San Marcos 14:18 - Biblia Guarani Tumpa Iñee

¹⁸ Jare mesa pe oguapɨ okaru ñogüɨnoi ramboeve, Jesús jei chupe reta: —Añete che jae peve, metei pepɨte pe oï vae chemboeterengata. Jae ko metei okaru oï che ndive vae.

Nuevo Testamento Guaraní Pe

¹⁸ Jare mesa pe oguapɨ ocaru ñogüɨnoi rambueve, Jesús jei chupe reta: —Añete che jae peve, metei pepɨte pe oi vae chemoeterengata cherovaicho reta pe. Jae co metei ocaru oi che ndive vae —jei.

San Marcos 14:18 ပူးပေါင်းရင်းမြစ်များ

SALMOS 41:9

Chevɨaka ave, jese arovia katu vae, okaruse che ndive vae, oyeapa cheré.

San Mateo 26:21

Jare okaru ñogüɨnoi ramboeve, Jesús jei chupe reta: —Añete che jae peve, metei pepɨte pe oï vae chemboeterengata.

San Mateo 5:18

Añete che jae peve, ara jare ɨvɨ oiko ramboeve ngaraa oyemboai metei kuatía michi yae vae ani yeai ave yepe Moisés iporookuai güi ndei opaete oyembopo mbove.

San Mateo 6:16

Peyekuaku tembíu güi yave, agüɨye perovambuae pemboyekuaa jova mókoi vae reta oyapo rami. Echa jae reta jovambuae omboyekuaa ïru vae reta pe oyekuaku ko ñogüɨnoi tembíu güi vae. Añete che jae peve, jókuae rupi jepɨ ma ko chupe reta.

San Mateo 6:2

Jáeramo, rembopota paravete vae reta yave, agüɨye eyapo opaete vae reta ndereecha vaeräño, jova mókoi vae reta oyapo rami, judío reta itupao reta pe jare kaye rupi, ïru vae reta omboete vaeräño. Añete che jae peve, jókuae rupi jepɨ ma ko chupe.

San Mateo 6:5

Reyerure Tumpa pe yave, agüɨye eyerure jova mókoi vae reta oyapo rami, echa omomora oyemboɨ reta oyerure judío reta itupao pe jare kaye reta iekina pe. Oipota kia reta oecha vaeräño. Añete che jae peve, jókuae rupi jepɨ ma ko chupe reta.

San Marcos 10:15

Añete che jae peve, mbaetɨ yave pemboresive Tumpa iporookuaía metei michia rami, ngaraa peike Tumpa iporookuaía pe.

San Marcos 10:29

Jesús jei chupe reta: —Añete che jae peve, oime yave kia oeya jo, tɨkeɨ reta ani tɨvɨ reta, ani jeindɨ reta, ani tɨke ani ipɨkɨɨ ani ikɨvɨ, ani tu, ani ichɨ, ani jembireko, ani imichia reta, ani iɨvɨ reta chereko pegua jare Tumpa Iñee ikavi vae jeko pegua vae,

San Marcos 14:17

Jare pɨ̈tu ma yave, Jesús ojo jókuae doce jemimboe reta ndive.

San Marcos 14:19

Jayave jae reta ipɨatɨtɨ, jare oparandu Jesús pe metei ñavo, jei: —¿Che pa ko jae?

San Marcos 14:25

Añete che jae peve, ngaraa ma jau uva tɨɨgüe, Tumpa iporookuaía pe uva tɨɨgüe ipɨau vae jau regua.

San Marcos 14:9

Añete che jae peve, opaete ɨvɨ rupi ñee ikavi vae oñemoërakuaa rupi, kuae kuña oyapo vae jërakuata vi, ïru vae reta imaendúa vaerä jese.

San Marcos 3:28

Añete che jae peve, Tumpa iñɨ̈rota opaete ɨvɨ pegua reta iyoa re jare opaete jei ikavimbae yae Tumpa kotɨ vae re.

San Marcos 6:11

Jare oime yave kia pe mbaetɨ oipota pemboresive ani oipotaä oyeapɨsaka peré yave, peë joko güi, jare pemotumo pepɨ ɨvɨkúi güi, oikuaa vaerä jae reta ko teko güɨnoi. Añete che jae peve, Tumpa ojäa yave ɨvɨ pegua reta, jókuae tëta guasu pegua reta oiporara yaeta Sodoma jare Gomorra pegua reta oiporara vae güi.

San Marcos 8:12

Jayave Jesús ipɨayekɨi reve jei: —¿Maera pa pe reta peipota aechauka vaerä mɨakañɨ? Añete che jae peve, ngaraa oyekuaa mɨakañɨ kuae reta pe.

San Marcos 9:1

Jesús jei vi chupe reta: —Añete che jae peve, ndei amogüe kuae pe ñogüɨnoi vae omano mbove, oecha retata ou Tumpa iporookuaía mbaepuere ndive vae.

San Marcos 9:41

Kia nunga vae omee peve ɨ metei tasa cheree re yave, amboekoviata chupe, cheré perovia ramo.

San Lucas 11:51

Abel oyeyukauka güive Zacarías oyeyukauka vae pe. Jókuae Zacarías omano mɨmba oyeyukagüe oyeapɨ jese vae jare tupao ipäu pe vae. Añete che jae peve, kuae reta imano re pe reta peiporarata.

San Lucas 22:21

Ërei yandepɨte pe oguapɨ oï cherovaicho reta pe chemeeta vae.

San Lucas 4:24

Añete che jae peve, opaete rupi ñeemombeúa imboetea, ërei jëtaɨgua reta mbaetɨ omboete.

San Juan 1:51

Añetete che jae ndeve, reechata ara oyepea oï, jare reechata vi Tumpa iaraɨgua reta oyeupi jare ogüeyɨ che Kuimbaerä oyeapo vae re.

San Juan 13:18

Opaete pe reta reä ko chemiari aï. Che aikuaa kia reta ko jae cherembiparavo. Ërei Tumpa Iñee pe oyekuatía oï vae oyembopota ko. Echa oyekuatía oï körai: “Jókuae okaru che ndive vae oyeapata cheré.”

San Juan 13:21

Kuae jei ma yave, Jesús ipɨatɨtɨ yae jare jei: —Añetete che jae peve, metei pepɨte pe oï vae chemboeterengata.

San Juan 13:22

Jayave jemimboe reta omae oyoe. Oikuaaä kia re ra imiari vae.

San Juan 13:38

Jesús jei chupe: —Nde rere remanota cherekovia pe. Ërei añetete che jae ndeve, ndei takareo oñee mbove, mboapɨ ye ma chekuakuta.

San Juan 21:18

Añetete che jae ndeve, nde ndetaɨrusu yave, reyeumbɨkua jare reo nekɨ̈reɨ reoa kotɨ. Ërei ndendechi ma yave, reupita ndeyɨva jare ïru vae nderumbɨkuata jare ndererajata neäteɨ reoa kotɨ.

San Juan 3:11

Añetete che jae ndeve, oremiari ko roikuaa vae re jare romombeu ko roecha vae. Ërei mbaetɨ perovia romombeu peve vae.

San Juan 3:3

Jesús jei Nicodemo pe: —Añetete che jae ndeve, mbaetɨ kia oa pɨau ye vae, ngaraa ipuere oecha Tumpa iporookuaía.

San Juan 3:5

Jesús jei chupe: —Añetete che jae ndeve, mbaetɨ kia oa pɨau ye ɨ rupi jare Espíritu rupi vae ngaraa oike Tumpa iporookuaía pe.

San Juan 5:19

Jayave Jesús jei chupe reta: “Añetete che jae peve, Tumpa Taɨ mbaetɨ iyeugüi aeño oyapo mbae. Oyapo ko jókuae oecha Tu oyapo oï vaeño. Echa opaete Tu oyapo vae Taɨ oyapo vi.

San Juan 6:26

Jayave Jesús jei chupe reta: —Añetete che jae peve, pe reta chereeka mbɨyape peu jare peyemoangapɨɨ pɨpe ramoño, mbaetɨ chereeka mɨakañɨ peecha ramo.

San Juan 6:32

Jesús jei chupe reta: —Añetete che jae peve, Moisés eteiä ko omee peve mbɨyape ara pegua. CheRu ko añave omee peve mbɨyape añetete pegua ara güi ou vae.

San Juan 6:47

Añetete che jae peve, cheré güɨrovia vae güɨnoi tekove opambae vae.

San Juan 6:70

Jayave Jesús jei chupe reta: —Che ko poparavo pe doce vae reta. Ërei oime metei pepɨte pe aña pe oyeokuai vae.