo cheremimbota —jei.

San Marcos 14:36 ပူးပေါင်းရင်းမြစ်များ

GÉNESIS 18:14

¿Oime pa mbae yavai yae cheve vae? Kuae año ou ye vae re ayu yeta ndépɨri, jayave Sara oimeta ma imembɨ.

SALMOS 40:8

Nderemimbota ayapo vae chemboyerovia cheRu Tumpa. ¡Ndeporookuai oï chepɨa pe!”

JEREMÍAS 32:27

“Che ko jae ndeYa, opaete oikove vae iTumpa. Mbaetɨ etei mbae yavai cheve.

San Mateo 26:39

Jayave Jesús osɨrɨ katu chugüi reta, jare oyetavatɨka itindɨasɨ ɨvɨ re jare oyerure, jei reve: “CheRu, nde reipota yave, emboasa chegüi kuae aiporarata vae. Ërei toyeapo cheve nde rere vae. Agüɨye toyeapo che jae vae.”

San Mateo 26:42

Jayave Jesús ojo ye oyerure mokoía ma: “CheRu, nde reipota yave aiporara vaerä, toyeapo cheve nde rere vae.”

San Mateo 6:9

Jáeramo peyerure Tumpa pe körai: ‘OreRu ara pe reï vae, toyemboeteuka nderee.

San Marcos 10:27

Jesús omae jese reta jare jei: —Ɨvɨ pegua reta pe yavai yae vae, Tumpa pe mbaetɨ ko. Echa Tumpa pe opaete mbaembae yavaiä etei ko.

San Marcos 10:39

—Orepuereta ko —jei reta. Jare Jesús jei chupe reta: —Añete pe reta peiporarata che aiporarata rami, jare pe reta peyembobautisaukata che ayembobautisaukata rami;

San Marcos 14:37

Jayave Jesús ou jemimboe reta ñogüɨnoia pe, jare oecha oke ñogüɨnoi. Jayave jei Pedro pe: —Simón, ¿reke pa? ¿Ndepuereä pa metei ora yepe rekembae reï?

San Juan 12:27

“Chepɨatɨtɨ yae aï. Ërei chepuereä jae: ‘CheRu, cherepɨ kuae ora pe oyeapota cheve vae güi.’ Ërei kuae ra ko ayu aupitɨ kuae ora.

San Juan 18:11

Jayave Jesús jei Pedro pe: —Eñono ye ndekɨsepuku jɨru pe. CheRu omee aiporara vaerä vae, aiporara ñotai ko.

San Juan 4:34

Jesús jei chupe reta: —Cherembíu jae ko, ayapo vaerä chembou vae jemimbota, jare opa vaerä iparavɨkɨ ayapo.

San Juan 5:30

Cheyeugüi aeño mbaetɨ chepuere mbae ayapo. Che aporojäa aendu rupi. Jáeramo aporojäa jupi rupi. Echa mbaetɨ ayapo cheremimbotaño. Ayapo ko cheRu chembou vae jemimbotaño.

Gálatas 4:6

Jare taɨ reta ma yaiko ramo, Tumpa ombou yandepɨa pe Taɨ iEspíritu. Jae jei: “CheRu, cheRu.”

Filipenses 2:8

Jare kuimbaerä oyeapo ma yave, oñemomichi yeti, oyapo Tumpa jei vae omano regua, omano kurusu re.

2 Timoteo 2:13

Mbaetɨ yave jupi kavi yaiko, jae iñee ombopo avei. Jae mbaetɨ iyapu.”

Tito 1:2

jare oäro vaerä oyerovia reve tekove opambae vae. Echa Tumpa iyapumbae vae jókuae güɨrökuavee yandeve ndei ɨvɨ oyeapo mbove.

Hebreos 6:18

Mókoi reve, Tumpa oñererökuavee vae jare jei jee re aeño oyepoepɨmbae re, Tumpa ngaraa etei iyapu, ñanoi mbɨakatu tuichagüe yande yaeka Tumpa iporomborɨ vae jare ñaäro yayerovia reve ñanoi vaerä Tumpa güɨrökuavee yandeve vae.