San Marcos 12:35 - Biblia Guarani Tumpa Iñee

³⁵ Jare Jesús oporomboe oï tupao pe, jei: —¿Maera pa jei mborookuai re oporomboe vae reta Cristo ko jae David iñemuña pegua?

Nuevo Testamento Guaraní Pe

³⁵ Jare Jesús oporomboe oi Tumpa jo pe. —¿Maera pa jei mboroócuai re oporomboe vae reta Cristo co jae David Taɨ? —jei—.

San Marcos 12:35 ပူးပေါင်းရင်းမြစ်များ

San Mateo 26:55

Jayave voi Jesús jei jókuae yogüeru vae reta pe: —¿Maera pa peyu kɨsepuku jare ɨvɨra ndive chepɨɨ vaerä, imonda vae kotɨ rami? Ara ñavo aguapɨ pe reta ndive tupao pe aporomboe. Jare mbaetɨ chepɨɨ.

San Mateo 9:27

Jare Jesús ojo joko güi yave, mókoi kuimbae jesambae vae reta yogüɨraja jaɨkue, osapúkai reve jei reta: —¡David Taɨ, oreparareko!

San Marcos 10:1

Jayave Jesús ojo Capernaum güi Judea pe ɨ̈aka Jordán jovaicho pe. Joko pe jeta oyemboatɨ ye jae oïa pe. Jayave Jesús omboe reta, oporomboeñoi rami.

San Marcos 11:27

Jesús jare jemimboe reta yogüɨraja oväe ye Jerusalén pe. Jare oguata ramboeve tupao rupi, yogüeru jae oïa pe sacerdote reta itenondegua reta, mborookuai re oporomboe vae reta, jare tëta guasu pegua reta itenondegua reta.

San Marcos 14:49

Ara ñavo aporomboe aiko pepɨte pe tupao pe. Jare mbaetɨ chepɨɨ. Ërei oyeapo kuae oyembopo vaerä Tumpa Iñee jei vae.

San Lucas 19:47

Jare Jesús oporomboe tupao pe ara ñavo. Ërei sacerdote reta itenondegua reta jare mborookuai re oporomboe vae reta jare tëta guasu pegua reta itenondegua reta oeka kërai oyuka vaerä.

San Lucas 20:1

Jare metei ara Jesús oporomboe oï tupao pe, jare omombeu joko pe ñogüɨnoi vae reta pe ñee ikavi vae. Jayave yogüeru vi joko pe sacerdote reta itenondegua reta jare mborookuai re oporomboe vae reta jare tëta guasu pegua reta itenondegua reta ndive.

San Lucas 21:37

Jare opa ara rupi Jesús oporomboe tupao pe. Ërei pɨ̈tu ma yave ojo joko güi opɨta ɨvɨtɨ Olivo pe.

San Juan 18:20

Jayave Jesús jei chupe: —Che chemiari ko opaete vae jovake. Aporomboe avei judío reta itupao reta pe jare tupao pe, judío reta jeta oyemboatɨa pe. Mbaetɨi chemiari vɨari.

San Juan 7:42

Echa Tumpa Iñee pe jei David iñemuña güi jare tëta Belén David jëta güi ko oëta Cristo.