San Marcos 12:14 - Biblia Guarani Tumpa Iñee

¹⁴ Jare yogüeru oväe yave, jei Jesús pe: —Oporomboe vae, roikuaa nde rere vae añete ko. Nde mbaetɨ reipoɨu kia güi ave, echa nde mbaetɨ remae kuimbae jova reño. Nde reporomboe kavi Tumpa jemimbota re. ¿César okovara vae jupi pa yamboepɨ vaerä?, ani ¿mbaetɨ pa? ¿Yamboepɨta pa chupe?, ani ¿mbaetɨta pa?

Nuevo Testamento Guaraní Pe

¹⁴ Jae reta yogüeru ovae yave, jei Jesús pe: —Oporomboe vae, roicuaa nde rere vae añete co. Nde mbaeti reipoɨu oipotagüe vae güi. Mbaeti remboete metei vae iru vae güi. Nde reporomboe cavi quirai Tumpa oipota yaico vaera vae re —jei reta—. César ñandeócuai ñamboepɨ vaera chupe corepoti. ¿Jupi pa ñamboepɨ vaera chupe? ani ¿mbaeti pa jupi? ¿Ñamboepɨta pa chupe? ani ¿mbaetita pa ñamboepɨ chupe? —jei reta Jesús pe.

San Marcos 12:14 ပူးပေါင်းရင်းမြစ်များ

2 CRÓNICAS 18:13

Micaías jei chupe: —¡YandeYa jee re, jaeño cheYa jei cheve vae amombeuta! Jare ou mburuvicha guasu jóvai.

2 CRÓNICAS 19:7

Jayave peipoɨu yandeYa güi, pemae kavi peyapo vae re, echa yandeYa Tumpa jupi vae ko, mbaetɨ oporoparavo ani mbaetɨ vi oipɨɨ vɨari korepoti ani mbae.”

NEHEMÍAS 9:37

Kuae ɨvɨ pe jeta mbaembae oñemuña vae, opɨta mburuvicha guasu reta ambuae vae reñono oreré vae jou vaeräño; jókuae mburuvicha reta güɨnoi mbaepuere oreré oreyoa jeko pegua jare orerɨmba reta re vi. Jáeramo, roiporara yae roï.”

SALMOS 120:2

CheYa Tumpa, chereepɨ iyapu vae reta iyuru güi, jare yuru oporomopɨ̈chɨi vae güi.

SALMOS 55:21

Ñee oë iyuru güi vae, neche kɨra ipɨuasɨ kavi rami, ërei ngatu ipɨa pe oï ñeraro. Iñee kaviasɨ, asaite iïchɨi kavi rami, ërei ngatu jae ko kɨse oyeimbee kavi vae rami.

JEREMÍAS 42:20

¿Maera pa pembaeyavɨ? Echa pe reta etei ko cheokuai aja vaerä ayerure yandeYa Tumpa pe, pere cheve: ‘Eyerure yandeYa Tumpa pe oreré, jare eikuaauka oreve jae jei vae, royapo vaerä.’

MIQUEAS 3:8

Ërei che anoi yandeYa iEspíritu rupi mbaepuere, jupi vae jare mɨ̈rata, aechauka vaerä Israel iñemuña reta pe ipɨarai jare iyoa.

San Mateo 22:16

Jayave jae reta omondo jemimboe reta herodiano reta ndive Jesús oïa pe. Jae reta jei Jesús pe: —Oporomboe vae, roikuaa nde rere vae añete ko. Jare nde reporomboe kavi Tumpa jemimbota re. Nde mbaetɨ reipoɨu kia güi ave, echa nde mbaetɨ remae kuimbae jova reño.

San Mateo 22:17

Jáeramo emombeu oreve, ¿Mbae pa rere? César okovara vae, ¿jupi pa yamboepɨ vaerä?, ani ¿mbaetɨ pa?

San Marcos 12:13

Jayave jae reta ombou amogüe fariseo reta jare herodiano reta, oyavɨuka vaerä chupe iñee rupi aeño.

San Marcos 12:15

Ërei Jesús oikuaa jae reta oipota ko ombotavɨ ramo, jei chupe reta: —¿Maera pa peipota peyavɨuka cheve? Peru taecha metei korepoti reare.

San Marcos 14:45

Judas ou oväe yave, oyakatu Jesús re, jare jei: —¡Oporomboe vae! ¡Oporomboe vae! Jare oovapɨte.

San Lucas 20:22

¿Jupi pa yamboepɨ vaerä César okovara vae?, ani ¿mbaetɨ pa?

San Lucas 23:2

Jare omboɨpɨ reta omboeko Jesús, jei reve: —Kuae kuimbae re roväe, güɨrokomegua tëta guasu pegua reta ipɨa, oyopia agüɨye vaerä oyemboepɨ César okovara vae, jare jei jae ko mburuvicha guasu Cristo jee vae.

San Juan 7:18

Iyeugüi aeño imiari vae oeka oyemboeteuka vaeräño, ërei oeka omboeteuka vaerä imboúa vae, jae oporomboe añete vae re. Mbaetɨ oñeväe jese jupimbae.

Romanos 13:6

Kuae jeko pegua ko pemboepɨ mburuvicha reta okovara vae. Echa jae reta oyeokuai ko ñogüɨnoi Tumpa pe; jókuae apo ñogüɨnoi vae reta.

2 Corintios 2:17

Ore reta mbaetɨ Tumpa iñee re romongana, jeta ïru vae reta oyapo rami. Romoërakua ko jupi rupi Tumpa jóvai, jae oreokuai rami, Cristo re roï ramo.

2 Corintios 2:2

Echa che pombopɨatɨtɨ yave, ¿kia ra chemboyeroviata? Jaeño pe, pombopɨatɨtɨ vae reta.

2 Corintios 4:1

Jáeramo mbaetɨ orepɨtu. Echa Tumpa iporoparareko rupi omee oreve royeokuai vaerä chupe.

2 Corintios 5:11

Jáeramo, yaikuaa yandeYa ñanejäata ramo ore romokɨ̈reɨ ïru vae reta güɨrovia vaerä yandeYa re. Tumpa orekuaa kërai ko ore vae. Mbae mona pe reta orekuaa vi.

2 Corintios 5:16

Jáeramo añave güive ngaraa yandepɨa pe yayemongeta ïru vae re jae ko ɨvɨ peguaño. Yepe tëi Cristo re ñamae yepi kuae ɨvɨ peguaño ko vae, ërei añave mbaetɨ ma yayemongeta jese jökorai.

Gálatas 1:10

Mbaetɨ etei aipota ɨvɨ pegua reta chembotuicha. Aipota Tumpaño chembotuicha vaerä. Mbaetɨ vi aipota ɨvɨ pegua reta ambopɨakatu vaerä, echa jökorai yave Cristo jembiokuaiä ma ko che.

Gálatas 2:6

Ërei jókuae tenondegua reta mbaetɨ etei omombeu mbae ipɨau vae cheve (mbaetɨ mbae cheve tenonde güive ma yogüɨreko reta vae, echa Tumpa mbaetɨ ko oporomboyoavɨ).

DEUTERONOMIO 16:19

Agüɨye perokomegua jupi vae; agüɨye etei pemboyoavɨ metei vae ïru ndive, echa jókuae nunga güɨrokomegua yarakuaa vae reta jare jupi vae reta.

1 Tesalonicenses 2:4

Ërei Tumpa etei ko oreñono rogüɨraja vaerä ñee ikavi vae, jökorai ko oremiari; mbaetɨ romboyerovia vaerä kuimbae reta, jaeño Tumpa, oikuaa yandeyemongeta vae.