San Marcos 12:2 - Biblia Guarani Tumpa Iñee

² Jare uva yagüɨye ma yave, uvarupa iya ombou metei jembiokuai kó iporúa reta pe, jae güɨraja vaerä tëi uva omboyaogüe chupe.

Nuevo Testamento Guaraní Pe

² Jare uva yagüɨye ma yave, co iya ombou metei jembiócuai co iporúa reta pe, jae reta omboyao vaera tei uva reta, iya güɨnoi vaera imbaera.

San Marcos 12:2 ပူးပေါင်းရင်းမြစ်များ

2 REYES 17:13

Jayave yandeYa omboeta Israel jare Judá pegua reta pe opaete ñeemombeúa reta rupi; jare opaete mbae re oecha voi vae reta rupi jei: “Peeya pereko ikavimbae jare peñovatu cheporookuai reta che jae peñemuñagüe reta pe rami, che amombeu peve cheñeemombeúa reta rupi rami.”

2 CRÓNICAS 36:15

YandeYa, iñemuñagüe reta iTumpa ombou avei oikuaauka chupe reta mbae re iñeemombeúa reta rupi, echa güɨnoi mboroparareko tëta imbae vae reta re jare jae oikoa re.

ESDRAS 9:11

remee nderembiokuai ñeemombeúa reta rupi vae, rere reve: ‘Jókuae ɨvɨ peikota pɨpe vae, jare peipɨɨta pembaerä vae pe yogüɨreko vae reta güɨrokomegua jeko ikavimbae pe, omotɨnɨe reta jókuae ɨvɨ jeko pɨ̈chɨi pe.

SALMOS 1:3

Jókuae nunga kuimbae ko metei ɨvɨra ɨ̈aka jembeɨ pe oï vae rami, ia iara oväe yave ia, jokɨ katu avei, mbaetɨ jo osururu. ¡Opaete mbaembae oyapogüe oë kavi chupe!

JEREMÍAS 35:15

Ambou avei peve cherembiokuai ñeemombeúa reta, jei vaerä peve: Peeya pereko reta ikavimbae jare pɨ̈chɨi yae peyapo vae. Agüɨye pemboete tumpa-raanga reta, agüɨye peyeokuai chupe reta, jare jökorai peiko avei vaerä ɨvɨ amee peve jare peñemuñagüe reta pe vae pe. Ërei ngatu pe reta mbaetɨ peipota peendu jare peyapo che jae vae.

JEREMÍAS 44:4

Ambou avei voi tëi cherembiokuai ñeemombeúa reta omombeu vaerä peve, agüɨye vaerä peyapo ikavimbae yae vae, che aröɨro vae.

MIQUEAS 7:1

¡Tataɨ re! Kuaraɨ guasu pe temitɨ iagüe oeka vae rami ko aï, uva iagüe re oyevɨka reta vae rami, ërei mbaetɨ etei kërai yepe aväe; ayúe tëi mbaagüɨyerɨpɨ.

ZACARÍAS 7:7

¿Jaeä yera kuae ñee yandeYa omoërakuauka tenondegua ñeemombeúa reta rupi; Jerusalén pegua reta yogüɨreko pɨagüive yepi, jare iyɨ́vɨri rupigua tëta guasu reta jare ɨvɨ Neguev jare Sefela pe yogüɨreko vae?

San Mateo 21:34

Jare uva jaema yagüɨye yave, ko iya ombou mbovɨ jembiokuai reta omboyao vaerä uva, ko iporúa reta ndive.

San Marcos 12:1

Jayave Jesús omboɨpɨ imiari chupe reta ombojaanga reve: “Metei kuimbae oikëse ikorä jare oñotɨ pɨpe jeta uva, oyapo vi uva oñetɨami pɨpe vaerä. Oyapo vi metei oɨvate omae vaerä joko güi opaete kó re. Javoi oiporuka iko ïru vae reta pe, jare ojo mombɨrɨ.

San Marcos 12:3

Ërei jae reta oipɨɨ oinupa uvarupa iya jembiokuai, jare omondo ye ipogüɨraiño.

San Lucas 12:48

Ërei tembiokuai mbaetɨ oikuaaä ramo oyavɨ vae yave, iya ngaraa jeta ete oinupa. Jókuae jeta oñemee chupe vae pe jeta vi oyeekata, jare jeta yae oñemee chupe vae pe jeta yaeta vi oyeeka.

San Lucas 20:10

Jare uva yagüɨye ma yave, uvarupa iya ombou metei jembiokuai kó iporúa reta pe, jae reta omee vaerä tëi uva chupe. Ërei kó iporúa reta oinupa kó iya jembiokuai, jare omondo ye ipogüɨraiño.

Hebreos 1:1

Arakae rupi Tumpa jeta imiari ñaneñemuñagüe reta pe iñeemombeúa reta rupi güire.