San Marcos 12:28 - Biblia Guarani Tumpa Iñee

²⁸ Oyakatu vi Jesús re metei mborookuai re oporomboe vae. Jae oendu oyoaka vae, jare oikuaa Jesús omombeu kavi chupe reta iparandu. Jayave jae oparandu Jesús pe: —¿Mbae nunga mborookuai pa ko jae tenondegua ete?

Nuevo Testamento Guaraní Pe

²⁸ Ou vi Jesús oia pe metei mboroócuai re oporomboe vae. Oendu oyoaca reta, jare oicuaa Jesús omombeu cavi co chupe reta. Jayave jae oparandu Jesús pe: —¿Mbae nunga mboroócuai pa co jae tenondegua vae? —jei.

San Marcos 12:28 ပူးပေါင်းရင်းမြစ်များ

San Mateo 19:18

Jayave oparandu taɨrusu jei: —¿Mbaembae pa? Jesús jei chupe: —Agüɨye eporoyuka. Agüɨye eyuvanga menda re. Agüɨye ndemonda. Agüɨye ere añetembae nderapicha kotɨ.

San Mateo 23:23

¡Paravete, pe jova mókoi vae reta! Mborookuai re oporomboe vae reta jare fariseo reta. Echa pemee pediezmo reta temitɨ reta penoi vae güi: Menta, aní jare comino jee vae. Ërei peeya mborookuai jei peve peyapo vaerä jupi vae, mboroparareko jare mborogüɨrovia. Kuae ko jae peyapo vaerä peeyambae reve diezmo reta.

San Mateo 5:19

Oime yave kia metei mborookuai güi mbaeä eteiecha vae mbaetɨ oyapo, jare jökorai oporomboe yave, michi yaeta ko opɨta araɨgua mborookuaía pe. Ërei oime yave kia oyapo jare oporomboe jese vae, tuicha yaeta ko araɨgua mborookuaía pe.

San Marcos 9:14

Jare yogüeru oväe yave ïru jemimboe reta ñogüɨnoia pe, oecha jeta vae yatɨ ñogüɨnoi jese reta, jare mborookuai re oporomboe vae reta oyoaka ñogüɨnoi jae reta ndive.

San Lucas 11:42

“¡Paravete, pe fariseo reta! Echa pemee pediezmo temitɨ reta penoi vae güi. Ërei mbaetɨ peyapo jupi vae, jare mbaetɨ peaɨu Tumpa. Kuae ko jae peyapo vaerä peeyambae reve diezmo reta.

San Lucas 20:39

Jayave amogüe mborookuai re oporomboe vae reta jei Jesús pe: —Oporomboe vae, jaekavi yae rere.