San Marcos 14:22 - Biblia Guarani Tumpa Iñee

²² Jare okaru ñogüɨnoi ramboeve, Jesús oipɨɨ mbɨyape omee yasoropai jese Tumpa pe. Jayave opɨ̈saa mbɨyape jare omee chupe reta jei reve: —Peu. Kuae ko jae cherete.

Nuevo Testamento Guaraní Pe

²² Jare jae reta ocaru ñogüɨnoi rambueve, Jesús oipɨɨ mbɨyape, jare omee yasoropai Tumpa pe. Jayave opɨsae mbɨyape jare omee chupe reta. —Peu —jei chupe reta—. Cuae co jae cherete —jei.

San Marcos 14:22 ပူးပေါင်းရင်းမြစ်များ

GÉNESIS 41:26

Jókuae chiu guaka ipöra vae, chiu año ko; jare jókuae trigo chiu jäka ipöra vae, chiu año vi ko; kuae mbaɨu reta metei vaeño tëi ko.

ZACARÍAS 5:7

Jare itapa plomo pegua oyepea yave, ko metei kuña oguapɨ oï jókuae mbaejäaka pe.

San Mateo 14:19

Jayave Jesús oyókuai jókuae jeta vae reta oguapɨ vaerä kapiata re. Jayave oipɨɨ jókuae pandepo mbɨyape jare mókoi jevae ɨ rupigua, jare omae reve ara kotɨ omee yasoropai Tumpa pe jese. Jayave opɨ̈saa mbɨyape, jare omee jemimboe reta pe, jare jae reta omee vaerä jeta vae reta pe.

San Marcos 10:16

Jayave Jesús ovoɨ michia reta, oñono ipo jese reta, jare jei ñee kavi ikotɨ reta.

San Marcos 14:21

Che Kuimbaerä ayeapo vae pe oyeapo ñotai ko oyekuatía oï cheré vae rami. Ërei, ¡paravete jókuae kuimbae chemboeterengata vae! Ikavi yae viña jókuae kuimbae mbaetɨ oa yave.

San Marcos 14:23

Jayave Jesús oipɨɨ vi metei kopa, jare yasoropai omee ye güire Tumpa pe, omee chupe reta. Jare opareve jou reta.

San Marcos 14:24

Jare jei chupe reta: —Kuae ko jae cherugüɨ morogüɨrökuavee päve ipɨau vae pegua, oyepɨyereta jeta vae reta peguarä.

San Marcos 6:41

Javoi Jesús oipɨɨ jókuae pandepo mbɨyape jare mókoi pira, jare omae ara kotɨ, jare omee yasoropai Tumpa pe jese. Jayave opɨ̈saa mbɨyape, jare omee jemimboe reta pe, jae reta omee vaerä yatɨ tee tee ñogüɨnoi vae reta pe. Jesús opɨ̈saa vi omee jókuae mókoi pira opaete vae pe.

San Lucas 22:17

Jayave Jesús oipɨɨ kopa, jare omee yasoropai Tumpa pe jese, jare jei: —Peu kuae vino opaete pe reta.

San Lucas 24:30

Jare oguapɨ ma mesa pe okaru vaerä yave, Jesús oipɨɨ mbɨyape jare omee yasoropai jese Tumpa pe, opɨ̈saa jare omee chupe reta.

San Juan 6:23

Ërei ïru barco raɨ reta yogüeru oväe tëta guasu Tiberias güi, jókuae mbɨyape jou reta yandeYa omee yasoropai jese Tumpa pe güirea iyɨpɨ pe.

1 Corintios 10:4

Jare opaete vae oɨu Espíritu pegua. Jare oɨu reta jókuae ita guasu Espíritu pegua jupíe reta oiko vae güi. Jare jókuae ita guasu jae ko Cristo ko.

Gálatas 4:25

Echa kuae Agar oyembojaanga ɨvɨtɨ Sinaí Arabia pegua re, jare oyembojaanga vi tëta guasu Jerusalén añave pegua re. Echa jókuae tëta guasu jare ipo reta tembiokuai reta ko.