San Marcos 11:20 - Biblia Guarani Tumpa Iñee

²⁰ Ndeimbove yave oasa ye ɨva oïa rupi yave, oecha reta opa yɨpi iyɨpɨ güive.

Nuevo Testamento Guaraní Pe

²⁰ Pɨareve pe neimbove yave oasa yogüɨraja ye yave, oecha ɨva yɨpi ma iyɨpɨ güive.

San Marcos 11:20 ပူးပေါင်းရင်းမြစ်များ

JOB 8:17

Japo reta oike ita reta ipäu rupi, jare oï ita reta ipɨte rupi.

ISAÍAS 40:24

Jae reta ko temitɨ ipɨau vae rami, jaeramo etei japo oyepota oï vae rami. Tumpa oipeyu yave, jaema voi opa ipiru reta, kusumirou ou yave, opa güɨraja kapii rami.

ISAÍAS 5:4

¿Mbae ye ra ayapota tëi cheuvarupa pe? ¿Oime ra mbae oata ayapo vaerä chupe? Che aäro tëi ia jëe vaerä, ërei, ¿maera ra jayasɨ yae?

San Mateo 13:6

Ërei kuaraɨ jasɨ yave, opa ipiru; japo matɨä ɨ́vɨkotɨ ojo ramo, otini.

San Mateo 15:13

Jayave Jesús jei chupe reta: —Opaete temitɨ reta cheRu ara pe oï vae jaeä oñotɨ vae oyeapomondorota ko.

San Mateo 21:18

Ndeimbove Jesús ou ye Jerusalén kotɨ yave, iyɨmbɨaɨ.

San Marcos 11:12

Pɨareve pe, yogüɨraja ye Betania güi yave, Jesús iyɨmbɨaɨ.

San Marcos 11:14

Jayave Jesús jei ɨva pe: —Ngaraa ye ma kia jou ndeía. Jare jemimboe reta oendu.

San Juan 15:6

Jókuae mbaetɨ oï cheré vae oyemombota metei jäka oyeasɨa oyemombo yɨpi vaerä vae rami. Jare yɨpigüe oyemboatɨ jare oyemombo oyeapɨ vaerä.

Hebreos 6:8

ërei jókuae ɨvɨ pe oñemoña yave ñurati katuai, ɨvɨ iya jeita: “Mbaetɨ ikavi kuae ɨvɨ.” Tumpa oyepopeyuta jese jare opata oyeapɨ.

Judas 1:12

Kuae reta ko pemomarai peyemboatɨ pekaru peyoaɨu revea pe, echa jae reta okaru pe reta ndive imarambae reve, iyé aeño oyangareko reta; jae reta ko amapɨtu iamambae vae rami, jókuae ɨvɨtu täta güɨroveve rami; temitɨ iambae iara pe vae rami, mókoi ye omano, jare oyeapomondoro.