San Marcos 14:11 - Biblia Guarani Tumpa Iñee

¹¹ Kuae oendu reta yave, oyerovia reta, jare jei reta omee vaerä chupe korepoti. Jayave Judas oeka kërai omboeterenga vaerä chupe reta.

Nuevo Testamento Guaraní Pe

¹¹ Cuae oicuaa reta yave, oyerovia yae, jare jei Judas pe omeeta co chupe corepoti. Jayave Judas omboɨpɨ oeca quirai ipuere omoeterenga Jesús chupe reta.

San Marcos 14:11 ပူးပေါင်းရင်းမြစ်များ

1 REYES 21:20

Jare Acab jei Elías pe: —¿Jayave cheväe cherovaicho? Elías jei: —Jökorai. Echa ikavimbae vaeño reyapo yandeYa jesa róvai.

2 REYES 5:26

Ërei Eliseo jekuae jei ye chupe: —Kuimbae ogüeyɨ ikäretou güi ndemboresive vaerä yave, che joko pe aï cheyemongeta rupi. Añave mbaetɨ ikavi yamboresive vaerä korepoti, temimonde reta, ani yagua vaerä ko, uvarupa, vecha reta, güeye reta, tembiokuai kuimbae reta jare tembiokuai kuña reta.

OSEAS 7:3

Chembae vae reta oyapo ikavimbae vae rupi omboyerovia mburuvicha guasu, jare iyapu reta rupi omboyerovia mburuvicha reta.

San Mateo 26:14

Jayave jókuae doce jemimboe reta güi metei Judas Iscariote jee vae ojo sacerdote reta itenondegua reta ñogüɨnoia pe,

San Mateo 26:15

jare jei chupe reta: —¿Mbae pa pemeeta cheve, amboeterenga yave Jesús peve? Jayave jae reta jei omee vaerä chupe treinta reare korepoti pegua.

San Marcos 14:10

Jayave jókuae doce jemimboe reta güi metei Judas Iscariote jee vae ojo sacerdote reta itenondegua reta ñogüɨnoia pe, omee vaerä Jesús chupe reta.

San Marcos 14:12

Jare jókuae tenondegua ara arete pe, judío reta omboɨpɨ jou mbɨyape oyembovumbae vae yave, oyuka reta vecha kuimbae taɨrusu vae Pascua peguarä yave, jemimboe reta jei chupe: —¿Kia pe pa reipota roñono kavi vecha kuimbae taɨrusu vae isoo Pascua pegua reu vaerä?

San Lucas 22:3

Jayave Satanás oya Judas Iscariote re, jae ko doce vae reta güi metei.

1 Timoteo 6:10

Echa korepoti yaipota yae vae ko güeru opaete mbaembae ikavimbae vae. Jare amogüe vae oipota yae oikokatu ramo, opia iporogüɨrovia güi, jare täta oiporara.

Judas 1:11

¡Paravete jae reta! Echa omomoe reta Caín jeko. Jaeramiño vi ikorepoti pota güi opa opia reta Balaam rami; jaeramiño vi opa omano reta ipɨa pochɨ jeko pegua Coré rami.