San Marcos 14:20 - Biblia Guarani Tumpa Iñee

²⁰ Jare Jesús jei chupe reta: —Metei pepɨte pe oï vae ko jae. Mbɨyape omoäkɨ oï che ndive ñae pe vae ko jae.

Nuevo Testamento Guaraní Pe

²⁰ —Pe reta co jae doce cheremimboe reta —jei Jesús chupe reta—. Metei pepɨte pe oi vae co jae. Mbɨyape omoaquɨ oi che ndive ñae pe vae co jae —jei—.

San Marcos 14:20 ပူးပေါင်းရင်းမြစ်များ

PROVERBIOS 19:24

Iyakɨ vae, opöe ñae pe, ërei iyakɨ güɨ raja iyuru pe ave.

San Mateo 26:23

Jayave Jesús jei chupe reta: —Ñae pe opöe che ndive vae ko chemboeterengata.

San Mateo 26:47

Jare imiari vɨteri oï ramboeve, ou Judas jae ko doce vae güi metei. Jeta vae yogüeru jae ndive ikɨsepuku reve reve jare iɨvɨra reve reve. Sacerdote reta itenondegua reta jare tëta pegua reta itenondegua reta ombou Jesús pe kuae reta.

San Marcos 14:19

Jayave jae reta ipɨatɨtɨ, jare oparandu Jesús pe metei ñavo, jei: —¿Che pa ko jae?

San Marcos 14:21

Che Kuimbaerä ayeapo vae pe oyeapo ñotai ko oyekuatía oï cheré vae rami. Ërei, ¡paravete jókuae kuimbae chemboeterengata vae! Ikavi yae viña jókuae kuimbae mbaetɨ oa yave.

San Marcos 14:43

Jare imiari vɨteri oï ramboeve, ou Judas jae ko doce vae güi metei. Jeta vae yogüeru jae ndive ikɨsepuku reve reve jare iɨvɨra reve reve. Sacerdote reta itenondegua reta, mborookuai re oporomboe vae reta, jare tëta guasu pegua reta itenondegua reta ombou Jesús pe kuae reta.

San Lucas 22:47

Jare imiari vɨteri oï ramboeve, oyekuaa jeta vae. Jare Judas, doce vae güi metei vae ou jókuae jeta vae jenonde. Ou oväe Jesús oïa pe yave, oovapɨte.

San Juan 13:26

Jesús jei: —Jókuae ameeta mbɨyape amoäkɨgüe chupe vae ko jae. Jayave omoäkɨ mbɨyape tembíu pe omee Judas Iscariote, Simón taɨ pe.

San Juan 6:71

Körai jei Judas re. Judas ko jae Simón Iscariote taɨ. Echa jae ko omboeterenga jovaicho reta pe vae; Judas ko, doce vae reta güi metei.